正一派

道教个正一派，是如今江南搭湖广、巴蜀、岭南等南东亚地区个主流道教派别。现在大家公认个正一派，内部也分有茅山派、灵宝派等交关派别。正一派是来勒天师道、龙虎宗长期发展个基础之上，以龙虎宗作为中心，囊括符箓内容之后，构成个一个新个门派。

发展

正一派个前身是东汉辰光就有个天师道，内部组织邪气严密，东汉末年个五斗米道就搭伊拉有关系。根据正一派个资料，张道陵是天师道个创始人。太上老君来勒汉元帝永寿元年正月初七日下降蜀中鹤鸣山，教授张道陵经箓科法，令张为天师传播道教。张道陵之孙就是三国辰光个军阀张鲁。来勒曹操远征汉中个辰光投降。随后天师道就向中原传播。

南北朝辰光，北朝个寇谦之搭南朝个陆修静对天师道施行改革。

隋唐辰光，道教兴盛，天师道也搭交关其他道教门派交流融合。到了北宋真宗年间，张天师又被赏赐封号，获得官方认可。从此之后，正一派就搭帝国个统治集团关系密切。

来勒蒙古统治辰光，正一派也受到优待。忽必烈命令正一派主管江南个道教活动。

到了明朝辰光，正一派更是被官方授权，管理全帝国个道教活动。

到了满洲人统治辰光，由于交关反对势力出家成为道士，让帝国政府邪气头痛，所以对道教个打压开始猛烈，正一派也备受冲击。

现状

80年代之后，正一派逐渐恢复了活动。弗过老百姓对道教个信仰已经弗好搭百年前相比。伊拉个规模也逐渐缩水。现在上海个城隍庙还有正一派个活动。伊拉公认江西龙虎山是宗山。