金海街道（上海市）
箇篇文章讲个是管辖原先奉贤现代农业园区范围个街道办事处，也可以是有关跟箇隻街道办事处范围完全重合，转制成企业，宣传名“东方美谷”个经济开发区，请参看“上海奉贤生物科技园区”。金海街道，是上海市奉贤区下头一隻街道办事处，管辖范围东到金汇港，南至浦南运河，西至S4沪金高速公路，北到西渡街道金港村搭益民村村界[1]，是行使奉贤现代农业园区里向居民个社会管理职能个行政区划[2]。俗称“上海之鱼”个金海湖就来勒金海街道里向[3]。
历史
[编辑]
维基文库里向有关个原始文献：
金海街道辖区本来是奉贤现代农业园区，来勒原西渡镇东南部，1996年以县级金汇农业园区个名义设立，规划面积1平方千米，项目建设领导小组是1997年成立个。2000年成为市级农业园区，改名叫上海奉贤现代农业园区，当年8月份成立奉贤县农业发展有限公司以建设园区。2001年11月，上海奉贤农业园区管理委员会获批成立，园区界限亦变更为东起金汇港、西至上海市工业综合开发区，南到浦南运河，北临大叶公路，总面积扩大至18.49平方千米，奉浦大道作为分界线，北面是农产品加工区，南面是城市生态区，设有温室工程、出口蔬菜、生态园艺、良种繁育生产四隻功能区[4][5]。2012年，政企分设，农业园区完全转变成企业化运作，当地个行政管理移交畀挂牌新设个金海社区办事处管理[2]。2019年12月24号，上海市人民政府批准南桥镇里向析置出金海街道[1]。
参考
[编辑]- ↑ 1.0 1.1 上海市人民政府 (2019-12-24). 上海市人民政府关于同意设立奉贤区金海街道办事处的批复（沪府〔2019〕84号）.
- ↑ 2.0 2.1 （2012-10）奉贤年鉴2012．上海：学林出版社，329-330．ISBN 978-7-5486-0394-8．
- ↑ （2018-01）上海分区地图——奉贤区地图．上海：中华地图学社．ISBN 978-7-5588-0021-4．
- ↑ （2008-08）西渡志(1986-2003)．上海：上海辞书出版社，430-431．ISBN 978-7-5326-2804-9．
- ↑ （2007-01）奉贤县续志．北京：方志出版社，493-494．ISBN 978-7-80238-174-2．
外部链接
[编辑]
| ||||||||||||