城桥镇
| 城桥镇勒上海咾崇明个位置 | |
城桥镇
 | |
城桥镇（崇明說話：Dzen Jiau Tsen），是中国上海市崇明区底下个一隻镇，勒区中部偏西南边，崇明区政府所在地。[1]是崇明区第一大镇，崇明区个政治、经济、文化、交通、金融中心。[2]伊南临长江、东面是新河镇、西面贴隔壁是庙镇、北面是港西镇、建设镇，[2]面积58平方公里。[2]户籍人口8.8万人（2024年），[2]镇人民政府勒星火路2号。[3]
歷史
[编辑]“城桥”是老底子縣城搭橋鎮（因普濟橋得名）个合稱。[4]:7
那末个城桥镇是原来个城桥镇、城桥乡搭侯家镇三个乡镇歸併來个，1993年城桥镇脱城桥乡合并成城桥镇，2000年侯家镇并进城桥镇。[2]
行政区划
[编辑]城桥镇底下有26隻居委会搭14隻村委会：南门居委会、花园弄居委会、新崇居委会、城中居委会、吴家弄居委会、川心街居委会、西泯沟居委会、东河沿居委会、北门社区居委会、西门南村居委会、西门北村居委会、城西居委会、东门新村居委会、玉环新村居委会、江山新村居委会、学宫新村居委会、湄洲新村居委会、观潮新村居委会、小港新村居委会、永凤居委会、怡祥居居委会、城东居委会、明珠花苑居委会、金珠居委会、海岛星城居委会、金鳌山社区居委会、城桥村村委会、马桥村村委会、运粮村村委会、新闸村村委会、元六村村委会、湾南村村委会、利民村村委会、老滧港渔村村委会、推虾港村村委会、鳌山村村委会、侯南村村委会、聚训村村委会、山阳村村委会、长兴村村委会。
城桥新城
[编辑]城桥新城是崇明全区未来个政治、经济、文化中心，勒《上海市城市总体规划（1999-2020）》里向是11隻新城之一，後来勒《上海市城市总体规划（2016-2040）》里向降级成“核心镇”，规模弗低过中等城市标准建设。城桥新城总体布局规划有四隻区块：老城区为主体个新城西区、城市中心个新城中区、远景发展个新城东区搭老城西面个崇明工业园区。[5]2011年初，城桥新城行政服务中心、会议中心相继投入使用，规划展示馆也启动试运行。[6]2016年开始，区政府开始陆续望新城中区搬。
参考
[编辑]- ↑ 《崇明县志》>>卷一 建置>>三、县城>>(二)城桥镇. 原始文档勒2016-03-27存档. 访问日脚2019-04-15.
- ↑ 2.0 2.1 2.2 2.3 2.4 城桥镇概况 (zh-cn). 上海市崇明区人民政府 (2024-06-12). 原始文档勒2025-05-01存档. 访问日脚2025-05-01.
- ↑ 上海市崇明区城桥镇人民政府 (2022-02-14). 城桥镇政府办公时间、地址和联系方式 (zh-cn). 上海市崇明区人民政府. 原始文档勒2025-05-01存档. 访问日脚2025-05-01.
- ↑ （1989年03月）上海市崇明县县志编纂委员会 编：崇明县志 ．上海：上海人民出版社．ISBN 7-208-00399-8．
- ↑ 崇明政府网：城市建设. 原始文档勒2015-09-23存档. 访问日脚2013-05-06.
- ↑ 崇明报数字报刊平台·特稿 2011年11月09日. 原始文档勒2014-10-23存档. 访问日脚2014年10月23日.
外头链接
[编辑]
| |||||||||||||||||