曹杨新村
曹杨新村勒拉中华人民共和国上海市普陀区曹杨新村街道，是工人新村住宅区，好分成曹杨一村到曹杨九村九個工人新村。曹杨新村勒拉1951年开始造个，是全中国头一個工人新村，勒拉中山北路西面，曹杨路南面[1][2]。2005年，曹杨新村里向顶顶早造出来个曹杨一村畀排拉第四批上海市优秀历史建筑里向[3]。
历史
[编辑]曹杨新村是1950年代发展起来个，迭个辰光要修一批工人新村，反应新社会个繁荣面貌。曹杨因为勒垃来早个苏州河沿岸工业区旁边，就畀选中做工人新村个模板。来勒五十年代初，曹阳一村修起来，成为中国第一隻工人新村。迭个新村社区个规划是参考苏联个方法弄个，新村里向有电影院、小学、初中、高中，还有公园、体育场、医院、图书馆、商店，真个叫做一应俱全。街道高头种植树木，真个有新社会个景象。
到七十年代，曹杨个新村基本完工，成为普陀区中心个重要社区。
到改革开放之后，曹杨新村弗断发展，修造新一批建筑物，比方讲：普陀区少年城、曹杨电影院、上海市地震局等，拿曹杨变成普陀区顶适意个居住小区。
参考文献
[编辑]- ↑ 曹杨新村：不老的规划 档案，存勒互联网档案馆当中。（2015年4月2号）.解放日报
- ↑ 中国第一个工人新村曹杨新村将迎来60岁生日 档案，存勒互联网档案馆当中。（2015年4月2号）.东方早报
- ↑ 第四批上海市优秀历史建筑公示 档案，存勒互联网档案馆当中。（2015年4月2号）.上海市政府