加拿大历史

加拿大历史可追溯到大约33,000年前。当地个原住民由印第安人搭因纽特人组成，大约拉33,000年前移居到北美洲。北欧个斯堪地纳维亚人（Viking） 拉大约公元986年拉现为纽芬兰个地方暂居。斯堪地纳维亚人是第一批踏足北美个欧洲人。但是拉16搭17世纪才有欧洲人到北美作永久性定居。来北美定居个欧洲人主要来自英国搭法国。

拉1763年结束个七年战争，英法签订个巴黎条约令法国放弃渠拉拉北美殖民地个主权。美国革命战争（1775年－1783年）以后，大规模个亲英分子北上移居到英属北美。拉1812年到1815年，美国搭英国拉北美展开1812年战争。

拉1867年，英国政府通过《英属北美法案》，拉1867年7月1号拿拉北美个三个殖民地合并成为一个联邦制个殖民地——加拿大自治领。1867年，四个省份，安大略、魁北克、新斯科舍（新苏格兰）搭新不伦瑞克（其中安大略搭魁北克已作为一个殖民地管辖，所以四省是三个殖民地），同意加入联邦政府，组成英帝国内个加拿大自治领。到1910年,加拿大已有9个省份（纽芬兰省是拉1949年加入联邦个）。1931年个《西敏法令》（Statute of Westminster）扩大加拿大政府自主权，包括外交。英国议会拉1982年通过个《加拿大法案》把修改宪法个权力从英国议会移交给加拿大议会。

殖民前时期

原住民时期

按考古发现，加拿大育空地区到少拉公元24,500年前，即有人类活动；而南安大略个人类活动，则可追溯到公元前7,500年 。旧克罗平地搭蓝鱼洞穴个印地安人遗迹，是加拿大境内最古老个人类聚居点。

加拿大原住民个特点包括：成立永久居住点、从事农耕、复杂个社会等级，以搭贸易网路等。一部分部落拉欧洲人抵达后已告瓦解，如今只能通过考古作研究。据估计，加拿大原住民人口拉15世纪晚期，约拉20万到200万之间。由于缺乏相应个免疫系统，加拿大原住民被欧洲人带来个传染病袭击，造成约40%-80%人口锐减。

今日剩下个原住民，包括第一民族、因纽特人、梅蒂人，其中梅蒂人是原住民搭法裔加拿大人个混血后代。总个来讲，因纽特人搭欧洲殖民人个交流较少。

欧洲接触

早拉公元1000年左右，已有第一批欧洲人前来加拿大──北欧维京人领袖莱弗·艾瑞克森（红胡子埃里克个儿子）曾拉加拿大纽芬兰一带建立村庄，但弗久该村被淹没拉印第安人之中。此后很长一段辰光，欧洲没人托加拿大接触，直到1497年，意大利人乔瓦尼·卡博托为英格兰探索加拿大大西洋沿岸。16世纪早期，巴斯克搭葡萄牙海员拉大西洋沿岸，建立季节性捕鱼点。

法国统治时期（1534–1763年）

法国对于新世界个兴趣始拉弗朗索瓦一世。渠拉1524年资助乔瓦尼·达韦拉扎诺，去探索拉佛罗里达到新探索地区来寻找一条通往太平洋个路线。

1534年，法国人雅各·卡蒂尔探索圣罗伦斯河，并按法国国王之名，拿箇片土地命名「弗朗索瓦一世」。1583年，英国拉今日纽芬兰托拉布拉多个圣约翰斯建立定居点，并宣称箇是英国拉北美个第一块殖民地。1603年，法国探险家萨缪尔·德·尚普兰拉如今新斯科舍省个皇家港搭魁北克省魁北克市个地方建立北美第一个欧洲人个永久定居点。拉新法兰西个领域内，法裔加拿大人开始沿着圣罗伦斯河一带扩张，阿卡迪亚人开始拉如今个大西洋省份定居。托此同时，传教士搭皮毛交易扩展到五大湖搭法属路易斯安挨。为了争夺皮毛交易个控制权，阿尔冈金部落搭易洛魁部落分别拉英国、荷兰搭法国个支持下发生海狸战争。

到18世纪初期，新法兰西殖民者已拉沿着圣劳伦斯河海岸以搭新斯克尔特部分区域广泛建立据点。箇些据点共有大约16000人。然而拉接下来数十年，来自法国个新移民停滞弗前，箇个导致拉纽芬兰搭斯科科舍搭十三殖民地个来自英格兰搭苏格兰个人口比例大增。到1750年代，法裔人口占比约为十个人中一个。

英国统治时期（1763–1931年）

1713年，西班牙王位继承战争个乌德勒支和约把如今新斯科舍个大陆部分割让畀英国，而随后个七年战争个巴黎和约更是让新法兰西绝大部分领土侪让给英国，自此英国获得如今加拿大东部个控制权。

英国拉1763颁布个公告拿新法兰西分离建立魁北克省，并拿布雷顿角岛合并到新斯科舍。1769年，圣约翰斯岛（即如今个爱德华王子岛）成为单独个殖民地。为了避免魁北克境内法裔个弗满，英国颁布1774年魁北克法案，拿魁北克地区延伸到五大湖搭俄亥俄河，并拉魁北克地区重新确立法语、天主教信仰搭法国民法个地位。

1783年签署个巴黎条约承认美国独立，并拿五大湖南部区域割让畀美国。新弗伦瑞克从新斯科舍划分出来成立皇室置地。为了安抚魁北克境内个个英裔保皇派，英国拿魁北克分为讲英语个上加拿大搭讲法语个下加拿大两部分，赋畀两者各自个选举立法权，上下加拿大随后成为如今个安大略搭魁北克。1812年，英国搭美国交战，加拿大为主要战场，战火一度燃烧到美国本土，但最后个和约又拿边境恢复到战前状况。1812战争之后，大量英国人搭爱尔兰人移民到加拿大。拉1825年到1846年间，共有626,628欧洲移民合法进入加拿大，但是其中大约四分之一到三分之一个移民拉1891年前死拉传染病。

出拉对责任政府个渴望，加拿大人掀起1837年起义。为了平息叛乱搭同化法裔，英国颁布1840年联合法案，重新拿上下加拿大合并成立加拿大省。1849年，代表所有英属北美个责任政府建立。1846年，英美签定俄勒冈条约，规定美国搭英属北美拉西部个边境以北纬49度为界。箇一条约解决长久以来英属北美搭美国个边境争端，也为英国建立温哥华岛殖民地搭英属哥伦比亚殖民地铺平道路。

联邦个组成搭扩张

数次立宪会议之后，1867年宪法法案拉1867年7月1号通过，魁北克、安大略、新弗伦瑞克托新斯科舍四个英属北美殖民地组成加拿大联邦。宪法法案拉爱德华王子岛首府夏洛特顿签署，因此箇座城市被认为是加拿大个诞生地，但是该省并没拉联邦成立之初加入。同时加拿大获得罗伯特领地搭西北部地区个控制权，并拿两者合并成西北地区。出拉弗满，梅蒂人发起红河起义，箇一事件直接导致马尼托巴省拉1870年从西北地区分离。1871年，不列颠哥伦比亚（不列颠哥伦比亚殖民地托温哥华岛殖民地拉1866年合并）加入联邦；两年后，爱德华王子岛也加入联邦。

为了促进西部个开发，加拿大政府资助三项横加铁路项目(包括加拿大太平洋铁路)，拉领地法案之下开启对大平原个开发。为了维护箇片新开发区域个治安，加拿大政府设立西北骑警警察局。1898年掀起个克朗代克淘金热为加拿大西北领地带来大批移民，箇一事件直接促进箇片区域从西北领地分离并建立育空地区。拉加拿大自由党首相威尔弗里德·劳雷尔个领导下，欧洲大陆民族开始向大平原地区移民，因此促成艾伯塔省搭萨斯喀彻温省个建立。

20世纪早期

由于联邦法案，作为自治领个加拿大仍被英国控制着外交事务。1914年，加拿大因为英国个参战而自动对德宣战，因而卷入第一次世界大战。加拿大志愿兵被派往欧洲战场上个西方战线，随后箇些志愿兵组成加拿大军。箇支军队拉维米岭战役搭其渠主要战役中承担相当重要个任务。参与一战个650,000加拿大人中，约60,000人战死，173,000人负伤。1917年，保守派首相罗伯特·莱尔德·博登对法裔魁北克人实行强制征兵，征兵危机爆发。1919年，加拿大独立拉英国加入国际联盟，随后个1931年威斯敏斯特法案肯定加拿大个独立性，自此加拿大拉国际事务上受英国个干预越来越少。20世纪30年代个大萧条给加拿大经济带来沉重打击。二战期间，拉自由党首相威廉·莱昂·麦肯齐·金个领导下，加拿大向德国宣战，第一支加拿大军队拉1939年12月抵达英国。加拿大军队参与许多重要战役，包括迪耶普战役、入侵意大利、诺曼底登陆、霸王行动搭斯海尔德河战役等。拉荷兰被德国占领期间，加拿大为流亡个荷兰王室提供庇护。拉二战期间，加拿大为本国军队以搭英国、中国搭苏联制造交关多军事装备，让加拿大个经济飞速发展。

现代加拿大（1931年-到今）

1949年，纽芬兰自治领加入加拿大联邦。二战之后，加拿大经济快速增长，随之带来加拿大人更强烈个自我认同，标志事件为1967年枫叶旗个采用、1969年双语政策个实施以搭1971年多元文化机构个成立。20世纪60年代，魁北克掀起个寂静革命对该省个多方面产生深刻影响，主要表乃朝魁北克人身份认同个转变搭天主教势力个没落。魁北克人身份认同个转变带来魁北克人独立个诉求。信仰马克思主义个极左翼恐怖组织魁北克解放阵线拉60年代策划多起恐怖袭击，给加拿大社会造成深远个伤痛。最严重个事件为十月危机，恐怖分子绑架并杀害时任劳工部长皮埃尔·拉波特。1976年，主张魁北克独立个魁北克人党赢得选举，并分别拉1980年搭1995年就魁北克是否独立命题进行全民公投，但独立派分别以40%搭49.4％个得票率失败。随后，加拿大国会通过清晰法案，规定拉魁北克全民公决中所提出个问题足够明确外加得到明显多数个支持时，魁北克可以托加拿大政府进行脱离联邦个协商程序。由于1995年公投导致魁北克险些独立，咾多原本拿总部设拉蒙特利尔个加拿大本土企业搭跨国公司纷纷拿总部迁往安大略省多伦多，导致魁北克经济大弗如前。拉时任加拿大总理个皮埃尔·特鲁多个努力下，1982年4月17号，英国国会通过加拿大法案，拿加拿大宪法个修宪权由英国国会移交加拿大，到此加拿大完全脱离英国独立，但加拿大个国家元首依然为伊丽莎白二世女王，外加加拿大仍旧有代替女王行使权力个加拿大总督，只弗过拉加拿大宪法中弗称渠个为英国女王，而称加拿大女王。新版1982年宪法法案也拉修宪权移交后拉加拿大国会通过，但到今未受到魁北克省个承认。1999年，努纳武特脱离西北地区，成为加拿大第三个地区。