希特拉

来自Wikipedia
蹦到: 导航搜寻
Bundesarchiv Bild 183-H1216-0500-002, Adolf Hitler.jpg
纳粹元首希特拉

阿道夫 希特拉(Adolf Hitler,1889年4月20号1945年4月30号)是20世纪中前期魏玛共和国个政客搭之后纳粹德国个独裁者。伊立在奥匈帝国靠近德国边境个小镇不牢阴出生。早年立在维也纳混迹。第一次世界大战爆发之后,参军,1919年退伍,加入激进党派,开始构建自家个极右翼野心。1923年,伊模仿意大利个法西斯组织,立在慕尼黑发动啤酒管暴动。失败,蹲大牢一年,个当中,完成自家个自传搭思想读物《我个奋斗》。1920年代末,因为大萧条事件,获得德国老百姓个广泛认同。通过选举进入魏玛共和国个议会。从1932年开始,担当德国总理个职务。立在魏玛共和国个总统兴登堡元帅死脱之后。篡夺一切大权。自立成为所谓个德国元首,建立纳粹党个独裁统治。伊是纳粹主义个创始人物,伊鼓吹种族主义,强调生存空间,引导德国走向战争。

早年[编辑]

家庭背景[编辑]

希特拉1889年4月20号立在德国奥匈帝国边境个小镇不牢阴出生。伊个爸爸阿洛伊斯·希特拉奥匈帝国个海关小文员。伊是伊爹娘个第四个小孩。之前个三个小孩侪立在老小辰光就夭折。所以伊也是父母存活长大个第一个后代。到希特拉三岁辰光,伊一家人搬到巴伐利亚怕骚。希特拉因此,获得一口巴伐利亚个口音。1894年,伊爸爸又搬到林茨。之后,1895年退休。希特拉立在林茨读中学,有传言,搭后势来个著名哲学家维特根斯坦是同级同学。

落魄维京[编辑]

从1905年开始,希特拉到迭个辰光奥匈帝国个京城维也纳去考艺术学院,幻想自家能够成为一个有名气个成功艺术家。弗过,事与愿违,伊个尝试一直失败。嘸办法,只好立在维也纳,画画明信片,搞搞艺术创作。用朝弗保夕个收入让自家生活下去。弗过,立在20世纪初个维也纳,伊有机会接触到交关立在家乡弗可能碰到个书本搭思想。迭个辰光个维也纳有交关民粹主义抬头,个当中,就包括认为日耳曼人种族优越,以及犹太人控制世界个通俗宣传文本。希特拉立在迭个阶段,广泛阅读过这些作品,受到邪气大个影响。开始慢慢形成后势来排斥犹太人,并鼓吹日耳曼优越个价值观。

參見[编辑]


Commons-logo.svg
维基共享资源里向寻得着搭该篇文章搭界个多媒体资源: