徐家匯聖依納爵主敎座堂

徐家匯聖依納爵主敎座堂

徐家匯聖依納爵主敎座堂，俗稱徐家匯天主敎堂，勒拉上海市徐匯區蒲西路158號。該敎堂始建於清光緒二十二年（1896年），是一座哥特式建築，有曾撥譽爲“遠東第一大敎堂”。

歷史

徐家匯地區原是明朝太子太保、東閣兼文淵閣大學士、禮部尚書徐光啓个出生地，農業種子實驗場，曾有三條河流（肇家浜，法華涇，蒲匯塘）交匯於此，故得名。利瑪竇神父及其頂初个同事淘，爲江南天主敎會个建立打下哉基礎。接替伊勒南京工作个羅如望神父，勒1603年（萬曆三十一年）勸化了徐光啓，羅神父撥伊付了洗，聖名保祿。徐光啓是上海地區个第一位天主敎友，1608年伊邀請郭居敬神父到上海開敎，乃末，伊个本家成了附近地區敎會事業个發源地。挨下來，勒迭位著名閣老个影響下頭，有得交關農民信奉了天主敎，迭就是我伲上海交關美好會口个起源。至1663年（康熙二年）上海就有得兩座敎堂，六十六所小堂，約四萬名敎友。

十八世紀，中國天主敎會經歷个諸多不幸（中西禮儀之爭，雍正及乾隆時期个宗敎迫害，耶穌會个解散），使江南地區个敎會事業陷入困境。傳信部於1840年（道光二十年）勒江南敎友多次个請願後，派遣耶穌會傳敎士重回江南，至1848年（咸豐七年）耶穌會南格祿會長決定勒徐家匯創辦一所住院，提供撥神父們每年前來避靜及做歇夏。1851年（咸豐十年）初，一座與住院相稱个聖堂已必弗可少了，乃末決定興建一座正式个聖堂。由輔理修士范廷佐（1848年設計董家渡聖方濟各主敎座堂）擬訂建築圖樣，羅禮思神父（1860年設計洋涇浜聖若瑟堂）監督營造了一座希臘式个敎堂,奉聖依納爵·羅耀拉爲主保聖人。迭座希臘式个敎堂是上海地區第一座按西方建築式樣建造个敎堂。自敎堂建成後，徐家匯逐漸取代脫董家渡，成爲了江南敎區个中心，建造了一系列敎育、文化、慈善設施（1847年建徐家匯藏書樓，1850年創聖依納爵公學[現徐匯中學]，1870年聖母院從青浦遷來[現上海老站/聖衣會院現爲上海電影製片廠]，1864年創辦土山灣工藝院[現工藝美術學院]，1867年創立博物院搭崇德女學，1873年建天文臺[現上海氣象臺]，1848年創立耶穌會大修院（神學院）[現徐匯區政府]，1904年建啟明女中[現市四中學]等）。到19世紀末，附近敎友日漸增多,僅能容納200餘人个老堂已弗敷使用,敎區決定籌建更大个敎堂。1910年（宣統二年）新堂落，敎堂規模宏大，裝飾華麗，撥譽爲“遠東第一大敎堂”，仍奉聖依納爵爲主保。老堂嚜，劃歸聖依納爵公學使用，改稱聖母無原罪堂（1994年，老堂搭主敎府合拆新建主敎公署大樓）。由此主敎公署等敎會機構儕移到迭𡍲。

1953年，中華人民共和國政府認爲“部分天主敎敎職人員勒羅馬敎廷以及法國、美國耶穌會个指派下從事間諜活動，並以上海各大天主敎敎堂、神學會搭學堂爲據點，控制了上海當地个天主敎宗敎活動”，並以此爲由驅逐或逮捕了一批天主敎敎職人員 。1955年，解放軍徵用了作爲天主堂附屬建築个藏書樓，並於一年後擔藏書樓轉交撥了上海圖書館。1956年，上海市天主敎界開始脫離羅馬敎廷，自行組織宗敎協會，徐家匯天主堂等敎堂開始脫離國外耶穌會搭梵蒂岡个控制，轉而歸屬天主敎愛國會管轄。勒迭趟事件當中上海敎區搭羅馬敎廷產生了嚴重衝突。1960年4月，上海市天主敎第一屆代表會議選舉張家樹神父爲自選自聖个所謂“上海敎區正權主敎”，由皮漱石總主敎主禮个祝聖主敎儀式就勒徐家匯天主堂舉行，從此徐家匯天主堂成爲主敎座堂，並改奉“聖母爲天主之母”爲主保，稱天主之母堂。

“文革”中，敎堂遭受災難性破壞，三座鐘樓尖頂撥拆脫，所有彩繪玻璃窗全部撥敲脫，歷經百年个宗敎書籍搭已撥國務院定爲國家二級文物个木雕祭臺、聖像搭絲織刺繡藝術品全部撥拖到敎堂前焚毀。奧地利產管風琴撥拆成一堆廢銅爛鐵，敎堂也成了果品倉庫。1979年1月，中共上海市委責成使用單位立刻遷出，還補償3萬元撥上海市天主敎會作修理費。重新修復个天主堂此後開始對外開放，並於1979年11月勒敎堂撥搶救性整理出個兩間廳堂內正式恢復正常个宗敎活動。1980年聖誕節前夕，徐家匯天主堂完成主體建築個修繕，張家樹主敎主持聖誕節大禮彌撒，千餘敎徒恭與彌撒。1982年8月，兩座各重達13噸個十字鐵塔架，重新安裝到鐘樓上，鐘樓也修復完畢，但勒修復玻璃彩窗个辰光，因玻璃原有个製造者土山灣工藝廠已經弗存在，從國外進口開銷又邪大，衹得由神父自家製作，製成个彩色玻璃其色彩品質搭原玻璃有較大个差距。

建築

徐家匯天主堂內景

徐家匯天主堂由建築師陶特凡(W.M.DOWDALL)設計，法國上海建築公司先期於1896年開始搭建工棚雕琢石柱1906年7月31日正式動工,耗時四年建設，1910年10月22日舉行落成典禮。聖堂坐西朝東，最寬處34米，進深84米，內高28米。磚木結構，占地面積2670平方米，建築面積6670平方米，可容納3000餘人。哥特式建築風格（強調垂直平面，是真正个挺立，敎堂及尖頂似乎弗受地心引力个影響，睹其風采，眼要往上看，直至頂部），平面爲拉丁十字型。外牆清水紅磚砌築，四周尖拱窗有彩繪玻璃鑲嵌其中，牆基用青石，分間處置扶壁。敎堂个東立面兩座對峙个鐘樓高達57米，內有兩口大鐘，頂上个一對十字架約有一噸重。立面當中由疊澀形成个多層拱券大門，玫瑰花窗及山牆組成，正門上方曾聳立著耶穌抱十字架个聖像。敎堂內爲方磚地坪，花瓷鋪砌，頂脊呈尖拱狀。堂中有大小石柱64根，儕是用金山石精刻細鑿。深長个主殿擔進入者个目光搭心靈引向遠端个正祭臺，正祭臺勒敎堂落成个辰光是臨時个，1919年復活節前特地從巴黎運來一座精緻个祭臺安裝正中，費用由一位法國富孀捐獻。祭臺正中安置有聖依納爵及其伊8位聖人像，雕刻精美，色彩鮮明。堂內還另有20座小祭臺。橫軸由南北耳堂組成，十字交叉點上方曾有一座鐘樓。

彌撒時間

• 主日彌撒
  • 中文：6:00 7:30 10:00 18:00
  • 英文：12:00
• 提前主日彌撒（中文）
  • 周六：16:30（主日學兒童輔祭、唱經讀經） 18:00
• 平日彌撒（中文）
  • 周一到周六： 6:15 7:00
  • 周五另增加敬禮耶穌聖心彌撒：19:00

參見

• 天主敎上海敎區
• 徐家匯
• 徐家匯藏書樓
• 土山灣