天安門廣場

天安门广场

天安门广场是北京市中心个一只城市广场，是世界浪顶大个几只城市广场之一。因为对准仔明清故宫皇城个南门天安门城楼前头，所以叫该个名字。广场个北面有國旗个旗杆，每日天出太阳搭太阳落下去个辰光侪有升旗搭降旗儀式。天安門廣場浪向有馬路、毛澤東紀念堂、搭仔地鐵車站。天安門廣場是中華人民共和國建國過後拆脫老底子個胡同造出來個。每年天安門廣場儕有交關多個大事體，像閱兵、升旗禮該種。

根據《北京市戶外廣告設置管理辦法》，天安門廣場地區搭仔東面、西面100米範圍當中禁止擺戶外廣告。經過天安門廣場個公共汽車車身浪也弗好有广告。所以勒天安门广场浪向，除脫節日辰光個政治標語，基本浪看弗見廣告標語。

天安門廣場個衛星圖（1967-09-20）

位置搭面積

天安門廣場從背面個門樓，跨過長安街可以看見人民英雄紀念碑搭毛主席紀念堂，中国国家博物馆勒左面，人民大會堂勒右面。

天安門廣場勒市中心，北京中轴线浪。南北長880米東西闊500米，面積44萬平方米。

历史變遷

明成祖朱棣從1417年（永樂十五年）營建北京，1420年（永樂十八年）宫殿造好，天安門廣場就勒該歇辰光造個。天安門廣場本來是丁形廣場，是大明門（後歇來先後改名大清門、中華門），長安左門搭長安右門還有千步廊圍勒一淘形成個。

民國辰光拆脫仔千步廊。

1949年10月1號，中華人民共和國成立。建國初期勒1954年擴建仔天安門廣场，長安左門搭長安右門、户部刑部等衙署、還有倉庫棋盤街等建筑，達到今朝個規模，還勒廣場當中造仔人民英雄紀念碑。

1976年9月9日，毛澤東逝世，勒廣場南面本來中華門個位置造仔毛主席紀念堂，拆脫仔中華門。

1999年10月1日，举行國慶五十周年大典。勒大典之前，天安門廣場個地磚全部換脫，換下來個舊地磚勒收藏家當中交關吃香，一塊地轉炒到仔幾千塊人民幣。

重大事件

1919年五四运动辰光個天安門廣場

• 1919年，五四運動。
• 1925年，五卅運動。
• 1926年，三一八慘案（反對八國最後通牒個國民大會）。
• 1935年，一二·九運動。
• 1948年，反飢餓、反內戰、反迫害運動。
• 1949年，中華人民共和國開國大典（包括毛澤東閱兵）。
• 文化大革命當中，毛澤東勒天安門城樓浪蠻多趟接見從中國各地來個紅衛兵。
• 1976年，四五運動。
• 1984年，首都各界慶祝中華人民共和國成立35周年大會（包括邓小平閱兵）。
• 1989年，六四事件。
• 1999年，首都各界慶祝中華人民共和國成立50周年大會（包括江泽民閱兵）。
• 2001年1月23日（年三十夜），天安門自焚事件。
• 2009年，首都各界慶祝中華人民共和國成立60周年大會（包括胡锦涛閱兵）。
• 2013年10月28日，天安門金水橋恐怖襲擊案。
• 2015年9月3日，紀念中國人民抗日戰爭暨反法西斯戰爭勝利70週年閱兵式（习近平閱兵）。

廣場搭邊浪個主要景觀

• 
  天安門國旗
• 
  前門老車站
• 
  正陽門城樓
• 
  毛主席紀念堂
• 
  毛主席紀念堂門前頭個雕塑
• 
  人民英雄紀念碑
• 
  天安門，紫禁城入口
• 
  天安門廣場鳥瞰

• 故宫
• 中山公園
• 勞動人民文化宮
• 人民英雄紀念碑
• 毛主席紀念堂
• 人民大會堂
• 中国国家博物馆
• 前門

相關作品

• 相聲《特大新聞》

外部連結

• 天安門地區管理委員會 档案，存勒互联网档案馆当中。（2008年5月17号）