馬橋遺址
馬橋遺址垃拉上海市區西南个閔行區馬橋鎮以東2公里。該地建有得馬橋古文化陳列館。[1]
馬橋遺址發現於1959年， 20世紀60年代進行過兩趟發掘，發現个遺址面積約5000平方米，主要分佈垃北松路南个俞塘河南北兩側。
馬橋遺址代表个文化時期[编辑]
經過20世紀90年代个田野調查，認爲馬橋遺址个文化遺存好分成功三個大个階段：良渚文化階段、馬橋文化階段、春秋戰國以後。[1]
良渚文化階段[编辑]
第一階段主要爲良渚文化（個別遺存可以早到崧澤文化搭良渚文化个過度階段）。良渚文化遺存在遺址中部（I區搭20世紀60年代發掘區域）比較豐富，主要分佈於砂堤之上搭砂堤西側，地層堆積比較厚，既有居住遺存，也有墓葬。在遺址北部（II區）、良渚文化遺存比較貧乏，以墓葬爲主，也分佈垃砂堤之上搭砂堤西側，砂堤東側衹有小範圍个零星分佈。[1]
馬橋文化階段[编辑]
第二階段爲馬橋文化，昰個是該遺址頂重要，也是分佈面積最大个文化遺存，遺址中部搭北部、砂堤之上搭東西兩側儕有分佈，而且相當豐富，是該時期環太湖地區極罕見个一處大型村落遺址。[1]
春秋戰國以後[编辑]
第三階段爲春秋戰國至唐宋元，發現了弗同時期个文化層堆積、戰國時期搭宋代墓葬，唐代水井等遺存。[1]
馬橋古文化遺址地層、遺存[编辑]
遺址地層概況[编辑]
- 第一層。耕土層，黃色土。深0~0.90米，出土少量近代磚瓦搭明清花瓷片。
- 第二層。灰色土，深0.88~1.02米。出土宋釉陶瓶、刻花影表瓷碗、紹聖通寶搭祥符通寶銅錢，以及唐、王代个黃釉瓷磚。還發現五代墓葬，出土越窯青釉瓷盒、孟黃釉陶罐、殘銅鏡等隨葬器物。
- 第三層。灰黃色土，深1.02~1.66米。下層部出土東周米篩紋，米字紋、麻布紋、回字紋、曲折紋等印紋硬陶片，以及掛有青綠色或青灰色釉个原始瓷器。
- 第四層。黑灰色土，深1.65~2.30米。出土大量个陶、石、骨器、動物骨骼、灰燼咾啥，並有少量小件銅器。陶器中，夾沙紅陶拍印繩紋，器形有凹弧足或舌形足鼎，圓錐足鼎，圓錐足甗，泥質紅陶大部分拍印籃紋、葉脈紋、席紋、方格紋搭雲雷紋，器形有圜凹底罐、盆搭鴨形壺等；同時出土一批拍印帶狀雲雷紋个觚、觶、尊、簋等灰色陶器。遺址還發現灰坑搭燒塘。箇是太湖地區早期印紋陶文化个典型遺存。
- 第五層。青灰色土，深2.10~2.70米。除脫包含稀少个紅燒土粒外，另有以素面爲主个泥質灰、黑陶搭夾沙陶片，形器有實足盉、圈足盤、闊把杯、貫耳壺、“T”字形足鼎等。還發現建築遺跡、蛤殼坑搭墓葬。此層爲良渚文化層。
- 第五層之下。爲青灰色生土層。是垃發掘个遺址範圍裏向，發現个一條南北向延伸个介殼沙帶，寬約45米，厚1.0~2米以上。介殼沙帶西側呈60度斜坡，東側比較平坦，坡度較小，有三條海浪衝擊成个灘脊。介殼沙个組成，除脫沙粒外，主要是蜆、蚶、蟶介殼个碎片，也有得牡蠣、文蛤、青蛤、圓田螺、環稷螺、礎卷螺介殼咾啥。昰個是一條稱爲岡身个古代海岸遺跡。[1]
遺址遺存出土文物[编辑]
有石、玉、陶、骨搭銅器文物500餘件。
- 墓葬。良渚文化墓葬10座，均處第五層底部搭介殼沙層之上。未發現墓坑，墓葬儕平地堆土而成，分佈無規律，除脫一處排成一列外，其他儕四散。昰種分散埋葬，可能是母系氏族崩潰搭父親家庭興起个反映。人骨保存較好，葬式全系仰身直肢葬，多頭向南偏東。隨葬器物很少，其中女性人骨一具，50~60歲，頭向170度，頸部左側搭左肩之間，放一件泥質黑衣陶帶蓋貫耳壺，骨盤右方有一件圓錐形石飾。兒童人骨一具，4~5歲，頭向175度，隨葬陶器6件，儕堆壓垃人骨个胸腹部。有泥質黑衣陶帶蓋貫耳壺、豆各2件，泥灰陶盤搭夾砂紅陶釜各1件。
- 柱洞遺跡。柱洞排列略呈圓角長方形，其間个範圍東西2.2米，南北1.6米。方向160度，與同層墓葬方向一致。柱洞呈圓形，最大直徑僅1釐米，中空，似插細竹竿个小洞。柱洞間距2~20釐米弗等。
- 灰坑、燒塘。商代灰坑14隻，燒塘10隻。灰坑口一般從第四層土下伸到第五層土，有排打破生土層。灰坑呈弗規則圓形，坑深0.7~1.4米坑內填滿灰燼、動物殘骨搭陶器碎片。灰坑與燒塘儕有相當距離。燒塘是一種淺盆形小土坑，塘內有灰燼搭燃燒過个土塊等痕跡，也有弗少動物殘骨搭陶器碎片。[1]