钱镠

吴越主题页面

钱镠（850年3月10日—932年5月6日），字具美（一作巨美），浙江杭州临安人。中国五代十国个辰光吴越国个创立人。小名「婆留」。

唐末跟从石镜镇将军董昌镇压农民反抗军，做之镇海节度使，乾宁年间，打败董昌，占有两浙十三州，后梁开平初年畀封为吴越王。907年到932年在位期间，曾经征用民工，造之钱塘江海塘，又勒太湖流域，普造堰闸，以时蓄洪，弗怕旱涝，还建立水网圩区个维修制度，有利于吴越地区个农业经济发展。

因为吴越国小力弱，又搭邻近个南唐、闽政权关系弗好，妥靠中原王朝，弗断遣使进贡来寻求庇护。先臣服后梁，又臣服后唐。后唐明宗个辰光因为惹怒之枢密使安重诲，畀削脱官职，安重诲死后又恢复。长兴三年（932年）病死，安葬勒安国县衣锦乡茅山，谥号武肃王。

生平

钱镠出生勒临安县大官山（后称功臣山）下个钱坞垅。父亲叫钱宽，母亲是水丘氏，一家以农耕打渔为生。传说钱镠出生个辰光突然出现红光，而且外表奇丑，俚个爷本生想拿俚丢脱，但不过因为俚个阿婆怜惜，最后得以保全性命，因此钱镠小名叫“婆留”（“阿婆留其命”个意思）。钱镠从小弗欢喜读书，偏好习武，勒十六岁个辰光就弃学贩盐。搿许辰光私贩盐料是官府严厉禁止个，但不过因为利润相当高，因此钱镠铤而走险，勒杭州、越州（今绍兴）、宣州等地贩卖私盐搭粮食。搿段贩卖私盐个经历，锻炼之钱镠个身体搭胆略，也帮俚下来个发展提供之充足个经济基础。

十七岁开始，钱镠苦练硬弓长矛，读之点《孙子兵法》，史书浪讲俚“善射与槊，稍通图纬诸书”。到廿一岁个辰光，俚勒石镜镇当之个“义兵”，拿小名“婆留”改为大名“镠”，所以叫“钱镠”（俚是金字辈，并取“留”字音，所以改成“镠”）。因为钱镠武艺高强，受到石镜镇指挥使董昌个重用，经过平定王郢、朱直管、曹师雄、王知新等叛乱之后，逐渐提拔为偏将、副指挥使、兵马使、镇海军右副使等职。

879年（唐僖宗乾符六年七月），黄巢起义军进犯临安。钱镠以少敌多，巧妙运用伏击搭虚张声势等战术，阻止之黄巢军个进攻。

880年（唐僖宗廣明元年），唐朝内乱四起，为之保护地方安定，董昌、钱镠联合各县民团，建立“八都军”（临安县“石镜都”、余杭县“清平都”、於潜县“于潜都”、盐官县“盐官都”、新城县“武安都”、唐山县“唐山都”、富阳县“富春都”搭龙泉县“龙泉都”）。第二年，钱镠授“都知兵马使”，注意团结各都力量搭下层头目，还拿俚个兄弟钱镒、钱铧、钱镖，还有倪子钱元璙、钱元瓘等人安插到部队中做将领，从而拿八都军逐渐培养成坚强个嫡系部队。

唐末、五代个辰光所称“两浙十四州”，包括现在浙江全境搭江苏长江以南部分地区。758年，江南东道下属个浙江东道搭浙江西道共有十四州，其中除脱润州搭常州，再加上福建个福州搭临安县个安国衣锦军，一共为一军十三州，号称“十四州”，搿个是钱镠创立个吴越国个大致范围。

开疆拓土（875年-896年）从讨伐王郢起，钱镠身经百战，先后搭刘汉宏、董昌等地方主要军阀作战，最终平定之两浙范围内个敌对势力，建立之巩固个地方割据政权。

882年7月起，占据浙东个义胜军节度使刘汉宏发兵西进，想要吞脱浙西。董昌、钱镠领八都军勒钱塘江边御敌。因为出奇制胜，加上利用江浪夜雾遮掩，钱镠突袭敌营，获得首胜。之后，又勒江干、富阳、诸暨、萧山西陵等地几次打败刘军。最后，刘汉宏亲自督战，领十万大军搭钱镠勒萧山西陵一带决战，结果畀钱击溃，刘本人化妆成屠户逃脱哉。搿一趟西陵大捷，是钱镠取得个第一次重大战果，据说，从此钱镠拿西陵改名为西兴一直到现在（现在钱江三桥又名“西兴大桥”）。

此后，刘汉宏还是弗断骚扰浙西，让董昌搭钱镠决心彻底平定浙东之患。886年10起，钱镠只用之2个月左右个辰光，就领军攻破之越州，拿抓牢个刘汉宏斩勒会稽街市浪。此后，钱镠为杭州刺史，董昌升任浙东观察使、检校太尉、陇西郡王等职。

董昌搿个人昏庸残暴，野心日涨，随后就即位称帝，国号大越罗平，改元顺天。895年2月，唐朝封钱镠为浙东招讨使，让俚讨伐董昌。但不过钱镠起初感念董昌提携之恩，犹豫弗决，但董昌倒是联合淮南杨行密偷袭苏州、杭州，最终让钱镠下定决心，攻克越州。董昌勒畀押付杭州途中，心存惭愧，投江自杀。从此，钱镠基本控制两浙，勒896年10月，畀封为镇海、镇东军节度使，加检校太尉，兼中书令。

897年8月，鉴于钱镠招讨董昌有功，唐昭宗特别赐金书铁券畀俚，免脱俚本人九死或子孙三死，搿件铁券后经宋代陆游、明代刘基等人帮俚写跋，还呈宋太宗、宋仁宗、宋神宗、明太祖搭清高宗等五位帝王御览，也曾遗落民间，现在保存勒浙江省博物馆。900年，为之表彰钱王个功绩，唐王朝派人取钱镠画像，悬于凌烟阁。

保卫巩固（896年-919年）钱镠勒平定之两浙内部个敌对势力之后，基本停止之大规模个征讨。但因为三面受敌，还是经历之弗少边境保卫战，有种辰光还拿战斗延伸到江西个信州（今上饶）搭虔州（今赣州）等地。俚个主要对手就是淮南军阀杨行密搭内部个“徐许之乱”。

钱镠搭杨行密个关系一歇歇好，一歇歇坏，体现勒五代十国乱世个特点浪。双方个冲突持续之三十年，其间钱曾经出兵援助杨擒斩孙儒、安仁义等叛逆，并正式通婚，但不过也因董昌之战等发生过激烈个战斗。最后通过两次衣锦军保卫战搭一次浪山江水战，再结束之双方个敌对状态。从此两浙地区进入之休养生息个安定建设阶段。

902年，钱镠刚畀封为越王弗久，俚个部下徐绾搭许再思起兵叛变，让钱镠大伤元气。最后钱镠支付之二十万缗犒军钱，再派两个倪子作为人质，才让叛军撤兵。搿次内乱后，钱镠吸取之教训，治国更加谨慎。

904年畀封为吴王；907年，后梁封钱镠为吴越王，吴越国自此创建。

内政治理（919年-932年）勒西湖柳浪闻莺处的钱王祠正门结束之搭周边敌对势力个战争后，钱镠开始转向对内个大规模经济搭文化建设。890年，钱镠开始着手建设杭州城，先后造之夹城、罗城搭子城，城区范围个四至分别是：南到六和塔；东至侯潮门搭艮山门一线；北达武林门；西临涌金门搭清波门一带。钱镠勒客观浪为杭州成为南宋个都城打下之基础。

钱王还勒城内开凿水井（据说杭州个百井坊巷原有99眼，就开凿勒搿许辰光），造钱塘江堤，为杭州个饮水淡化问题，做出之交关大个贡献。此外，钱镠搭俚个继承者崇信佛教，前后修建之弗少寺院佛塔，让杭州勒搿许辰光就有“佛国”之称。其中著名个灵隐寺、净慈寺、昭庆寺等寺院，还有雷峰塔、六和塔、保俶塔、闸口白塔搭临安功臣塔等侪是勒吴越国个辰光兴建或扩建个。

钱镠勒内政建设浪个主要成就体现勒修筑海塘搭疏浚内湖浪。910年起，钱镠上书后梁朝廷，指出“目击平原沃野，尽成江水汪洋，虽值干戈扰攘之后，即兴筑塘修堤之举。”，并开始着手修筑钱塘江沿岸石塘。因为钱江潮汛，工程进展困难，后钱镠以竹器填以巨石，再奠定之基础。当时修筑的石塘，从六和塔一直到艮山门，长33万8593丈。此外，钱镠还重点抓疏浚西湖、太湖搭鉴湖等工作。搿许辰光俚设置之7000名撩湖兵，专门从事西湖个开浚工作后代个苏轼也是勒参考之钱镠治湖个经验浪，再开始大规模疏浚西湖。

因为钱镠勒俚个晚年坚持保境安民政策，弗参与军阀混战，而且对内统治相对廉洁清明，让搿段辰光杭州个发展超越之中原地区个弗少大城市，成为之东南地区个经济中心。

家眷

妻

庄穆夫人吴氏
昭懿夫人陈氏，名字、家世、籍贯均不详，生子文穆王钱元瓘。死后追赠晋国太夫人，谥昭懿。
慶安夫人胡氏，生子宛陵县侯錢元璣、永嘉县侯钱元璲。
母金氏，生子金華郡宣惠王钱元懿、扶南侯錢元球、巒州刺史錢元玧、錢元璫、錢元珣。

子嗣

钱镠長子錢元璉，原名錢傳璉。母昭懿夫人陈氏。
钱镠第二子錢元璣，原名錢傳璣，寧國軍節度使、同平章事、檢校太傅，封宛陵县侯，追封寧國公。母慶安夫人胡氏。
钱镠第三子钱传瑛，大同軍節度使，封霅國公。母莊穆夫人吳氏。同母兄弟錢傳璟、錢元璙、錢元㻑、錢傳璛、錢元琳。
钱镠第四子钱元璲，原名錢傳璲，溫州刺史，封永嘉县侯。母慶安夫人胡氏。
钱镠第五子钱元懿，原名錢傳懿，母金氏。職至同中书门下平章事、太师、中书令。爵金华郡王，諡宣惠。
钱镠第六子钱元璙，原名錢傳璙，追封广陵宣义王。母莊穆夫人吳氏。
钱镠第七子钱元瓘，吴越文穆王。母昭懿夫人陈氏。
钱镠第八子钱元(王瞿)，原名錢傳(王瞿)，餘姚縣侯，金吾衛大將軍。
钱镠第九子钱元球，原名錢傳球，大彭縣侯，扶南侯，明州置制使（937年被錢元瓘處決）
钱镠第十子钱元㻑，原名錢傳㻑，金華縣侯，義州刺史

钱元(玉亢)

钱元琢

钱元璞

新安侯钱传璛（钱传琇）

霅国公钱传璟

钱元珰

钱元珣

钱元

钱元琛

钱元瑾

扶南侯钱元球（937年被钱元瓘处决）

淮阴侯钱元珦（937年被钱元瓘处决）

吴兴侯钱元琳

钱塘侯钱传璞

静海军节度使钱元祐

钱元裕

刺史钱元弼

追封宁明王钱元璝

钱元璠

钱元勖

钱元禧

苏州刺史钱传蒨

温州刺史钱元邧

钱元圭

驸马都尉钱传（钱传珍）

镇海军节度副使钱传瓘

峦州刺史钱传琰

参考文献

新五代史·吴越世家

旧五代史·世系列传二

《钱镠》浙江人民出版社1983年版

《浅谈钱镠的治国方略及历史功绩》李洪华《浙江档案》2004年第1期

《唐昭宗赐钱镠铁券》王铭《浙江档案》2002年第5期