周恩來

吴语维基百科,自由个百科全书
跳到导航 跳到搜索

周恩來(1898年3月5號-1976年1月8號),養勒江蘇淮安,祖籍浙江紹興。字翔宇[1],曾用名飛飛[1]伍豪[2]少山冠生等。[3]中国共产党中華人民共和國主要黨搭國家領導人之一,中国人民解放军創始人之一,中國無產階級革命家、政治家、軍事家、外交家。

周恩來是南開中學畢業個,後歇來勒南開大學讀書,後生辰光留學日本法國德國英國等國家,做過旅法共產主義小組骨幹。回國過後,做仔黃埔軍校政治部副主任、主任。第一次國共內戰辰光,做過中共蘇區中央局書記、中國工農紅軍政治委員中國工農紅軍第一方面軍政治委員、中共中央革命軍事委員會副主席,參與中央蘇區各趟反圍剿戰爭,指揮長征西安事變當中,俚代表中國共產黨搭中國國民黨簽訂合約,一淘搭日本打仗。中国抗日战争辰光,做仔國軍政治部副主任兼第八路軍駐渝辦事處主任,負責國共雙方軍事搭政治調停。日本投降過後,陪牢中國共產黨中央委員會主席毛澤東重慶去,搭中國國民黨總裁蔣中正勒重慶談判。第二次國共內戰辰光,做仔中央軍委代總參謀長,代表中國共產黨搞仔北平和談

中華人民共和國成立過後,做過中央人民政府政務院總理中華人民共和國國務院總理中國人民政治協商會議全國委員會主席中國共產黨中央委員會副主席等等,一直到1976年1月過世脫。1949年到1958年當中,兼任中華人民共和國外交部部長。俚還做過中國共產黨中央書記處書記、中國共產黨中央軍事委員會副主席、中國共產黨中央政治局常務委員會委員等重要職務。

參考[编辑]

  1. 1.0 1.1 秦九凤 (2008-01-25). 开国总理周恩来. 人民网.
  2. 周恩来“伍豪启事”事件始末. 新华网(转自中国共产党新闻网) (2009-06-01).
  3. 周恩来纪念馆. 人民网.