上海市大道政府

来自 吴语维基百科
蹦到: 导航搜寻

上海市大道政府是一个辰光交关短个由日本扶持个政权。俚是1937年十二月五号勒上海浦东成立个,来管理日本占领下个上海。大道政府个市长是苏锡文,俚个首府设立勒浦东。挂绘有太极图个杏黄旗。

历史[编辑]

上海大道政府上台过后,很快就修复之因为淞沪会战而瘫痪个公共设施,外加设立之警察系统。搿点铜钿侪是通过勒日本进口货物浪个税收提供个,搿个政府还接受之南满铁路公司个资助。大道政府个市长苏锡文答应清楚脱上海个共产党搭国民党势力。不过,弗关是苏锡文还是俚个大道政府侪畀日本当作一个傀儡政权。1937年十二月五日,《上海市大道政府暂行组织法》发布,拟定大道政府设置秘书处、特区办事处、社会局、警察局、财政局、教育局、卫生局、土地局、交通局、工务局、肃检局、地方政务总署等12个部门。 1938年三月廿八号,“中华民国维新政府”勒南京成立。上海市大道政府改隶维新政府,四月廿八号改为督办上海市政公署,由苏锡文任督办,改挂五色旗。四月廿八号到十月十六号,设秘书处、肃检处、教育科、财政局、警察局、社会局、交通局、地政局、塘工委员会、特区办事处。十月十五号,公署从浦东东昌路迁到市中心区(江湾)办公,并改组为“上海特别市政府”,所有公署搭所属各机关个移交手续勒十六号前完成。