生命
 | ||
|---|---|---|
 生物存活於石山之上
| ||
| 生物分类法 | ||
| ||
| 域搭界 | ||
生命泛指一类具有稳定个物质搭能量代谢现象并且能回应刺激、能进行自我复制（繁殖）个半开放物质系统。人个生命，有常时吴语也讲性命。簡單來講，也就是由有生命機制个物体[1]。生命個体一定会经历出生、成长、衰老搭死亡。生命种群则在一代代個体个更替中经过自然选择发生进化以适应环境。生物學嚜是以研究生命爲中心个科學。
生命个頂小單位是生物，生物是由一個或多個細胞組成，能够新陳代謝，維持恆定性，可以成長，回应刺激，可以繁殖甚至演化，以適應外界環境，繼續繁殖并產生後代。在地球个生物圈內可以尋著交關弗同个生物，在迭排生物中（包括植物、動物、真菌、原生生物、古菌及細菌），儕有共同个特徵，儕是由以碳搭水爲基礎个細胞構成，有其組織以及可以遺傳个基因資訊。
地球大概是在45.4億年前形成功。顶早个生命至少大概在35億年產生。[2][3][4]當時是始太古代，冥古宙熔化个地殼已經固化。地球上顶早个生物證據是在西格陵蘭發現个37億年前變質岩中个生物物質石墨[5]，及西澳洲34.8億年前砂岩中个远古生物化石[6]。不過交關研究推測地球在更早就已经有得生命[7]。根據其中一種研究，可能在42.5億年前就已有生命[8]，另一個研究嚜認爲是44億年前[9]。目前原旧弗確定地球上產生生命个機制，不過已有交關个生命起源假說。生命形成功仔以後，變成功交交關關形式，生物學家則擔其分類成交關分類單元个體系。生命好在各色各样條件下生存。
生命現象
[编辑]另外，新陈代谢搭自我复制个能力常时是看成功判断生命个根本条件，迭个称作生命现象。病毒在有寄主可寄生个辰光，會得表現出生命現象；但在嘸沒寄主可寄生个辰光咾，弗會得表現生命現象，个咾病毒是介於生命與非生命之間个一種有机物。
定義
[编辑]生命嘸沒公認定義，弗同个科學家有曾提出歇各種定義。[10][11]
傳統定義
[编辑]科學家經常認爲衹有生物體會展現以下全部現象：
- 體內平衡：能够調節體內環境以維持身體處於一個相对恆定个狀態，譬如恒温动物能發汗来降低过热个體溫，也能靠发抖来产生额外个热量以保持体温。
- 組織性：由一個或以上个生物基本單位──細胞所組成。
- 新陳代謝：能够轉換非生物爲細胞成分（組成代謝）以及分解有機物（分解代謝）来获取搭转化能量。生物體需要能量来維持體內平衡及产生其他生命现象。
- 生長：使組成代谢个速率高於分解代谢个速率来让细胞体积增大，并在细胞分裂後使细胞成长。一個生長中个有機體增加其细胞个数量搭体积，而弗止是将得到个物質积存起来。某些物种个個体可以长得很巨大，譬如蓝鲸。
- 適應：對環境变化作出反應个能力，与生物当前个身体构造、生活习性及遺傳有关。迭種能力對生存是交關重要个。生物可以通过進化适应环境。
- 對刺激作出反應：反應可以以交關方式進行，从單細胞变形虫畀触碰辰光个收縮到高等生物在弗同情况下个複雜反射。最常见个反应是運動，譬如植物个葉片轉向太陽以及動物追捕其獵物。
- 繁殖：能够產生新个個體。包括衹需一個親本个無性生殖搭需要至少兩個親本个有性生殖。
但是，迭個定義也有局限性[12]。譬如：有星生物体弗能繁殖，因爲佢拉是正常物种中自然形成个。迭眼生物体仍是生命。有種人話生命个特性是可遺傳个；因此，迭眼弗好繁殖个有機體也还是有生命个，佢拉仍可以通过親屬選擇等機理来产生新個体。
有種人认为病毒搭朊毒體（能够进行自我复制个蛋白质）是可以自行複製个毒素而弗是生命体，因爲佢拉弗能在嘸沒其他细胞个情况下表现出生命现象。但是，立克次體搭衣原體等有类似細菌个细胞结构个生物也弗能獨立執行交關重要个生物過程，佢拉也要进入真核生物宿主細胞个細胞質內進行生長搭自我複製。另外，幾乎所有个生命儕倚賴别他物種提供食物，并且归根结底需要地球丄某些细胞个特殊化學作用来提供能量源，像光合作用搭海底热泉细菌个硫化作用。
具系統性个生命定義是，生物是自我組織並自我製造个。迭種物質搭耗散結構弗好混淆（如：火）。
迭個定義變種包括了斯图亚特·考夫曼（Stuart Kauffman）定義生命爲能夠複製自家或人家个一種自主主体（autonomous agent）或一種多主体系统（multi-agent system），並至少完成一次熱力學循環。
别他定義包括：
- 生命是具自我組織、自相殘殺个系統个特徵，而其中包含仔会得突變个族群。迭隻定義弗包括有排哲學定義爲有生命个火焰，但包括仔工蟻、病毒搭騾。自我複製以及能量消耗衹不過系統要保持延續个方法之一。迭能便好解釋爲啥蜂有生命但又會爲了保護蜂巢而自殺。在迭個個案裏向整個群體運作个方式與生物無異。
- 一種製造弗同且可變複雜性个互動物質組織，透過利用物質搭能量複製「接近完美」个個體。迭隻定義中个「接近完美」便是複製中有利於使生物適應環境个突變。
参考文献
[编辑]- ↑ The American Heritage Dictionary of the English Language, 4th edition, published by Houghton Mifflin Company, via Answers.com:
- ↑ Schopf, JW, Kudryavtsev, AB, Czaja, AD, and Tripathi, AB. (2007). Evidence of Archean life: Stromatolites and microfossils. Precambrian Research 158:141-155.
- ↑ Schopf, JW (2006). Fossil evidence of Archaean life. Philos Trans R Soc Lond B Biol Sci 29;361(1470) 869-85.
- ↑ Hamilton Raven, Peter（2002）．Biology．McGraw-Hill Education．ISBN 978-0-07-112261-0．於2013-07-07参阅．
- ↑ Ohtomo, Yoko (8 December 2013). Evidence for biogenic graphite in early Archaean Isua metasedimentary rocks. Nature Geoscience.
- ↑ Borenstein, Seth (13 November 2013). "Oldest fossil found: Meet your microbial mom". AP News.
- ↑ Tenenbaum, David (October 14, 2002). When Did Life on Earth Begin? Ask a Rock. Astrobiology Magazine. 访问日脚April 13, 2014.
- ↑ Courtland, Rachel (July 2, 2008). Did newborn Earth harbour life?. New Scientist. 访问日脚April 13, 2014.
- ↑ Steenhuysen, Julie (May 20, 2009). Study turns back clock on origins of life on Earth. Reuters. 访问日脚April 13, 2014.
- ↑ http://www.astrobio.net/news/article226
- ↑ Archive copy. 原始文档勒2012-03-14存档. 访问日脚2017-05-07.
- ↑ http://forums.hypography.com/biology/6702-what-exactly-constitutes-life.html 档案，存勒互联网档案馆当中。（2007年4月27号） 實際上是甚麼構成生命？
外部链接
[编辑] |
勒中文維基辭典裡向尋生命。 |
