康桥东站
（从康桥东站（市域铁路）转戳到箇里）
有关箇個条目名称另外个意思，请参看“康桥东站（市域铁路）”。
康桥东站来勒中国上海市浦东新区康桥镇康新公路东侧，是上海地铁21号线个车站，也是上海市域铁路机场联络线地下二层侧式中间站搭越行站。本站来勒2024年12月27号跟咾机场联络线首通段一同开通[1]，地铁部分计划来勒2026年底开通。
车站结构
[编辑]
本站勒垃机场联络线早期规划里向是高架站，到可行性研究阶段因为“规划原因”调整成地下车站[2]。车站全长691.20米，宽37.2米，总建筑面积49453平方米，勒垃外环高速防护绿地里向，水网密布，北面是张江高科技园区。车站设计理念是“入水”，出入口咾啥个附属设施用个是水波形状个半拱顶棚，帮站外绿地里向个休闲设施连勒一道[3]。站内装饰设计体现出张江科技创新特色，主色调是蓝颜色[4]。车站计划通过换乘通道连接21号线康桥东站，通道里向设置有换乘闸机拿两隻系统个付费区区分开[5]。
楼层分布
[编辑]| 地面层 | 出入口 | 1-4出入口 | |
| 地下一层 | 站厅 | 票务服务、自动售票机、人工服务台 | |
| 地下二层 | |||
| █ 市域机场线 往浦东1号2号航站楼方向（上海国际旅游度假区） | 
| ||
| █ 市域机场线越行线 |
| ||
|
█ 市域机场线越行线 | ||
|
|
█ 市域机场线 往虹桥二号航站楼方向（三林南） | ||
车站周边
[编辑]康桥东站周边个后续开发规划是上海市规划自然资源局主办个2023上海城市设计挑战赛个一道题目，沐和景观设计公司帮曼斡设计咨询公司获得最高奖项。最佳方案是隻叫“多孔森林”个，保留周边地区既有树林，砍脱眼速生林，形成空隙，勒垃当中摆图书室、健身设施等城市公共设施[6]。
参考
[编辑]- ↑ 束涵; 戚颖璞 (2024-12-25). "重磅！上海机场联络线12月27日开通，票价及班次信息来了". 上观新闻.
- ↑ 符倍维. 上海机场联络线浦东段线路敷设方式研究. 河南科技. 2019, (05). ISSN 1003-5168. CNKI HNKJ201905039
.
- ↑ 【品质市政】市域铁路系列——机场联络线. 上海规划资源 (2023-06-16).
- ↑ "进入最后冲刺！市域机场线7个站点实拍图抢先看→". 上观新闻. 2024-12-21.
- ↑ 张戎; 汤慧; 程银浩. 上海市域铁路车站换乘客流组织研究——以机场联络线为例. 综合运输. 2022, 44 (02). ISSN 1000-713X. CNKI YSZH202202019.
- ↑ 2023上海城市设计挑战赛. 上海城市规划. 2023, (06). ISSN 1673-8985.
| ||||||||||||||||||||||||||||