迷你新干线

迷你新干线（日文：ミニ新幹線／ミニしんかんせん ^{Mini shinkansen}），日本一种高速铁路规格，利用本生在来线个1067毫米窄轨路线，拓宽成1435毫米个标准轨路线，勒拉高头跑跟新干线轨距一样个列车个铁路系统。

箇种方法造出来个铁路，虽然名字浪带“新干线”三個字，必过伊是按照在来线个法规管理个。除脱需要改造个隧道搭仔电气设备，基本沿用原先个在来线系统。迷你新干线虽然解决新干线同在来线个贯通运营个问题，但是因为在来线个站台规格、路线标准、隧道净空等标准较低，故咾要专门设计小一圈个新干线列车。同样个道理，迷你新干线路段浪还是有铁路道口个，而弗像新干线伊嫩介全封闭式个；部分路段只有单线铁路，需要勒拉车站或者信号场停车进行列车个交会。；车速会得受到大幅度个限制，降到130公里/小时，跟在来线个列车速度一样。