汏浴

出自维基百科，自由个百科全书
Jean-Pierre Norblin de La Gourdaine在拉公园个汏浴(1785)

汏浴（苏州闲话：淴浴）是用水冲身体个一种个人卫生活动。好分成功淋浴搭泡浴。弗管热还是冷，只要有得水侪好叫汏浴。

历史[编辑]

古代辰光[编辑]

纵观历史，人类社会总归会得设计隻系统，引水引在拉人口中心。

顶古老个日常汏浴习惯要上溯古印度人。伊拉每朝要汏三趟浴：桩事体记录在拉格瑞耶经（Grihya Sutras）隻作品中，今朝有点人还是个能。

古希腊人用小浴缸、面盆搭脚盆汏浴。浴室顶早出现在拉公元前两千年中期克里特岛克诺索斯个宫殿群，搭圣托里尼岛阿克罗蒂里出土个豪华雪花石膏浴缸。浴缸隻词，asaminthos（ἀσάμινθος），在拉荷马史诗里向出现仔十一趟。后首希腊人在拉体育馆里向建仔公共浴室搭汏浴间，好放松咾清洁身体。体育馆（γυμνάσιον）隻词是从希腊语gymnos（γυμνός）来个，意思是"赤身裸体"。

古罗马人开发仔一隻水渠系统。望所有大城镇搭人口中心供水，伊拉还有得室内管道通在屋里。

表达[编辑]

吴语里向，有汏浴（上海）淴浴（苏州）洗浴（杭州温州），普通闲话叫洗澡，福建闲话好讲sé sin-khu（洗身軀），广东闲话叫冲凉或者洗身。

男女同浴[编辑]

在有种场化，男女同浴是古老风俗。《礼记·王制·郑注》：“交趾，足相乡，浴则同川，卧则僢。”《后汉书·南蛮传》：“其俗，男女同川而浴。”到仔明朝仍旧有此风俗，郭子章个《黔记》中载有峒人“溽暑男女常浴于川”。[1]日本明治维新前也行男女同浴，1853年伊拉率领黑船打开日本国门辰光个美国提督贝里写个“日本远征记”当中有得日本男女同浴个图，外加讲：“日本底层民众么是下作来死个。”[2]

日本个汏浴文化[编辑]

私人浴室[编辑]

家庭汏浴 (1900s), 日下部金兵衛

乃朝，日本人基本家家人家侪好在屋里汏浴，但30年前多数是到混堂去汏。到19世纪，日本人再开始用肥皂；原本只用点草药或者米糠揩揩皮肤，去脱角质。日本个汏浴水要比中欧个暖热交关，温度一般远弗罢40度；医学文献当中，47度是好忍受个最高温度：[3]相对高个温度是完全放松个先决条件。日本人一般性进入浴池以前先用肥皂拿身上汏清爽，避免汏浴水龌龊脱。

錢湯个沐浴场景。日本妇女在拉木盆里向洗澡（鸟居清光个木刻，18世纪末）[4]

公共浴室[编辑]

在拉公共浴场，有一种是有天然温泉个浴场，叫“温泉”，另一种是 “錢湯”。因为日本当地火山活跃，乃么温泉邪气多，大多数在拉开阔个乡下，但城市中也有。像是东京大概有25个温泉浴场。

温泉主要由室外池（露天風呂）组成，有常时温度弗同。忒煞热个温泉，即便是有得经验或常庄泡温泉个人也只好待teng1几分钟，迭种么就是叫伊叫地狱温泉。交关温泉还有桑拿浴室、水疗搭治疗中心。公共浴场帮私人浴场个规矩一色，要求先汏好浴。一般性日本人在拉混堂里向是赤身裸体个，弗好着衣裳。



动物汏浴[编辑]

宠物个主人拿热水清洗宠物也好叫“汏浴”。 在拉日本，有眼野生或者饲养个猢狲会得待在温泉汏浴，作为“温泉猴”吸引交关游客。

图库[编辑]

参考[编辑]

  1. ↑ 沈德符《敝帚斋馀谈》记载：“古云粤中多蜮，因男女同川而浴，乃淫气所生。同川事，予未之信。一日与沈继山司马谈及，沈云予令番禺时，初不知有此风，盖令居确署，不及见耳。及谪戌神电卫间居，每饭后君奴皆出，必暮而返，日日皆然。”
  2. ↑ 女性もセックスがお盛ん！ ペリーも激怒したエロすぎる日本人のふしだら歴史. 访问日脚2020-05-15.
  3. ↑ K.Kubota, K.Tamura, H.Take, H.Kurabayashi, M.Mori, T.Shirakura: Dependence on very hot hot-spring bathing in a refractory case of atopic dermatitis. in: Journal of medicine. 25.1994, 5,333-336. Template:ISSN
  4. ↑ Photo from "Sketches of Japanese Manners and Customs", by J. M. W. Silver. Template:ISBN.
取自“https://wuu.wikipedia.org/w/index.php?title=汏浴&oldid=300462”