上海南站

来自维基百科
蹦到: 导航搜寻
上海南站外觀

鐵路上海南站,亦稱上海火車南站,勒拉上海市徐匯區滬閔路桂林路,是勒原滬杭鐵路內環線(又稱滬新線)新龍華火車站原址附近高頭重新修建个鐵路客運一等站,也是鐵路上海軌道交通1號線3號線个交會站。目前除脫滬港列車外,從上海始發經由滬昆線南下个普速列車全部由該站出發。經由上海个過路普速列車也勒該站停靠。

上海南站設有東北、西北、東南、西南4隻方向个進站口,搭可以容納近4000名旅客个12個候車室,以及兩處軟席候車室搭城際列車候車室。1至9號站臺是高站臺,10號搭11號站臺原是低站臺,因配合金山鐵路而改造成功高站臺。

建築特色[编辑]

上海南站是目前世界頂大个圓頂透光火車站[1],建築意念取自東亞傳統个亭子,主體結構爲鋼結構。

上海南站主站房搭車站南北廣場東起柳州路,西至老滬閔路,北靠滬閔路,南抵石龍路[2]。主站房設計爲巨大圓形鋼結構,高47米,圓頂直徑200多米,總面積5萬多平方米。主站房爲南北貫通、高進低出、高架候車。主站房大致分爲三層:中層搭地面同高,爲站臺層,設有13條鐵軌搭6個上下客站臺,另有通道交南北廣場相連,還設有貴賓候車室、車站公安派出所等。上層爲出發層,設有周長爲800米个高架環形出發平臺、可同時容納一萬餘人候車个大空間候車區、檢票通道等;下層爲到達層,設有旅客出站地道、南北地下換乘大廳、地鐵一號線、三號線、計劃建設个地鐵十五號線、部分長途客運搭旅遊專線等,勒站內實現換乘。南站南北廣場平面設計爲園林綠地搭旅遊集散地,占地60公頃,南北廣場地下設計二層商鋪、道路搭停車場,總建築面積爲12萬平方米。

歷史[编辑]

勒上海南站建成以前,長期以來上海衹有上海站一隻主要鐵路客運車站,單以上海站弗能完全滿足緊張个鐵路客運需要哉。早在廿世紀九十年代初建造上海軌道交通3號線時,上海已經有了上海南站个建設計畫,當時稱“上海第二客站”。1996年11月,上海市政府搭鐵道部共同商議建設鐵路上海南站,決定拆除原滬杭鐵路內環線及擔徐匯區个400多畝土地,用勒建設新个鐵路上海南站。1999年底,爲了儘快緩解上海站个壓力,就勒一年內完成了上海南站應急工程,規模爲3台7線,部分經滬杭鐵路南下个列車轉到臨時个上海南站到發。2001年4月,進行上海南站站房設計招標,有包括來自日本法國德國加拿大美國中國國內个設計院等投標,同年11月,最後由法國國家鐵路(AREP)公司搭上海現代集團華東建築設計研究院有限公司聯合中標[3]

2002年4月9號,上海鐵路南站工程建設指揮部成立,標誌上海南站交通樞紐工程全面展開[4],總投資33.8億元人民幣。2002年10月21號,因施工需要,原來勒臨時上海南站到發个8對旅客列車、4對市郊列車轉到屬臨時性質个梅隴站辦理客運[5]

2006年6月19號,上海火車南站經上海市政府搭鐵道部驗收,同月20日售票處開窗售票。2006年6月25號,上海火車南站開始試運營,當日上半日8時15分,首列由上海南開往杭州个N521次列車從上海南站發車;迭歇,梅隴站停止辦理客運業務並關閉[6]。2006年7月1號,上海火車南站正式運營,伊歇,上海西站停止辦理客運業務。[7]

站線佈置[编辑]

1號站臺
到發線(1道)
到發線(2道)
2號站臺
3號站臺
到發線(3道)
到發線(4道)
4號站臺
5號站臺
到發線(5道)
到發線(6道)
6號站臺
7號站臺
到發線(7道)
莘莊方向——機走線(8道)——上海南客技站方向→
到發線(9道)
8號站臺
9號站臺
到發線(10道)
到發線(11道)
10號站臺(金山鐵路專用)
11號站臺(金山鐵路專用)
到發線(12道)
機走線(13道)

交通[编辑]

上海南站爲鐵路、軌道交通、公交、長途汽車等多種運輸方式合一个綜合交通樞紐,其中,軌道交通1號線三號線儕連接上海火車站(新客站),方便需要勒上海火車站中轉列車个旅客。外加,規劃中个軌道交通15號線也勒上海火車南站設站。
上海長途客運南站勒拉2006年投入使用,鐵路旅客可以換乘汽車前往火車無法直達个城市。

公交換乘[编辑]

  • 南廣場:144、164、315、867、973、機場七線、南南線、南川線、上奉專線、上嘉線、上石線、上朱線、上朱線(區間)
  • 北廣場:180、180(區間)、301、303、341、729、747、763、803、虹橋樞紐1路
  • 過境線路:50、111、156、157、218、326、703、704、704B、761、816、徐閔線

圖片集[编辑]

參考文獻[编辑]

外部連結[编辑]

Commons-logo.svg
维基共享资源里向寻得着搭该篇文章搭界个多媒体资源: