格陵兰

格陵蘭

格陵兰（格陵兰语：Kalaallit Nunaat；丹麦语：Grønland）是世界丄向頂大个島，勒垃北美洲个東北面，80%侪畀冰雪覆盖。難朝伊是丹麥下底个一隻自治国。2008年公投以後，2009年變成功内政独立个自治区，外交、国防、财政等事务畀丹麦代理。格陵兰勒垃1973年跟咾宗主国丹麦加入过欧洲各共同体（欧盟前身），但是根据1982年全民公投个结果，1985年通过《格陵兰条约》，退出欧共体，難朝渠弗是欧盟个一员，是欧洲联盟特别领域个一部分。格陵兰公民因为同时是丹麦公民，蓋咾有欧盟公民身份资格，也是北约范围。

政治

格陵兰名义丄向个元首是宗主国丹麦个君主，難朝是腓特烈十世国王。丹麦政府派一位高级专员驻勒当地，代表丹麦君主搭政府。虽则宗主国丹麦是欧洲联盟个成员国，但格陵兰弗是欧盟个一部分。

格陵兰个立法机构是格陵兰议会，通过普选产生，任期4年，设31隻议席。自治政府个首长（格陵兰总理）是议会多数党个领袖。

2008年11月25号，格陵兰举行自治公投，公投勒垃岛丄80隻市镇搭村坊举行，当地时间第二日半夜裏向公布仔开票结果：投票率71.96%，裏向75.54%赞成自治，23.57%反对，公投案以较大个优势获得通过。2009年6月21号，格陵兰正式变成功国际法下个独立政治实体，自家管理自家个内政、司法搭资源分配，但是渠个国防、外交搭财政个种事务还是让丹麦管勒许。

2019年8月份，根据美国媒体报道，两名知情人士讲美国总统唐纳德·川普让渠个高级助手调查美国政府好弗好买格陵兰岛；后首来白宫经济顾问拉里·库德洛证实第個说法，但是馬上畀丹麦首相弗雷德里克森批判渠荒谬，但是川普政府个第一任期搭第二任期全拿第個议题作为外交方针。

2025年3月份，格陵兰举行议会选举，主张渐进独立个中间偏右政党民主党胜选，渠个政党领袖尼尔森表示：“伲弗是美国人，也弗想永远当丹麦人”，还表达第個党个立场是稳健发展本地产业，提高就业、教育搭医疗等条件。。

外部链接

维基共享资源里向寻得着搭该篇文章搭界个多媒体资源：

格陵兰

• 最大的島嶼——格陵蘭
• 格陵蘭旅游官方網站档案，存勒互联网档案馆当中。（2020年4月3号）（英语）