太阳照常升起

吴语维基百科,自由个百科全书
跳到导航 跳到搜索
太阳照常升起
导演 姜文
监制 姜文
作者 述平
姜文
过士行
演出 房祖名 饰 儿子
姜文 饰 老唐
周韵 饰 娘
黄秋生 饰 梁老师
陈冲 饰 林医生
孔维 饰 唐妻
音乐 久石让
摄影 赵菲
李屏宾
杨涛
剪辑 张一凡
姜文
发行公司
英皇电影
上映日期
2007年9月14号
国家 中国
语言 普通话
IMDb -信息-(英語)

太阳照常升起》是一部中国电影,2007年9月14号开始上映。箇部电影是来《阳光灿烂的日子》搭《鬼子来了》过后,姜文导演个第三部电影作品,主要演员有周韵房祖名、姜文、黄秋生陈冲还有孔维

电影讲着四段发生勒1958年到1976年期间,地点来勒中国南部、东部搭西部,看出来分散实际上相连个人物故事,主题分别是疯、恋、枪、梦。它畀视作一部艺术电影[1],剧情有留白,风格类似《阳光灿烂的日子[2]

电影从叶弥个小说《天鹅绒》改编得来。该小说字数七千,暴开始来勒《人民文学》2002年第四期上发表,后收入中篇小说集《天鹅绒》,由山东文艺出版社2003年出版。

创作[编辑]

姜文表示,《太阳照常升起》个灵感从一首新疆民歌得来。二十年前头,大学里有弗少新疆来个同学,来热天头热到睏弗着个辰光,大家就到操场上唱歌跳舞,其中一首歌留畀姜文非常深个印象,让佗想拍一部电影。2005年,姜文来看叶弥个小说《天鹅绒》个辰光,突然觉着伊只电影有戏唻,四个故事一下子出现勒佗个脑海里。之后姜文就寻来编剧述平搭著过士行,口述故事,让两人写成电影剧本。最后,姜文寻到投资方,乃么完成歌曲记忆到电影个转变。[3]

拍摄[编辑]

电影拍摄取景地点有中国北京云南香格里拉硕都湖元阳箐口哈尼民俗村腾冲湿地云南大学[4],搭著甘肃等地,用著将近一年个辰光再完成拍摄。[5]

电影曾由于周韵个怀孕而暂停拍摄,后来经补拍而完成。姜文称,电影末尾出现个婴儿就是自己搭周韵生个老小,是上帝来拍摄期间送畀自家个礼物,应该好好较利用。因为拍摄期间天气忒冷,为著照顾老小,箇场戏只拍著两条就过哉。[6]

配乐[编辑]

电影个配乐师是日本配乐大师久石让。久石让看过电影样片后,畀电影个梦幻色彩搭魔幻浪漫主义吸引。完成后个配乐分成主章节搭副节,前者表现出雄美壮丽,后者表现出浪漫凄美。[3]配乐出来过后,姜文个评价是“觉着真个是比莫扎特好一点”。

参展搭票房[编辑]

久石让周韵姜文在亚洲电影节上。

《太阳照常升起》是第64届威尼斯国际电影节参赛作品,同时也是多伦多国际电影节特别推介电影[7][8]韩国釜山电影节观摩电影,并来勒香港亚洲电影节优先放送。来2008年,该片以姜文作品个身份参加法国杜维尔电影节电影回顾展。[9]

电影从2007年9月14号开始勒中国上映,到10月24号辰光,据文汇报报道,来上海单家影院投入个30份拷贝获得著150多万块个票房。到月底电影下档时,8000万投资有3000万个票房,搭电影一开始个过亿票房目标相差甚远。鉴于弗少观众反映看弗懂,姜文表示以后会多拍一些大家看得懂个片子。[10]

评价[编辑]

电影《太阳照常升起》来摄影、立意搭讲故事个方式上得到著观众个认可[11]。但电影故事个时间背景是1958年到1976年,而观众个年龄集中勒15岁至30岁,乃么就出现嗷种现象:由于对时代背景弗够熟悉,跟弗上影片跳跃个思维,结果蛮多点人“看弗懂”。[11]姜文表示,看弗懂电影个主要是70后人群,60后搭80后蛮容易看明白个。[12]而主演陈冲对此解析如下:

“姜文的故事永远不满足于告诉你一些司空见惯的、日常的事。国内很多观众的观影习惯其实是靠电视剧培养起来的,还是期待你给我讲个故事。一旦这个电影不是侧重于叙事,而是另一些更深更难的东西,他们就不适应。”

另外一方面,由于电影留下蛮多点疑问点、空白点,造成多解,留畀观众想象个空间比较大,箇些因素畀认为是该电影最宪个地方。

加拿大多伦多国际电影节官方个评价是“箇是一部非常有美感个魔幻主义电影,导演姜文颠覆了电影故事直线讲述个传统,营造出一个纯粹个视觉诗境。画面作兴也随著颠覆性个故事结构看出来有些逻辑混乱。不过阿末得来,像电影中天鹅绒来封闭个中国稀有而珍贵一样,其电影主题仍旧鲜活个表现出来。”[8][13]美国专业电影杂志《好莱坞报道》评价说“流畅个剪辑,出色个画面让姜文营造个华丽、浪漫个电影幻想成为一个视觉盛宴……除落好看,电影《太阳照常升起》也充满乐趣,实在是电影精品、大师之作。”[14]

参考资料[编辑]

  1. 北京评审团评《太阳》:灿烂依旧 喜爱有增无减 (Zh-hans). 搜狐网. 访问日脚2009-08-25.
  2. 解读《太阳照常升起》:姜文在拍科幻片? (Zh-hans). 夸克电影. 访问日脚2009-08-25.
  3. 3.0 3.1 久石让操刀《太阳》配乐 姜文称其胜过莫扎特 (Zh-hans). 新浪网、上海新闻网 (2007-08-20). 访问日脚2009-08-25.
  4. 没有云南就没有太阳照常升起 (Zh-hans). 21CN旅游 (2007-08-20). 访问日脚2009-08-25.
  5. 房祖名《太阳照常升起》 全裸演出闹笑话 (Zh-hans). 21CN旅游 (2007-08-30). 访问日脚2009-08-25.
  6. 《太阳照常升起》发布会 姜文谈孕事嘴不饶人 (Zh-hans) (2007-07-16). 访问日脚2009-08-25.
  7. 第26届温哥华国际电影节散记 (Zh-hans). 王 瑞《电影艺术》 2008年第01期. 访问日脚2009-08-25.
  8. 8.0 8.1 TIFF (en). "Sun Also Rises" at TIFF. 访问日脚2007-09-02.
  9. 姜文法国开影展 《太阳照常升起》四月登陆法国 (Zh-hant). 访问日脚2009-09-02.
  10. 《太阳》票房惨淡姜文低头:下回拍个好懂的 (Zh-hans). 人民网 (2007-10-16). 访问日脚2009-08-25.
  11. 11.0 11.1 姜文新作今日上映 “太阳”出山观众花眼 (Zh-hans). 新浪网 (2007-09-14). 访问日脚2009-08-25.
  12. 姜文:70后观众看不懂《太阳》 乐于尝试贺岁片 (Zh-hans). 人民网 (2007-09-28).
  13. TIFF (en). "Sun Also Rises" at TIFF. 访问日脚2007-09-02.
  14. Bennett, Ray (2007-09-05). The Sun Also Rises (Taiyang zhaocheng shengqi) (en). The Hollywood Reporter.

外部链接[编辑]