莎拉·伯恩哈特

出自维基百科,自由个百科全书

莎拉·伯恩哈特Sarah Bernhardt[1][2],约1844年10月22日-1923年3月26日)是一位19世纪搭20世纪初法国舞台剧搭电影演员。就像罗伯特·戈特利垃《莎拉》裏向所话咾,佢畀认为是“世界上頂著名个女演员”[3],以及是圣女贞德之後頂有名个法国女人。垃1870年代——“美好年代”个初期咾,伯恩哈特就以佢在法国个舞台剧表演而出名,其后闻名垃欧洲美洲。佢垃拉一系列早期剧情电影當中担任女演员并获得成功,还得到仔“神选个莎拉”(The Divine Sarah)个绰号。

生平[编辑]

莎拉·伯恩哈特,1866年

莎拉·伯恩哈特1844年出生勒法国巴黎,原名Henriette-Rosine Bernard[4]佢个母亲是荷兰阿姆斯特丹一個犹太眼镜店商人个囡儿,是個女裁缝以及小有名气个交際花[5]佢个父亲可能是一個天主教法学学生,佢是两人个私生子。按照佢父亲个愿望佢受洗礼。[6][7]

由於佢个母亲生活动荡,告咾佢首先畀一位养母照管,8岁辰光进入一個寄宿学堂,10岁个辰光咾佢畀送入凡爾賽鎮个一所有名个修道院学堂受教育。[8]1858年,佢母亲通过与拿破仑三世同母异父兄弟、有影响力个政治家、金融家莫尔尼公爵个特殊关系,让莎拉进入巴黎國立高等音樂舞蹈學院,并勒法兰西喜剧院接受演员个培训。1862年,伯恩哈特首次登臺演出,勒拉辛个《伊芙琴尼亚》中担任主演。[9][6]但是几个号头以後咾佢个生涯似乎就已经结束了:佢搭一位同事发生争吵後畀解雇脱。[10]

伯恩哈特退出法兰西喜剧院,过仔一玱交際花个生活。佢有曾离开巴黎,勒布鲁塞尔蹲过一段辰光。1864年莎拉·伯恩哈特勒巴黎生下来儿子莫里斯。迭個儿子个父亲作兴是比利时个利涅亲王。佢本来想与莎拉·伯恩哈特结婚,但是遭到了家庭反对而未成。[11][6]

1868年莎拉·伯恩哈特首次获得了一個真正个成功,佢勒巴黎卢森堡公园边上个剧院演大仲马《金恩》里向个一隻角色。

1870年/71年普法戰爭时巴黎所有个剧院关闭,莎拉·伯恩哈特护理伤员。战后佢回到法兰西喜剧院。朝後起佢个生涯飞黄腾达,很快佢就成为当时最著名个女演员,勒法国佢畀誉为“金色声音”(la voix d´or)和“女神”(la divine)。

1882年莎拉·伯恩哈特与一名年轻个、长相很好个希腊大使馆个参赞杰克·达拉马结婚。达拉马觉着自家个才华足以让自家成为一名演员搭佢个著名个夫人个配角。莎拉·伯恩哈特为佢开办了一座剧院,其领导人为佢个儿子。但是迭座剧院交关弗成功,牢快就倒闭脱了。原因之一是达拉马个希腊口音邪气重,勒臺上非常可笑。但最主要个原因是因为佢对赌博嗎啡上念头,佢挪用剧院个钱来赌博搭买嗎啡。乃末勒结婚个当年两人就分开来了。此後还有过一次短暂个和好搭再次吵反。1889年,年仅34岁个达拉马因嗎啡中毒逝世。

与此同时莎拉·伯恩哈特个名声依然弗断增长,佢是一位高傲个、古怪个、性情多变个明星,佢个名声遍及整個欧洲搭仔美国。佢有交关多个情人,其中包括画家古斯塔夫·多雷。佢乘坐一只热气球升到法国上空。佢还出售佢躺勒一口棺材里考虑佢个角色或者睏觉个照片。佢个家里有多种当地个搭外地个动物,据报道其中包括鹦鹉变色龙、一条蚺蛇搭一头狮子

莎拉·伯恩哈特个部分工作辰光勒巴黎演出,部分则外出演出。佢特别善於表演情感,因此佢既能够表演经典法国喜剧中个大悲剧个角色,也能扮演现代个社会角色,甚至扮演男角色(哈姆雷特)也很成功。勒巴黎佢指导多座剧院,其中包括原名民族剧院个剧院。佢后首来将迭座剧院改名为莎拉·伯恩哈特剧院,直到今天(2005年)迭座剧院依然以佢命名。

1905年佢膝盖受伤后数年一径痛勒嗨。

莎拉·伯恩哈特自家也写过多本小说搭剧作,1907年佢发表了佢个自传。迭本自传又为许多作家带来了新个灵感,比如馬塞爾·普魯斯特勒《追憶逝水年華》中个女演员拉·贝尔玛个角色。此外莎拉·伯恩哈特勒绘画告雕塑丄也有一定个天才。

1906年佢成为巴黎音乐学院个教授,1914年佢获得法國榮譽軍團勳章

1915年佢个膝盖丄向个伤使得佢个右腿弗得弗畀劗脱。但此后佢依然继续佢个工作。作为法国爱国者佢始终拒绝赴德国演出。勒第一次世界大战中佢赴前线勒帐篷里、粮仓里、战线医院个临时舞臺上访问士兵、登臺上演。佢甚至赴美国进行巡回表演。

1923年3月26日莎拉·伯恩哈特因腎臟衰竭引發个尿毒症勒巴黎逝世,報紙報導佢:「安詳嘸沒受苦,勒佢兒子个懷裡過世。」[12],應該已有七十八歲.[13],佢畀葬勒巴黎东部个拉雪兹神甫公墓里。佢畀看作是当时顶顶著名个女演员,是最早个世界级明星之一,勒好萊塢星光大道上有一顆紀念佢个星星(1751 Vine Street)[14]

影响[编辑]

《茶花女》,阿爾豐斯·慕夏,1896年

莎拉·伯恩哈特是一位非常多产个演员,佢勒经典戏剧告当代(主要是法语个)中侪邪气成功。作为拉辛个经典剧作里向个女主角搭仔作为維克多·雨果个浪漫剧作里向个女主角佢侪交关受欢迎。佢扮演个男角也获得了很大个赞美搭仔新奇。1899年佢勒莎士比亚个悲剧里向扮演哈姆雷特,1901年勒埃德蒙·罗斯唐专门为佢写个《年轻个鹰》(L'aiglon)中扮演拿破仑·波拿巴个儿子。

莎拉·伯恩哈特最中心个角色则是根据小仲马个小说《茶花女》改编个戏剧中个女主角。从1880年开始一径到佢高龄,莎拉·伯恩哈特一再扮演迭個角色。

勒1911年拍个《茶花女》个电影中莎拉·伯恩哈特也扮演女主角。早勒1900年佢就已经勒无声电影《哈姆雷特个角斗》(Le Duel d'Hamlet)中扮演过一個角色。但此后佢就非常反对迭排新个技术。虽然如此佢后来还拍了一些电影。1976年格兰达·杰克逊以佢个生平为题材拍了一部电影《The Incredible Sarah》。

1894年莎拉·伯恩哈特请画家阿方斯·穆哈为佢画一张海报,佢对穆哈个作品极其满意,因此两人达成条约让穆哈继续画海报、设计舞台背景搭服饰[15]。迭大大地提高了穆哈个名声,为穆哈勒美好年代成为海报画家铺平了道路。1896年穆哈为莎拉·伯恩哈特创造个一幅《茶花女》个海报被看作是新艺术运动图像个一個早期顶峰。

莎拉·伯恩哈特化了交关辰光进行巡回演出,迭些巡回演出也奠定了佢个世界名望。1879年佢与佢个剧团勒伦敦上场。1880年佢勒美国51座城市巡回演出了半年。1881年佢赴俄罗斯、意大利、希腊、匈牙利、瑞士、丹麦、比利时搭荷兰演出。英国个维多利亚女王搭俄罗斯沙皇亚历山大三世侪是佢热衷个崇拜者。1882年佢丈夫使佢陷入经济危机后,佢弗得弗再次勒欧洲巡回演出,以补偿佢个损失。1886至1889年佢再赴美国,1891年至1893年佢做了一次世界巡回演出。由於是法国爱国者,佢始终拒绝勒德国演出。

莎拉·伯恩哈特以佢优美个嗓音、优雅个举动和热情而著称。佢代表着浪漫式个戏剧风格,巨大个动作搭丰富个言语。迭個风格勒佢死后也逐渐消失脱哉。有排评论家批评佢个成功勒拉佢使用自家个智力,弗惜一切个完美佢个演出技术,而弗勒拉佢对角色感觉个深度。

参考文献[编辑]

  1. 1857年,佢大概垃12岁辰光进行仔洗礼,但记录已经落脫。
  2. Her own pronunciation, listen e.g. to
  3. Gottlieb, Robert. The Drama of Sarah Bernhardt. 访问日脚2007-10-18.
  4. 1859年,佢勒法国国立戏剧艺术学院用Henriette-Rosine Bernard搭仔1944年10月23日登记姓名告出生日脚。迭個是勒1871年出生记录丢失前唯一幸存个记录。参见Harmen Snel个The ancestry of Sarah Bernhardt; a myth unravelled书个第9-10页。Snel坚称既然伯恩哈特个出生记录仍然可查,嘸沒理由去掩盖真相,“迭份登记可认为建立勒事实个基础上”。
  5. Snel, Harmen. The ancestry of Sarah Bernhardt; a myth unravelled, Amsterdam, Joods Historisch Museum, 2007, ISBN 978-90-802029-3-1
  6. 6.0 6.1 6.2 贺静 (2013-10-24). "莎拉 一個活到极致个女人". 宝安日报. Archived from the original on 2014-10-24. Retrieved 2013-12-04. 
  7. Gottlieb (2010), ch1
  8. Arthur Gold,Robert Fizdale(1991).The Divine Sarah: The Life of Sarah Bernhardt.New York:Knopf,17–20. 
  9. Gold (1991), pp 31–32, 41, 47
  10. Gold (1991), pp 52
  11. Cornelia Otis Skinner, Madame Sarah, Houghton Mifflin 1966
  12. "Obituary: Mme. Sarah Bernhardt." North-China Herald, 31 March 1923, p. 866.
  13. Sarah Bernhardt. Findagrave.com. Retrieved on 15 June 2014.
  14. Ullman, Dana(2007).The Homeopathic Revolution: Why Famous People and Cultural Heroes Choose Homeopathy.North Atlantic Books.ISBN 978-1556436710 
  15. 布拉格慕夏博物館The Mucha Museum. 原始文档勒2014-10-25存档. 访问日脚2018-06-18.

外部链接[编辑]