殷行街道

殷行街道是中国上海市杨浦区个一隻街道办事处，来勒杨浦区东北部，面积9.52平方公里，户籍人口14.54万人。因为整隻地区个主干道是中原路、部分工人新村个名字叫中原，故咾貤叫中原地区，简称中原。

殷行街道所在地来勒1217年隶属嘉定县，明朝个辰光设置殷行镇。1724年划畀宝山县。清朝乾隆年间先后来勒箇埭设置殷行厂、殷行乡。1927年，伊划畀上海特别市，成立殷行区。1960年10月份，箇埭是吴淞区殷行路街道。1964年4月份，吴淞区搭仔殷行路街道撤销，地方划畀杨浦区。1980年，吴淞区恢复，1984年5月，此地又划畀吴淞区，同年9月份再次划畀杨浦区。1985年4月份，殷行街道设立。

箇埭本来有条河浜叫中原河，西接虬江北连黄浦江；1990年代初，时任上海市市长个朱镕基宣布开发中原地区，拿河填没脱，开辟成中原路。街道里向主要新村有开鲁新村、工农新村、殷行新村、国和新村、市光新村、民星新村、水电新村、包岭新村，主要道路有中原路、包头路、殷行路、开鲁路、市光路、国和路等。