老杭州城

历史

杭州城垣个历史大概有一千五百多年。

唐朝个辰光钱塘县就有城墙个，吴越王钱镠两卯次扩大城市，一直到民国城址没啥个变化。但是本来蛮蛮好个城墙畀国民党搭共产党来一百年里向全部拆完，现今便只老底子同老相片晓得个些城墙是啥个副样子。

形状

老杭州城比苏州城稍微小一点儿，往南边越加狭，有个名儿叫“腰鼓城”。个里向南段造拉凤凰山高头，北边是京杭大运河，西边西湖，东边铁沙河，而且原来西南北三面有山，叫“三面云山一面城”。

古城门

清朝杭州有十座城门：正阳门（凤山门）、百官门（武林门）、坝子门（艮山门）、螺蛳门（清泰门）、草桥门（望江门）、候潮门、清波门、涌金门、钱塘门、太平门（庆春门）。

十只门外面向物产阿不一样，有只调儿什格套唱：

百官（武林）门外鱼担儿，

坝子（艮山）门外丝篮儿，

正阳（凤山）门外跑马儿，

螺蛳（清泰）门外盐担儿，

草桥（望江）门外菜担儿，

（候潮）门外酒坛儿，

（清波）门外柴担儿，

（涌金）门外划船儿，

（钱塘）门外香篮儿，

太平（庆春）门外粪担儿。

还有：

正阳百官坝子门，

螺蛳沿过草桥门，

候潮听得清波响，

涌金钱塘保太平。

现在侬去杭州是寻不着格些城门的，只有十只城门址碑拨侬拍拍照片。搭北京差弗多，乃歇个些城门个位置全部成仔地名。

其它

老杭州城里向还有莫佬佬古迹：鼓楼、灵隐寺、岳王庙、昭庆寺、潮鸣寺、佑圣观、城隍山（吴山天风景区）、... ..

	老杭州城门
正阳百官坝子门，
螺蛳沿过草桥门，
候潮听得清波响，
涌金钱塘保太平。