莘庄站（地铁）
.jpg)
莘庄站来勒上海市闵行区莘庄镇莘建东路，是上海轨道交通1号线、5号线个换乘车站。伊正好也是1号线南面边终点站搭5号线北面边终点站，亦是上海地铁唯一一座所有站台侪拉地面丄个换乘车站。1号线部分来勒1996年12月28号启用[1]，5号线部分来勒2003年11月25号造好。规划丄，等莘庄综合交通枢纽启用以後，乘客也好勒拉迭站出站换乘金山线。
车站
[编辑]车站楼层
[编辑]莘庄站个结构好分成两层，地面层是站台，地上二层是站厅。
| 地上二层 | 站厅 | 票务服务、自动售票机、人工服务台 | |
| 地面层 | |||
|
█ 5号线 往奉贤新城或者闵行开发区方向（春申路） | ||
| █ 5号线终点站 下车站台 | 
| ||
|
|
█ 1号线终点站 下车站台 | ||
| █ 1号线 往富锦路方向（外环路） |
| ||
站线配置
[编辑]莘庄站1、5号线侪是站后折返，5号线设有去莘庄辅助停车场个出入库线，另外海有1号线、5号线联络线。
1号线个站后折返线按6节编组设计，列车扩编到8节以後折返线个长度弗够，车子呒办法开到ATP停车点，需要司机二次对位[2]，避免两股折返线进路信号个冲突。为咾提高折返效率，2018年1月7号到1月18号，1号线莘庄站进行道岔改造，来勒站前设置交叉渡线搭仔5号线联络线[3]。到2019年，最小折返间隔压缩到2分45秒（22对/小时）[4]，弗过还会得牵制1号线运能[5]。
5号线方面，折返线一开始是曲线结构，道岔侧向限速较低，设计折返能力是4节编组163秒，经GoA3信号改造好压缩到135.5秒，必过离运营实际需要个6节编组133秒还有差距[6]。2022年春节，5号线交叉渡线满使用年限哉，故咾调脱[7]。 来勒天芸个设计图丄，5号线原先个曲线折返线会得畀伊拉拉直，原折返线变成桩基。[8]。
事故
[编辑]莘庄站发生个两桩事故侪同连接南出口横跨沪昆铁路个天桥有关：
- 2016年7月6号14点10分左右，一個男个从天桥丄跳下去，撞勒部金山线列车丄，人当场死脱，金山线列车短暂停车[9]。
- 2021年7月26号，天桥个顶棚畀台风烟花吹勒跑，敲坏脱下头沪昆铁路个接触网，沪昆铁路行车受到影响[10]。
未来发展
[编辑]
莘庄站改造，即将成为莘庄综合交通枢纽。造好以後个交通枢纽会得有轨道交通站头、通勤铁路站头、公交枢纽咾啥个，变成功上海西南地区重要个交通枢纽。箇隻工程也会得拿水清路搭仔都市路打通。原先个沪昆铁路天桥会得拆脱。施工期间，莘庄站功能弗受影响。项目预计曾计划来勒2022年整体竣工交付[11]，乃朝推到2026年哉。
2014年6月26号，项目正式动工。2016年11月29号，南出口临时通道启用，原先个南出口封闭脱。[12]。2017年2月份，裙楼马上就要拆咯，北广场启用东面隻钢架通道搭仔西面隻临时通道[13]。2017年3月31号，北广场裙楼正式开拆[14]，拆到2017年7月份。2022年，项目个关键工程——上跨1号线、5号线搭仔沪昆铁路个大平台正式开工[15]。2023年11月17号，为咾配合天荟铁路大平台施工，车站南出入口新造个人行天桥正式启用；11月24号，原先个南出入口天桥封闭脱[16]。
| L3 | 空中平台 | 水清路、都市路、天荟入口 |
| L2 | 换乘层 | 莘庄站站廳 |
| L1 | 北广场 | 公交车、出租车、非机动车 |
| 站台 | 莘庄站站线 | |
| 南广场 | 公交车、出租车、非机动车 |
参考资料
[编辑]- ↑ 上海轨道交通1号线的历史&大事记. 原始文档勒2015-12-22存档. 访问日脚2021-03-28.
- ↑ 徐春. 提升上海轨道交通1号线列车运行正点率的思考与对策. 城市轨道交通研究. 2014, 17 (02).
- ↑ 董怡虹 (2018-01-05). "莘庄地铁站道岔改造 1月12日、13日1号线取消延时运营". 新民晚报. Retrieved 2022-12-11.
- ↑ 单宁. 上海轨道交通1号线莘庄站运营配线能力提升改造研究. 隧道与轨道交通. 2019, (02).
- ↑ 徐行方; 李旭辉; 蒲琪; 杨贞桢. 上海轨道交通1号线运营负荷分析与评价. 城市轨道交通研究. 2014, 17 (10).
- ↑ 刘建. 上海轨道交通5号线莘庄站站后折返能力改进分析. 城市轨道交通研究. 2015, 18 (10).
- ↑ "上海地铁5号线停运整治施工中，将带来这些变化→". 澎湃新闻. 2022-02-04.
- ↑ 高迪国际（2015）．城市综合体规划与设计（上）．上海科学技术文献出版社．ISBN 978-7-5439-6628-4．
- ↑ 徐燕倩 (2016-07-06). "一男子从上海莘庄站人行天桥跳下，被桥下驶过列车撞上身亡". 澎湃新闻. Retrieved 2022-12-11.
- ↑ 地铁站天桥顶被吹飞！上海发布紧急通知. 光明网 (2021-07-26).
- ↑ 新地與上實城開聯手構建中國首座交通樞紐綜合物業 TODTOWN天薈概念館亮相上海. 新鸿基地产 (2015-09-23). 原始文档勒2016-11-21存档. 访问日脚2024-09-15.
- ↑ 地铁莘庄站南广场人行天桥19日起改道：临时通道长啥样？周边交通有何调整？赶快来看看！. 上海闵行 (2016-11-11).
- ↑ 莘庄站附楼拆除在即. 解放日报 (2017-02-15).
- ↑ 莘庄站附楼拆除在即. 上海电视台 (2017-03-31).
- ↑ "揭秘！莘庄综合交通枢纽项目铁路大平台是如何建造的？". 上观新闻. 2022-12-07.
- ↑ 莘庄地铁站南出入口有变化！记者在现场发现…… (2023-11-17). 访问日脚2023-12-13.
外部链接
[编辑]
- 上海地铁—1号线莘庄站车站信息 档案，存勒互联网档案馆当中。（2018年6月17号）
- 上海地铁—5号线莘庄站车站信息[链接坏脱]
| ||||||||||||||||||||||||||||