赛马娘Pretty Derby
赛马娘Pretty Derby（日文：ウマ娘 プリティーダービー，简称ウマ娘）是游戏公司Cygames做个，包括游戏、动画片、漫画搭仔音乐个多媒体企划[1][2]。翻译成功吴语应该叫跑马细娘（简称也是马娘）。
游戏本身定拉2018年底开放孛相，结果拖到仔2021年2月24号纔推出手机版个游戏，3月10号又推出电脑版个游戏。繁体中文手机版个游戏，也叫台湾版、香港版，勒拉2022年6月27号拉港澳台地区推出[3]。2023年3月20号，中华人民共和国国家新闻出版署发布新一批个进口网络游戏审批公告，箇个游戏获得官方发个版号，会得叫“闪耀！优俊少女”，由bilibili代理发行[4][5]。
电视动画片方面，勒拉2018年放仔第一季动画，拉2020年个《赛马娘四格》搭仔2021年个第二季等三部动画片。2022年11月6号，官方宣布伊拉会得做第三季个动画片[6]。
游戏內容是拿赛马个拟人化作主题个，通过拿下「闪光系列赛」个胜利作为目标个养成游戏。
故事介绍[编辑]
箇是从异世界传承仔光辉个姓名搭仔竞跑能力个“马娘”、从老早以来就搭人类共存拉个世界上向个故事。
从乡下头转学到大都市个马娘——特别周（日文：スペシャルウィーク；洋文：Special Week），搭同学淘里相互切磋、赌上“日本第一马娘”个称号，目标是拉“闪光系列赛”中取得胜利。
游戏操作介绍[编辑]
作为驯zing1马师（日文：トレーナー。驯，音同寻）养成（日文：育成）马娘，培养好仔以后让伊去参加比赛（日文：レース)。
养成个模式[编辑]
游戏当中，每一趟养成个过程（下头拿伊叫“一趟”）侪是3年36个月头搭仔后头3场特殊个比赛，每个月头又畀拆分成“上半”搭仔“下半”2個“回合”。
勒拉每一趟当中，每只马娘侪会得有些伊拉需要达成个目标，有个是规定勒拉特定个辰光参加特定个比赛、捞到特定个排名，有个是达到特定个粉丝人数。同时，每场比赛也有参加所需要个最少粉丝人数个限制，等级越高个比赛，限制也越高。假使讲勒拉特定个辰光，粉丝人数弗够（包括弗够参加特定个比赛），箇末箇一趟就会得直接结束； 假使讲是参加仔比赛，但是呒没达成特定个排名，箇末可以用“闹钟”道具重新进行箇一场比赛，同时心情（やる気，干劲）也会得提升一個等级（最高等级是邪气好（絶好調，極好））。
驯马师勒拉开始养成个辰光需要特定2個已经养成结束个马娘，让箇趟养成个马娘勒拉拢总3趟个继承当中捞着伊拉搭伊拉个继承来源个属性因子，同时随机捞着些技能因子，也有可能捞着适性因子。箇些因子好提高马娘对特定场地/距离/跑法个适应性。 同时，驯马师要挑定拢总6张支援卡，勒拉养成个过程当中，伊拉会得触发事件、提供加成。
- 训练个项目（トレーニング）
- 速度（スピード）：影响速度个上限。
- 耐力（スタミナ）：维持速度。
- 力量（パワー）：影响爬坡个辰光个速度，抢内道个能力搭仔加速度。
- 毅力（根性）：降低阿末冲刺个辰光个耐力消耗。
- 智力（賢さ）：影响技能个触发概率，降低「弗冷静（掛かり，失去冷靜）」个发生概率，勒拉比赛当中可以挑比较好个路径去跑。
养成当中还有事件（イベント），可以分成主要事件（メインイベント）、支援卡事件搭随机事件。事件可能会得影响训练项目搭仔状态，支援卡事件有个辰光还会得送技能。
- 心情(やる気，干劲)
- 心情是勒拉养成当中搭仔每场比赛前侪会得出现个一個属性，可以分成五级。好个心情会得勒拉养成个辰光送额外个属性点、比赛个辰光也好有额外个属性加成。相反，坏个心情就会得减脱箇数据。
- 邪气好（絶好調，極好）：训练个效果提高20%，比赛个基础能力提高10%。
- 好（好調，好）：训练个效果提高10%，比赛个基础能力提高5%。
- 普普通通（普通，普通）：呒没啥影响。
- 推班（不調，糟）：训练个效果减脱10%，比赛个基础能力减脱2%。
- 邪气推班（絶不調，極糟）：训练个效果减脱20%，比赛个基础能力减脱5%。
- 比赛个会得出现个负面效果
- 弗冷静（掛かり，失去冷靜)：比赛个辰光会得有一定概率触发个负面效果，邪气浪费自家个耐力。
- 出来晏（出遅れ，晚出閘）：比其他个马娘，起跑个辰光晏哉。
- 出去逛（お出かけ，外出）
- 散步：提高一档心情，回復体力
- 去神社：提高一档心情，根据抽到个签，决定回復个体力数量个多少
- 卡拉OK：提高两档心情
- 搛洋娃娃个机器：勒拉出去逛个事件后头，会得有一定概率触发。根据搛洋娃娃个结果，可以回復体力，甚至可能捞到技能
- 医护室（保健室）
- 只有马娘已经显示生毛病个辰光才好去，概率去脱现在有个毛病。
比赛（レース）[编辑]
赛马娘个比赛是自动进行个，驯马师呒没办法操作。弗过，箇个比赛模式像现实当中个赛马比赛，只有捞得头一名才算赢。
比赛个辰光也有心情个影响。勒拉养成个辰光，比赛里个心情就是箇些辰光里马娘养成个心情；勒拉其他比赛当中就是随机生成个；勒拉剧情比赛里向，拿特定个马娘参加比赛，心情会得设定成邪气好。
对后头两种弗勒拉养成当中个比赛，可以用道具来提高伊拉个心情搭仔拿到对自己个马娘有利个条件。
PVP模式[编辑]
- 驯马师勒拉养成模式里养出匹马娘后头，就好摆到PVP个队伍里向去参加比赛，拢总有五场比赛，好分成短距离赛、英里赛、中距离赛、长距离赛搭仔泥地赛。一場比赛当中最多可以摆三只马娘。
- 只要有一只拿到第一名，箇场比赛就算赢，拢总采用五局三胜制。
用语[编辑]
- 马娘
- 勒拉箇个世界当中，马弗是现实世界个马，是长仔马耳朵、马尾巴个像煞细娘个物种。伊拉有比普通人类更好个脚劲搭体力，奔跑速度好达到时速60公里，大多长来交关标致。也有弗竞马、做一般性生活个马娘。伊拉好搭普通人类交合；但养得出养弗出马娘弗是靠遗传——也就是讲普通人之间也好养出马娘；马娘个后代弗一定是马娘。弗存在男个“马娘”。外加“馬”勒拉作品个世界当中，下面四点少脱当中两笔，暗示是两只脚。
- 闪光系列赛（トゥインクルシリーズ）
- 由URA组织举办个比赛，勒拉每个双休日脚进行。
- 比赛后头还有胜者舞台。
- 参加比赛个马娘必须加入驯马师个队伍。
- 比赛是分级制度，比方讲「GI」、「GII」。
- 勒拉整個比赛日脚里，比赛搭仔Live会得通过电视、广播、网络等多個方法轉播[7]。
- 出道（デビュー）
- 勒拉特雷森学堂个马娘报名参加闪光系列赛个必经程序。
- 伊拉勒拉特雷森学园里个头一桩事体，就是勒拉校內选拔赛当中展现自家，希望可以被驯马师选到队伍当中。
- 所以，每個马娘勒拉入学到出道箇段辰光，经历弗大一样[8]。
- 特雷森学堂（トレセン学園特雷森学园）
- URA管理个马娘培训学堂，全称是「日本赛馬娘訓練中心學園」。
- 特雷森是一家招顶尖实力个马娘，让伊拉每天学习个学堂。
- 为仔训练马娘个跑步能力，特雷森勒拉一般个初中、高中课以外额外加仔比赛、胜者舞台等相关个特制教书內容。
- 除脱特殊情況，所有个馬娘均要留拉学堂里住宿；而驯马师也一样住拉学堂附近[9]。
- URA
- 组织举办闪光系列赛、胜者舞台搭仔开特雷森学堂等设施个机构。
- 全称「Uma-Musume Racing Association」。
- 马娘伊拉勒拉GI比赛里著个胜负衣裳，还有胜者舞台里向唱个歌，侪是由URA负责制作个[10]。
- 胜负衣裳（勝負服，决胜服）
- 只拉闪光系列赛里向个的GI比赛里向著个個人特殊衣裳。
- 马娘勒拉伊拉头一趟班名参加GI比赛个辰光捞到伊拉个头一件胜负衣裳。
- URA会按照马娘出道个辰光勒拉报名表浪填个设计样式，尽量还原出伊拉心目中个样式[11]。
- URA奖（URA赏）
- 每年，URA发布个奖，目的是表扬闪光系列赛当中表现突出个马娘。
- 分成好几個奖项，譬如“最佳初级奖”、“最佳经典奖”、“最佳高级奖”、“最佳短途奖”、“最佳泥地奖”。
- 除脱箇些，勒拉箇一年里向表現顶顶好个马娘会得被挑出来，成为“年度代表赛马娘”，是马娘当中顶顶高身份地位个象征。
- 一般性，奖品侪是新的胜负衣裳[12]。
- 距离适应性
- 马娘勒拉赛跑距离上个擅长程度。每名马娘侪有不一样个适应性：短距离、一英里、中距离或者长距离。
- 假使参加个比赛不符合马娘自家个适应性个闲话，大多数情况下头，伊拉老难同其他符合适应性个马娘抢头一名。
- 所以，假使讲想变成“三冠赛马娘”（皋月賞（2000米）、日本德比（2400米）、菊花賞（3000米）），或者打到“天皇賞春秋連霸”（天皇賞．春（3200米）、天皇賞．秋（2000米））侪老困难个[13]。
- 队伍（チーム，隊伍）
- 为仔参加闪光系列赛，由驯马师组织起来个，受URA认可个马娘团队。
- 勒拉驯马师个指导下头，不同个队伍有自家个特色。
- 譬如擅长短距离比赛个队伍、训练规划细致紧密个队伍、重视实战经验个队伍。
- 一些管理老多马娘个队伍，除脱主负责人驯马师，也会得有辅助帮忙个副驯马师[14]。
- 经典赛
- 只有出道第二年（经典年）个马娘才可以参加个5项比赛：皋月賞、日本德比、菊花賞、櫻花賞搭仔橡樹比赛。
- 箇些是老底子就有个传统比赛，弗少个马娘拿箇些比赛作伊拉目标。
- 勒拉箇年裡向，有为仔“三冠赛马娘”目标个三冠路线（皋月賞、日本德比、菊花賞）；
- 还有另外加了個非经典比赛GI秋華賞个三后冠路线（櫻花賞、橡樹大賽、秋華賞）[15]。
- 三冠赛马娘
- 勒拉一生只好参加一趟个经典赛里向，赢仔皋月賞、日本德比搭仔菊花賞3個比赛个马娘。
- 想变成三冠赛马娘，不只看跑步能力，还要看距离适应性、身体好搭仔运道等等老多个因素才可能成功。
- 勒拉闪光系列赛个历史当中，呒没几個马娘捞着箇只名称。
- 还有，赢仔经典赛限定个櫻花賞、橡樹大賽搭仔秋華賞个马娘，会得捞着跟「三冠赛马娘」一样档次个「三后冠马娘」个头衔[16]。
- 跑法适应性（脚質）
- 马娘勒拉比赛个辰光擅长个跑法。
- 马娘有自家个特性，只有搭仔伊拉个特性相配合，纔可一发挥出最高个战斗力。
- 跑法好分成一路逃（逃げ，領放）、跟拉前头（先行，前列）、跟拉当中（差し，居中）搭仔跟拉阿末（追込，後追）。
- 一路逃（逃げ，領放）：一直勒拉头几個，从开始逃到比赛结束
- 跟拉前头（先行，前列）：尽可能跟拉前头，看牢一路逃个马娘。
- 跟拉当中（差し，居中）：跟拉当中，到终点前纔加速追。
- 跟拉阿末（追込，後追）：一直憕拉后头，到阿末一個直路纔加速追[17]。
登场脚色[编辑]
马娘[编辑]
除脱极少部分马娘，别个多数马娘个名字、生日侪源自现实当中日本有名个跑马。
漫画[编辑]
- STARTING GATE！ -赛马娘Pretty Derby- （STARTING GATE！ -ウマ娘プリティーダービー-）
| 集數 |  讲谈社
|
小学馆
| ||
|---|---|---|---|---|
| 发售个日脚 | ISBN | 发售个日脚 | ISBN | |
| 1 | 2017年7月28号 | ISBN 978-4-06-509201-9 | 2021年11月18号 | ISBN 978-4-09-850710-8 |
| 2 | 2018年1月30号 | ISBN 978-4-06-509247-7 | ISBN 978-4-09-850711-5 | |
| 3 | 2018年5月30号 | ISBN 978-4-06-509267-5 | 2022年1月19号 | ISBN 978-4-09-850712-2 |
| 4 | 2019年3月29号 | ISBN 978-4-06-515533-2 | ISBN 978-4-09-850713-9 | |
| 5 | 2021年6月30号 | ※第5卷搭仔第6卷只有电子书[19] | 2022年3月18号 | ISBN 978-4-09-850714-6 |
| 6 | 2021年7月30号 | ISBN 978-4-09-850715-3 | ||
- 赛马娘Pretty Derby -春丽会加油个！ - （ウマ娘 プリティーダービー-ハルウララがんばる！-）
- 2016年5月8号到2016年9月11号，勒拉Cygames个官方网站『Cycomics（サイコミ）』上向更新。拢总有10话。
- 画箇部漫画个是皇宇。
- 春丽作主角个喜剧作品。里向加入些现实当中个退役赛马春丽个经历。高知线赛马组织等单位勒拉作品个创作里向帮过忙。
- 箇部作品个世界观跟现在游戏里向个有些弗大一样。
- 赛马娘四格（うまよん）
- 2018年3月30号开始，勒拉Cygames个官方网站『Cycomics（サイコミ）』上向更新。
- 画箇部漫画个是熊ジェット。
- 画个是动画版里向登场过歌马娘伊拉勒拉学堂里个日常四格漫画。
- 赛马娘芦毛灰姑娘（ウマ娘 シンデレラグレイ）
- 从《周刊YOUNG JUMP》2020年28号刊开始连载。画箇部漫画个是久住太阳。
- 迭部漫画个主脚是小栗帽。
| 集数 | </img>集英社
| |
|---|---|---|
| 发售日期 | ISBN | |
| 1 | 2021年1月19号 | ISBN 978-4-08-891705-4 |
| 2 | 2021年2月19号 | ISBN 978-4-08-891795-5 |
| 3 | 2021年5月19号 | ISBN 978-4-08-891896-9 |
| 4 | 2021年8月18号 | ISBN 978-4-08-892050-4 |
| 5 | 2021年12月17号 | ISBN 978-4-08-892077-1 |
| 6 | 2022年2月18号 | ISBN 978-4-08-892223-2 |
| 7 | 2022年5月18号 | ISBN 978-4-08-892302-4 |
- 赛马娘 樱花绽放（ウマ娘 プリティーダービー スターブロッサム）
2023年4月10号开始拉《周刊YOUNG JUMP》、《少年Jump+》等平台同步连载[20][21][22]。画箇部漫画个是保谷伸[21]。
迭部漫画个主脚是樱花桂冠[23]。
CD[编辑]
| 发行日期 | CD名称 | 规格编号 | |
|---|---|---|---|
| 限定盘 | 通常盘 | ||
| 赛马娘Pretty Derby STARTING GATE | |||
| 2016年11月30日 | STARTING GATE 01 | LACA-15621 | |
| 2017年1月11日 | STARTING GATE 02 | LACA-15622 | |
| 2017年1月25日 | STARTING GATE 03 | LACA-15623 | |
| 2017年2月22日 | STARTING GATE 04 | LACA-15624 | |
| 2017年4月5日 | STARTING GATE 05 | LACA-15625 | |
| 2017年5月3日 | STARTING GATE 06 | LACA-15626 | |
| 2018年1月17日 | STARTING GATE 07 | LACA-15707 | |
| 2018年2月14日 | STARTING GATE 08 | LACA-15708 | |
| 2018年3月14日 | STARTING GATE 09 | LACA-15709 | |
| 2018年4月18日 | STARTING GATE 10 | LACA-15710 | |
| 2018年5月16日 | STARTING GATE 11 | LACA-15711 | |
| 2018年6月13日 | STARTING GATE 12 | LACA-15712 | |
| 2021年9月22日 | STARTING GATE Unit Song Collection | LACA-15889 | |
| 赛马娘Pretty Derby ANIMATION DERBY | |||
| 2017年11月22日 | ANIMATION DERBY 00 ENDLESS DREAM!! | LACM-34688 | LACM-14688 |
| 2018年4月25日 | ANIMATION DERBY 01 Make debut! | LACM-14741 | |
| 2018年5月9日 | ANIMATION DERBY 02 グロウアップ・シャイン！ | LACM-14742 | |
| 2018年7月25日 | ANIMATION DERBY 03 Special Record!/Find My Only Way | LACM-14779 | |
| 2018年8月1日 | ANIMATION DERBY 04 Original Soundtrack | LACA-9637~8 | |
| 2018年9月12日 | ANIMATION DERBY 05 | LACA-15755 | |
| 2018年9月26日 | ANIMATION DERBY 06 | LACA-15756 | |
| 2018年10月10日 | ANIMATION DERBY 07 | LACA-15757 | |
| 2021年2月24日 | ANIMATION DERBY Season 2 vol.1 「ユメヲカケル！」 | LACM-24083 | |
| 2021年3月10日 | ANIMATION DERBY Season 2 vol.2 「木漏れ日のエール」 | LACM-24087 | |
| 2021年3月31日 | ANIMATION DERBY Season 2 vol.3 Original Sound Track | LACA-9814~9815 | |
| 赛马娘Pretty Derby WINNING LIVE | |||
| 2021年3月17日 | WINNING LIVE 01 | LACA-15859 | |
| 2021年9月22日 | WINNING LIVE 02 | LACA-15879 | |
| 2021年2月9日 | WINNING LIVE 03 | LACA-15930 | |
电视动画[编辑]
由Cygames 、东宝动画搭仔Lantis三家一淘企划制作个电视动画 。
第1期勒拉2018年4月1号起首播 [24]。P.A.WORKS做个动画 [24] 。
第2期勒拉2021年1月4号起首播[25]，做动画个变成功STUDIO KAI[26]。
故事简介[编辑]
箇是拥有从异世界继承个光辉名号搭仔竞速能力个「赛马娘」自古以来就同人类共存个世界个故事。
- 第1期
- 马娘特别周从乡下头转到大城市里向个特雷森学堂读书，伊搭同学淘里相互切磋、赌上“日本第一马娘”个称号，目标是拉“闪光系列赛”中取得胜利。
- 第2期
- 憧憬鲁道夫象征、想变成无败三冠赛马娘个东海帝王，搭赌上自家名门个荣耀、向天皇赏连霸发起挑战个目白麦昆两家头之间隔故事。伊拉两家头是竞争对手，也是朋友，为仔自家个梦想，勒拉「闪光系列赛」当中弗断向前跑。
- 第3期
- 追逐伊向往个人个背影弗断奔跑个北部玄驹，搭背拉全家族期待向GI称霸发起挑战个里见光钻，形影弗离个两家头怀拉新个梦想，向拉阿末个大舞台跑去。
制作人（动画片）[编辑]
- 原作：Cygames[27]
- 导演：及川启[27]
- 副导演：太田知章（第1期）[27]
- 助理导演：成田巧（第2期）
- 剧本统筹：
石原章弘[27]、杉浦理史（第1期）[27]→Cygames（第2期） - 人物设计：椛岛洋介[27]、辻智子（第2期追加）
- 总作画监督：椛岛洋介[27]、藤本悟（第2期追加）
- 美术监督：伊藤弘（第1期）[27]→冈本穗高（第2期）
- 美术：草薙[27]
- 摄影监督：并木智[27]
- 色彩设计：中野尚美[27]
- 3D监督：市川元成（第1期）[27]→吉良柾成（第2期）
- 剪辑：高桥步[27]
- 音乐：UTAMARO movement[27]
- 音乐企划制作：岩代太郎[27]
- 音乐制作：Lantis[27]
- 音响监督：森田祐一[27]
- 音响制作：HALF H·P STUDIO[27]
- 动画制作：P.A.WORKS（第1期）[27]→STUDIO KAI（第2期）
- 制作帮助：P.A.WORKS（第2期）
短篇动画《赛马娘四格》[编辑]
短篇动画《赛马娘四格》（Umayon）（うまよん）勒拉2020年7月7号到9月22号首播[28]。伊个剧情同动画版有些弗同。每集个预告侪勒拉官方YouTube频道“ぱかチューブっ!”浪发布。
动画BD里向还有另外12集个内容，侪是从漫画里向挑出来个一部分内容[29]。
短篇动画《悠哉赛马娘》[编辑]
短篇动画《悠哉赛马娘》（うまゆる）从2022年10月16号到2023年3月26号勒拉官方YouTube频道“ぱかチューブっ!”浪首播[30]，拢总24集。
网络动画《Road to the Top》[编辑]
网络动画《赛马娘 Pretty Derby Road to the Top》（ウマ娘 プリティーダービー Road to the Top）从2023年4月16号到2023年5月7日开始勒拉官方YouTube频道“ぱかチューブっ!”浪首播[31]，预计每個礼拜一集，拢总4集[32]。
伊介绍个是成田路、爱慕织姬、好歌剧三個马娘勒拉经典三冠“皋月赏”、“日本德比”、“菊花赏”浪相互竞争同鼓励个故事。
派生游戏[编辑]
- 《赛马娘 Pretty Derby 热血喧闹大感谢祭！》（日本闲话：ウマ娘 プリティーダービー 熱血ハチャメチャ大感謝祭！）[33]
争议事件[编辑]
同人创作相关事体[编辑]
游戏刚刚创立个辰光，伊就表示过箇个游戏里向个脚色侪是真实个赛马个名字，故咾对同人创作有相关个要求，特谓是弗好冒犯甚至损害里向个脚色个形象[34]。
2022年9月份，Cygames要求Pixiv删脱侵权个作品，媒体分析Cygames过去曾明文禁止过色情同人作品[35]，故咾箇趟申诉可能是针对pixivFANBOX里向个色情同人作品[36]。
因涉嫌专利侵权畀科乐美数码娱乐起诉[编辑]
2023年5月17号，CyberAgent发布通告讲，伊个子公司Cygames因为《赛马娘 Pretty Derby》涉嫌专利侵权畀科乐美数码娱乐起诉。科乐美数码娱乐要求Cygames关停箇个游戏，赔偿伊40亿日元[37]。
后些来，Cygames搭仔游戏官方分别发布通告[38][39]，讲Cygames已经开始就相关问题同科乐美数码娱乐方面“进行真诚讨论”，但还呒没收到对方个接受；《赛马娘 Pretty Derby》并呒没侵犯科乐美数码娱乐个专利，会得继续正常运营。
简体中文版相关争议[编辑]
本游戏个简体中文版由上海幻电代理，2023年3月20号通过国家新闻出版署审批，2023年8月3号开放预约[40]。
修改用词搭比赛翻译个争议[编辑]
用词方面，简体中文版拿“马娘”、“赛马娘”等词侪调成“优俊少女”[41][42]。
比赛翻译方面，简体中文版对部分字面上同日本皇室搭日本军国主义有关个比赛名进行修改。比方讲天皇賞被翻译成“天王奖”，高松宮紀念被翻译成“中京短途赛”，安田紀念被翻译成“东京英里赛”，有馬紀念被翻译成“中山大奖赛”。
使用网络梗进行营销个争议[编辑]
本游戏简体中文版发行前，同本作角色东海帝王相关个网络梗“哈基米”勒拉中国内地互联网传播[43]，伊个推广搭滥用[44]引起玩家个反感。
但是，bilibili官方依然用箇個词进行营销活动[45]。App Store也用“解读哈基米”为主要内容写仔篇《闪耀！优俊少女》预约页面个介绍文章[46]，畀玩家批评。
游戏暂停下载[编辑]
2023年9月7号下半天6点，《闪耀！优俊少女》游戏官方发布公告，讲因为“技术升级”，要暂时关脱游戏客户端个下载入口。公告并呒没说明恢复个具体辰光，只讲“将抓紧时间完成技术升级并尽快恢复上架”，有人猜测可能是因为游戏送审个版本同上线个版本有差异[47]。
2024年3月2号，游戏官方发布公告，讲啥因为“技术升级尚未完成”，会得暂停提供新游戏个内容（本来定拉3月4号要开放个新养成剧本咾啥），开启复刻活动[48]。
参考资料[编辑]
- ↑ エンターブレイン (2016-03-26). サイゲームスの新プロジェクト『ウマ娘 プリティーダービー』が発表された【AnimeJapan 2016】. 访问日脚2021-12-04.
- ↑ 【発表会】「Cygames NEXT 2016」『ウマ娘』『LOST ORDER』など第二・三部で明かされた計7タイトルの発表内容をどこよりも詳細にお届け. Social Game Info (2016-08-21). 访问日脚2021-12-04.
- ↑ "《賽馬娘Pretty Derby》繁體中文版敲定6月27日正式上線" (in 中文). Yahoo!新聞. 2022年5月30日. Retrieved 2022年6月28日.
- ↑ 国家新闻出版署-进口网络游戏审批信息-2023年进口网络游戏审批信息. 原始文档勒2023-06-10存档. 访问日脚2023-05-03.
- ↑ Edward (2023-03-21). 中國官方公布 2023 年進口網路遊戲審批訊息 《蔚藍檔案》《賽馬娘》等作通過審核 (zh-tw). 巴哈姆特電玩資訊站.
- ↑ アニメ「ウマ娘 プリティーダービー」第3期制作決定、配信アニメは来年春頃から (ja). 访问日脚2022-11-06.
- ↑ トゥインクル！Web Vol.01公開！ (ja). 访问日脚2021-01-27.
- ↑ トゥインクル！Web Vol.02公開！ (ja). 访问日脚2021-01-27.
- ↑ トゥインクル！Web Vol.03公開！ (ja). 访问日脚2021-01-27.
- ↑ トゥインクル！Web Vol.04公開！ (ja). 访问日脚2021-01-29.
- ↑ トゥインクル！Web Vol.05公開！ (ja). 访问日脚2021-02-01.
- ↑ トゥインクル！Web Vol.06公開！ (ja). 访问日脚2021-02-03.
- ↑ トゥインクル！Web Vol.07公開！ (ja). 访问日脚2021-02-06.
- ↑ トゥインクル！Web Vol.08公開！ (ja). 访问日脚2021-02-08.
- ↑ トゥインクル！Web Vol.09公開！ (ja). 访问日脚2021-02-12.
- ↑ ゥインクル！Web Vol.10公開！ (ja). 访问日脚2021-02-12.
- ↑ トゥインクル！Web Vol.11公開！ (ja). 访问日脚2021-02-15.
- ↑ 18.0 18.1 【AnimeJapan2017】Cygames、『ウマ娘 プリティーダービー』第1弾トレーラーを公開 アニメ化、コミカライズ、ライブなどメディアミックス展開も (ja). Social Game Info (2016-03-25). 访问日脚2017-04-04.
- ↑ 2021/6/30以降に配信開始の単行本情報をご紹介！！. サイコミ (2021-05-19). 访问日脚2021-08-01.
- ↑ "『ウマ娘』“サクラローレル”を描く新作漫画は集英社『少年ジャンプ+』『ヤンジャン！』『となりのヤングジャンプ』の3媒体同時掲載！". ファミ通.com (KADOKAWA). 2022-05-05. Retrieved 2022-05-06.
- ↑ 21.0 21.1 「4th EVENT SPECIAL DREAMERS!! EXTRA STAGE」DAY1発表まとめ！. Cygames (2022-11-05). 访问日脚2022-11-07.
- ↑ @uma_musu_SB (2023-04-10). 『#ウマ娘 プリティーダービー スターブロッサム』連載開始.
- ↑ "『ウマ娘』第1部最終章前編“夢の原石”3/18配信決定。新キャラやサクラローレルの新作漫画情報も【4thイベントDAY2発表まとめ】". ファミ通.com (KADOKAWA). 2022-03-06. Retrieved 2022-05-06.
- ↑ 24.0 24.1 『賽馬娘Pretty Derby』設計視覺圖解禁！及導演由及川啟、人物設定由椛島洋介等製作人員情報公開 (ja). animate Times (2017-09-09). 访问日脚2017-09-09.
- ↑ 2021年1月4日（月）より放送スタート！新キービジュアル&本PV公開！ (ja). 访问日脚2020-12-19.
- ↑ キャスト·スタッフ情報公開！ (ja). 访问日脚2020-12-19.
- ↑ 27.00 27.01 27.02 27.03 27.04 27.05 27.06 27.07 27.08 27.09 27.10 27.11 27.12 27.13 27.14 27.15 27.16 27.17 27.18 製作人員&配音員 (ja). 电视动画「赛马娘Pretty Derby」官方网站. 访问日脚2018-02-25.
- ↑ ウマ娘 新作ショートアニメ「うまよん」7月7日よりTOKYO MX、BS11で放送開始決定！ (ja). WebNewtype. KADOKAWA (2020-06-28). 访问日脚2020-06-28.
- ↑ アニメ『うまよん』Blu-ray BOX. ウマ娘 プリティーダービー 公式ポータルサイト. Cygames (2021-08-29). 原始文档勒2023-04-01存档. 访问日脚2021-12-28.
- ↑ 『ウマ娘』9/27生放送“ぱかライブTV Vol.21”まとめ。ハロウィン衣装のアグネスデジタル＆メイショウドトウが登場！ (ja). Fami通 (2022-09-27). 访问日脚2022-09-27.
- ↑ 【ウマ娘】新シリーズ配信アニメ「ウマ娘 プリティーダービー Road to the Top」ティザーPV (ja) (2022-11-06). 访问日脚2022-11-06.
- ↑ 次回ガチャ更新情報やストーリーイベントなど！「ぱかライブTV Vol.27」発表まとめ！ (ja) (2023-03-26). 访问日脚2023-04-01.
- ↑ 丸谷健太 (2023-11-09). 「Cygamesコンシューマーゲーム試遊祭 2023」レポート。ハチャウマやGBVSRの最新バージョンが首都圏で初お披露目 (ja).
- ↑ 応援してくださっているファンの皆さまにご注意いただきたいこと,ウマ娘 プリティーダービー 公式ポータルサイト,2018年6月20日
- ↑ 二次創作のガイドラインについて,ウマ娘 プリティーダービー 公式ポータルサイト,2021年11月10日
- ↑ "Cygames大掃黃？傳pixiv要求《賽馬娘》繪師刪除FANBOX瑟圖 Fantia也動作" (in zh-TW). udn遊戲角落. 2022-09-27. Retrieved 2022-09-30.
- ↑ コナミが『ウマ娘』を巡りサイゲームスを訴訟。40億円の損害賠償とゲームの配信差し止めなどを請求 | ゲーム・エンタメ最新情報のファミ通.com (ja) (2023-05-17).
- ↑ 当社に対する訴訟の提起について (ja) (2023-05-17).
- ↑ ゲーム『ウマ娘 プリティーダービー』の訴訟について (ja).
- ↑ 【重 大 发 表】训练员们久等了，风靡亚洲的超人气大作《闪耀！优俊少女》预约正式开启！.
- ↑ 《闪耀！优俊少女》预约正式开启！. “此页面下方“游戏特色”中的宣传图，“赛马娘”一词全部被替换为“优俊少女””
- ↑ 《賽馬娘》中國服官方微博現身？名稱疑似改譯「閃耀優俊少女」 網猜是為了過審 (zh-Hant-TW). 访问日脚2023-02-17.
- ↑ 被滥用的“哈基米”，何尝不是一种赛博朋克_18183.com. “……若是追根溯源，就要提到当年《赛马娘》圈子一个很火的换头二创视频……”
- ↑ “哈基米”是什么梗？. “现在，这个词可以用于代称一切可爱的小动物，也可以单纯用来卖萌。”
- ↑ 哔哩哔哩数字周边的动态. “我们也积极参考了社区小伙伴们的建议，将本次项目名称更改为“赛博喵喵”（此项目名称原为“赛博哈基米”）。”
- ↑ 赛马娘国服广告：和哈基米一起飞奔.
- ↑ 叔叔危？！扛鼎大作刚上一周就关闭下载，被爆“版本不一致”？.
- ↑ 《闪耀！优俊少女》游戏后续版本运营计划相关公告.
外部连结[编辑]
- 「赛马娘Pretty Derby」公式官网（页面存档备份，存于） (日文)
- 赛马娘Pretty Derby官方个Twitter帳戶(日文)
- STARTING GATE！ -赛马娘Pretty Derby-｜Cycomic （页面存档备份） (日文)
- 电视动画「赛马娘Pretty Derby」公式官网（页面存档备份） (日文)
- 短篇动画《赛马娘四格》公式官网(日文)
- 動畫「賽馬娘Pretty Derby ROAD TO THE TOP」 公式官網(日文)
- 赛马娘Pretty Derby 于 YouTube(日文)