排骨年糕

排骨年糕，上海个一款小吃，讲是1930年代开始做个。排骨搭配小又薄个年糕，油里向氽过后再烧熟。早期出名个是上海曙光饭店小常州点心店搭鲜得来排骨年糕店。

鲜得来个排骨年糕拿面粉、菱粉、五香粉、鸡蛋摆拉一道，搅一搅，再裹拉排骨表面，油锅里向去煠。箇能做下来排骨颜色金黄，表面酥脆。

小常州个排骨年糕用无锡、常州等地个猪排骨，酱油稠一稠，再摆进混拉酱油、油、糖、葱姜末、酒等个镬子里向独^doq8到紫红色，味道浓香。