庆宁寺

庆宁寺，又叫高庙，是上海市浦东新区金桥路浦东大道路口附近，靠近黄浦江个一只地名。箇只地名是从元朝大德年间造个佛寺庆宁寺来个。1687年，当地居民又勒拉庆宁寺边浪造了座供奉城隍个道观，当地居民叫伊高庙。

1910年，东沟到南京东路外滩个黄浦江摆渡经停庆宁寺。1925年，上川铁路勒拉庆宁寺附近造火车站。1930年以后，浦东大道个出现更加为庆宁寺增添闹猛，伊变成功交通要道。1931年，开通了只金定线摆渡，好从庆宁寺坐摆渡船到杨浦复兴岛哉。抗日战争爆发以后，僧人逃脱。1958年，庆宁寺解散脱，庙用来做学堂搭仔工厂。