盧浦大橋
卢浦大桥，勒拉中國上海市原卢湾区搭浦東新區之間个黃浦江浪，曾經是世界浪主拱橋頂长个拱桥、鋼拱桥，渠勒2009年4月畀重慶个朝天門長江大橋超脫。
簡介[编辑]
卢浦大桥全長3900米，主拱橋长550米，拱顶高出江面100米，设双向6车道。比1977年建成个世界浪主拱橋第二长美國費耶特維爾新河谷桥长32米，勒2003年6月28號完工，建成时曾经號稱「世界第一拱」。大桥建造耗资约25亿元人民币。
盧浦大橋个车行道弗是由拱拖起，而是由拱悬吊个，屬於斜拉索、悬索、拱桥为一体个桥梁结构。车行道左右两边个拱几乎勒顶点相交，由钢箱梁搭27根水平索连接。
名稱[编辑]
卢浦大桥个名称来源于上海两个区个简称——北岸个卢湾区交南岸个浦东新区。黄浦江上前頭造好个三座桥儕满足迭个命名原则——南浦大桥连接南市区(后并入黄浦区)交浦东新区，杨浦大桥连接杨浦区交浦东新区，徐浦大桥连接徐汇区交浦东新区。
逸聞[编辑]
勒通车仪式浪，姚明参加仔第一组跑步穿过大桥个队伍。