太平天国烈士墓

太平天国烈士墓
上海市文物保护单位
所在	上海市浦东新区
分类	古墓葬
时代	清代
编号	1-18
登录	1977年12月7号

太平天国烈士墓，貤叫“长坟”、“长毛坟”，来勒上海市浦东新区高桥镇西北个屯粮巷村，是清朝同治元年（1862年）太平军来勒高桥帮华尔洋枪队个战斗里向死脱个150個人个合葬墓，由当地村民造个，光绪十六年（1890年）以前有人供奉，後些来来勒草里向。1954年，重建箇隻坟头，正式命名伊太平天国烈士墓，1959年搭1977年先後两趟成为上海市文物保护单位。

历史

清朝咸丰十一年十二月份（1862年1月份），太平军第二次东征，其中一路从吴淞过江攻打高桥镇，先到仔屯粮巷，打败守军，垃北街设指挥所咾，造仔“圣营”6座，炮台50来座。同治元年正月廿三号（1862年2月21号），英军搭洋枪队攻打高桥，法军也参加进攻，太平军死脱百来個人以後，垃廿六号（2月24号）打高桥撤退。当地农民拿死脱个太平军尸首埋垃西宁王庙（难朝个屯粮巷）南面个地丄。

光绪十六年（1890年），官府命令禁止老百姓供祭箇隻坟头，坟丄生蛮草，变成功荒坟哉。

1954年上半年，上海市文物保管委员会搭上海市高桥区人民政府重修箇隻坟头。同一年7月5号上海市人民政府批复上海市文物管理委员会关于太平天国烈士墓碑文个报告。1959年5月26号，公布为上海市文物保护单位。1977年12月7号，上海市革命委员会批准上海市文物保护单位调整方案（名单），高桥太平天国烈士墓原旧是第一类市级文物保护单位。

文化大革命个辰光，坟土畀人挖脱，80年代重新修过。

墓地

坟地丄有600平方米个花岗石平台，边丄是石栏，当中是黑颜色个石头墓碑，两旁立石柱，柱头丄有盝顶。墓碑背面有碑文。墓碑后头是墓台，椭圆形个，四周种松柏咾常绿树木。