跳转到内容

锺繇

出自维基百科,自由个百科全书

锺繇(吴拼:Tsung Yeu[1])(151年-230年),字元常,豫州颍川长社(今河南长葛)人,三国时期曹魏重臣、著名书法家,官至太傅,逝世后谥曰“成侯”。

锺繇书法[编辑]

锺繇书法史上向名声显赫,搭时个李斯时个蔡邕搭仔张芝齐名。伊是楷书鼻祖,也是王羲之个先生。根据记录,锺繇擅长”铭石书“”章程书“”行押书“:铭石书是刻碑文用个书体,也便是八分隶;章程书是写行政文书用个楷体;行押书则是个人私底里使用、相对实用个行书——因为当时辰光,隶、楷、行迭个一眼术语还弗曾形成功。个咾我伲好看得出,除脱楷书,伊di3ghang1也邪气精湛。

伊个楷书,实际上向以后世角度看是兼具隶书搭行书神韵个,个咾相对法度森严个唐楷,锺繇楷书交关活泼、邪气自由:同样一个字,锺繇好写出交关变化。伊迭种自由、空灵个风格对后世书家有得交关启发,卫夫人继承仔伊个风格,但神韵弗及伊灵动宽广;王羲之则更是伊个徒孙,临过伊个《墓田丙舍帖》。另外,像吴门三家当中两个——王宠搭仔祝允明是受仔伊深刻影响。

注释[编辑]

  1. 关于锺繇名字后字个读音,有种所谓专家讲应该读如摇,但其实吴越书法界一律读如由。