上海浦

上海浦（上海闲话：Zaon He Phu）是吴越上海境內吳淞江流域一條已经弗存在个河浜，明朝前，伊从南向北经过十六铺、陆家嘴，流进吴淞江。南宋咸淳三年（1267年）设立个上海镇搭仔元朝至元廿九年（1292年）设立个上海县名字侪从上海浦来个。明朝永乐二年（1404年），户部尚书夏元吉拓宽黄浦江，上海浦一段河道变成功黄浦江个一部分，上海浦陆家嘴一段河道还留拉。晚清个辰光，挺下来个上海浦逐步淤脱。清同治《上海县志》讲：“上海浦在俞家浜北，对岸即浦北之下海浦。”