音位

出自维基百科,自由个百科全书

音位(英语:Phoneme),又譯音素,是人類語言中能够區別意义个最小聲音单位[1],是音位學分析个基礎概念。一隻可由一至數個音節組成,一個音節可由一至數個「音段」(元音輔音等)組成。音位與音段很類似,然而音位个基本定義是要能區分語義,假使兩個聲音所代表是同一個詞彙、同樣个意義,則異音可畀視爲同一個音位;反轉來講,一個詞个任何一個音位假使畀調成別个,葛末佢就弗再是原來个伊隻詞,意義也會隨之改變。有意義个詞儕可由音位組成,然而代換其中任何音位卻弗能保證產生有意義个詞,也有可能變成無意義个一串音。每個語言儕有自家个一組音位,箇也就是昰個語言个語音系統[2],音位可用來研究某個特定語言中如然擔音組合成詞。音位有辰光畀譯成功「音素」[3]

概述[编辑]

音位並弗是一個實際个語音。一個音位可以有幾種弗同个發音,但是語言使用者心理丄認定昰幾種發音是等同个,甚至可能弗會察覺語音上有所弗同。昰種音位內个弗同發音,稱爲同位異音音位變體。音位可畀視爲一族相關个聲音,然而爲仔便於描述一個音位,通常會取昰群聲音當中最具代表性个一個來稱呼整族聲音。譬如,英語lipbelll發音是弗同个,前者是齒齦邊音 [l] ,後者是軟顎化齒齦邊音 [ɫ] ,然而昰個衹不過 l 在出現垃弗同位置、弗同於前後境環所發生个語音變化,因此昰兩隻音儕視爲同一個/l/音位。

音位變體[编辑]

圖个基本程序是確定兩個語音是否爲同位異音.

一個音位包含一些弗同个音,昰些音稱爲音位變體、同位音或同位異音。譬如普通話“三”字發音是 [san],昰隻是標準發音,是音位个“典型”;如果是一個大舌頭个人,佢个發音可能是[θan]。 s和th屬於同一個音位,昰個音位有兩隻變體。

  • 條件變體:出現在一定个條件下,如/a/音位有四個變體,佢拉分別出現垃弗同个條件下。
  • 自由變異:無條件變體,像粵語陽平無條件變爲上升調,譬如:澳門、花園等詞个第二字。

音位搭字母系統[编辑]

一般認爲音位是字母書寫系統个基礎,在昰類系統裏向字位多半表示其音位。若字母是針對某一種語言發明辰光,昰種情形格外明顯。譬如拉丁文是爲了古拉丁語發明,因此當時个拉丁文幾乎是一個字位對應一個音位,不過弗考慮用字位去表示音位个母音強度。不過因爲口說語言時常在變化,而正寫法弗一定會隨之變化,再加上方言个差異,形態音系學在正寫法上个影響,以及外來語个使用,因此有些語言个字位搭音位很弗容易對應。

英語畀認爲是一種典型个非音素化語言,由於英語詞彙个語源交關多樣化,交關單詞个拼寫法保留了原來个形式,再加上元音大推移等因素个影響,使得英語个拼字與實際發音呈現高度弗對應。歷史丄有得交關英語拼寫改革方案曾畀提出,可參見英語拼寫改革。反之,意大利語西班牙語芬蘭語、人工語言个世界語則是拼寫法與音位高度對應个實例。

字母搭音位之間个對應弗一定是一一對應个關係。一個音位可能會用二個字母或是三個字母个組合表示(二合字母三合字母)。像英文个<sh>或德文个<sch>都表示音位/ʃ/)。而一個字母也可能表示多個音位,像西里爾字母я在弗同位置下發音也可能會弗同。也可能有些拼字及發音个規則(像意大利文个<c>),因此音位搭字母个關係就更複雜了,不過假使已知規則,大致上還是可能預設某一拼寫方式文字个發音。

別樣[编辑]

參攷資料[编辑]

  1. phoneme (Lexicon of Linguistics) (en). Universiteit Utrecht. 访问日脚2014-11-03.
  2. What is a phoneme? (en). SIL International. 访问日脚2014-11-03.
  3. 何謂音位學 (zh). 輔仁大學語言學研究所. 访问日脚2014-11-03.

外部链接[编辑]

  • 苏诚忠 (2005-11-30). 音素phoneme. 《语言个本质》. 语言文字网. 访问日脚2007-02-16.