利尻山
利尻山（日文：利尻山／りしりざん Rishiri-zan），勒拉利尻町搭利尻富士町里向，是日本北海道利尻岛浪顶高个山，海拔1,721米，是座成层火山、独立峰。伊勒拉利尻礼文佐吕别国立公园里向，是日本百名山[1]、新日本百名山[2]、花之百名山[3]同新花之百名山[4]之一。
概要
[编辑]国土地理院叫伊利尻山，伊还经常畀叫“利尻岳”、“利尻富士”、“利尻火山”。山浪有高山植物，夏天登山客多。
利尻山个火山运动从约码子20万年前开始，差弗多4万年前变成现在个样子。8千～2千年前勒拉南山麓形成低平火山口搭火山渣锥，箇是利尻山最近个一趟火山活动。因为伊个休止辰光长，山顶个火山地形畀侵蚀唻蛮严重个，方便科学家观察火山内部个构造。
甘露泉水
[编辑]甘露泉水（日文：甘露泉水／かんろせんすい Kanrosensui）是利尻登山路线之一个鸳泊路线三合目附近个涌泉。全年水温保持有5.5度。1985年（昭和60年），伊入选环境省名水百选[5]。
箇个地方摆拉简易设施，登山客好拉箇面喫水。
登山
[编辑]山顶分成北峰（1,719m）同南峰（1,721m）。因为最高峰南峰个登山道塌脱，箇咾一般性个登山者侪选择爬北峰。攀岩场地有西壁、东壁、南棱搭仙法志棱。晴天个辰光，从南北山顶可看见大部分个利尻岛、礼文岛、道央同道北个山、库页岛、库页岛东南面个海马岛（莫涅龙岛）等。
登山道
[编辑]登山道有从利尻富士町鸳泊利尻北麓野营场（三合目）出发个鸳泊路线、从利尻町沓形个见返台园地（五合目）出发个沓形路线、搭仔从利尻富士町鬼胁个林道出发个鬼胁路线。
鸳泊路线是登山者顶顶多个路线；沓形路线从五合目出发，距离比较短，但路陡，适合专业人士；鬼胁路线因为崩塌严重，七合目以上禁止进入。
登山道的荒废
[编辑]利尻山是由软个火山喷出物堆起来个。箇两年，因为登山客增加，登山道逐渐塌下去。利尻山登山道等维持管理连络协议会，希望登山客好遵守使用携带式便器、盖上容器、弗踏或坐拉植物浪个利尻规定[6]。
参考文献
[编辑]- ↑ 『日本百名山』 深田久弥（著）、朝日新聞社、ISBN 4-02-260871-4、pp321-324
- ↑ 『新日本百名山登山ガイド〈上〉』 岩崎元郎（著）、山と溪谷社、ISBN 4-635-53046-9
- ↑ 『花の百名山』（愛蔵版） 田中澄江（著）、文春文庫、ISBN 4-16-352790-7
- ↑ 『新・花の百名山』 田中澄江（著）、文春文庫、ISBN 4-16-731304-9、
- ↑ 甘露泉水 档案，存勒互联网档案馆当中。（2011年7月8号）(環境省選定 名水百選)
- ↑ 利尻ルール 档案，存勒互联网档案馆当中。（2018年6月18号） - 利尻山登山道等維持管理連絡協議会 - 、2014年10月閲覧
外部链接
[编辑]
- 国土地理院 2万5千分之1 鴛泊（東南）档案，存勒互联网档案馆当中。（2007年3月13号）