工人新村

工人新村是中华人民共和国建国以后到1990年代对上海新造个产业工人小区个一种叫法。工人新村个房子主要是国家搭仔单位负责分配个，主管部门是房管局（所）。新村里向个房子主要是4到6层楼高个砖混建筑。上海头一批工人新村参照苏联集体农庄个结构造个，共用厕所间搭仔灶披间。

上海个工人新村建设主要集中拉建国初期（1952-1954）搭仔一五末期到大跃进初期（1956-1958）。建国初期，上海工人新村主要造拉沪东（杨浦）、沪西（普陀）、沪南地区。到1958年底，上海市先后勒拉普陀、杨浦、虹口、徐汇、长宁、闸北等地方造仔34個住宅建设基地，造仔约468万平方米个房子，超过200個大小新村，近60万职工家庭搬进新村个老公房里向^[1]。

20世纪90年代末，因为商品房取代福利分房，上海新造个小区弗再叫工人新村^[2]。