秋瑾

吴语维基百科,自由个百科全书
跳到导航 跳到搜索
来日本留学辰光个秋瑾

秋瑾(1875年11月8号-1907年7月15号),浙江省绍兴府山阴县(今绍兴市)人,生勒福建省厦门。老早叫闺瑾,乳名玉姑,字璿卿,号旦吾,留学日本后改名,字竞雄,自称鉴湖女侠,笔名秋千汉侠女儿,曾用笔名白萍。近代民主革命志士,提倡女权。

生平[编辑]

秋瑾生勒做官人家。1896年,嫁畀湘潭县荷叶乡王廷钧。1897年生儿子元德,1901年生囡儿桂芬。老倌捐官任户部主事,秋瑾随之迁居北京

1903年,秋瑾搭吴芝瑛结为姊妹。弗久搭老倌发生婚姻危机,离婚。1904年变卖首饰筹集资金来5月东渡日本,先后入“国语讲习所”(日语讲习所)、青山实践女校。来日本辰光,秋瑾积极参加留日学生子个革命活动,搭陈撷芬一道发起共爱会,搭刘道一等人组织十人会,加入冯自由梁慕光孙中山委派来横滨成立个三合会,受封为“白纸扇”(就是军师)。

1905年,回国省亲,5、6月间由徐锡麟介绍加入光复会。7月15日再次东渡日本,8月经冯自由、黄元秀介绍来黄兴寓所加入孙中山创立个中国同盟会。1906年2月,因抗议日本文部省来旧年头11月2号颁发个《清国留日学生取缔规则》而回国。

1907年1月来上海创办《中国女报》。3月回绍兴,搭徐锡麟等人创办明道女子学堂。弗久咦主持大通学堂体育专修科,任学堂督办。

浙江省绍兴市古轩亭口,秋瑾就义处

从1907年年春开始筹资准备来7月从金华起义,呼应徐锡麟来安庆起义。7月6号,徐锡麟来安庆刺杀安徽巡抚恩铭,畀抓牢杀脱,安庆起义遂告失败。徐锡麟弟子徐伟供词牵连秋瑾,但必过秋瑾拒绝离开绍兴,认为“革命要流血再会成功”。

秋瑾下昼里四点钟来大通学堂畀逮捕,关勒卧龙山监牢。秋瑾口供只有“秋风秋雨愁煞人”一句。7月15号凌晨三四点钟,来绍兴古轩亭口处斩,享年31岁。

著作[编辑]

秋瑾精通诗词,著有《感怀》《感时》等,其著作辑录计有《秋瑾诗词》《秋女士遗稿》《秋女烈士遗稿》《精卫石》《秋瑾遗集》《秋瑾女侠遗集》《秋瑾史迹》《秋瑾集》等数种。

亲人[编辑]

  • 爷爷 嘉禾
  • 亲娘 余氏
    • 寿南
    • 单氏
      • 阿哥 誉章
      • 妹子 闺珵,字珮卿,改名秋珵
    • 庶母 孙氏
      • 弟子 宗章
      • 老倌 王廷钧
        • 儿子 元德
        • 囡儿 桂芬
Commons-logo.svg
维基共享资源里向寻得着搭该篇文章搭界个多媒体资源: