桂林路

桂林路，是中華人民共和國上海市徐汇区一条南北走向个路。乃朝，路北面到吴中路连咾张虹路、宋园路，南面到沪闵路接老沪闵路。

历史

1955年，为咾造上海师范大学，原上海市工务局批准从漕宝路往南到金家浜（乃朝冠生园路边浪）修路，伊辰光个桂林路宽7米，煤渣路面，两面各宽1.5米个土路肩。

1957年，配合漕河泾工业区建设，往北延伸到宜山路。

20世纪80年代中期，桂林路东面造田林新村，1986年，漕宝路到宜山路段拓宽，车行道拓宽到14米，改用沥青混凝土路面，两面人行道各宽3～4米。

1990年，因为造康健新村，桂林路往南延伸到沪闵路，宽32米，沥青混凝土路面。同年，漕宝路到冠生园路路段改造到统一阔。