聖公宗

聖公宗（英语：Anglicanism；又叫聖公會、安立甘宗、英國國教）原本是天主教（大公敎會）个一個教派，目前是英國（嚴格來講是英格蘭）國教，垃2008年普世聖公宗約有7300萬教徒。

安立甘/安立間（Anglican），意譯是英國教會个、英國个，形容信徒、制度、教會、甚至禮儀傳統同神學思想是由英格蘭个國家教會，英國國教會（Church of England）所發展出來个，成爲普世聖公宗。昰隻詞語可以形容其他垃普世聖公宗團契獨立个教會組織个追隨者，佢拉儕因爲教義交禮儀丄搭本身个教省產生分歧而獨立出來。但是，美國搭蘇格蘭个聖公會英文名就用「The Episcopal Church」。「Episcopal」意思是主教制个。普世華人、韓國搭日本基督徒儕用「聖公會」作官方稱號。

普世聖公宗團契認爲自家是神聖大公同使徒所傳个教會个一部分，是大公又經過改革个教會，交關聖公會教友相信聖公宗是新舊教會个混合體。有一排高派教會擁護者覺著佢拉个教會是無教宗个公教教派，也弗像其他新教教會有一位舉足輕重个代表人物像馬丁·路德、諾克斯、加爾文搭約翰衛斯理。普世聖公宗是39個搭坎特伯里大主教有聯繫个教省神學上个交流板同聯合團契。

歷史

宗教改革前

聖公會傳統丄畀認爲起源是從6世紀末到英國个第一位坎特伯雷大主教──坎特伯里聖奧古斯丁。但是追溯再早期，基督教早已從5世紀个羅馬時期英國甚至有可能1世紀已經立足英國。第一位英國个殉道者──Saint Alban，相信垃4世紀出世。可以從弗少牧區中開出佢從英國教會裏聲望，因爲弗少英國教堂以佢命名，並作守護聖者。

6世紀初愛爾蘭同蘇格蘭傳教士个再一趟設立，尤其聖博德同Saint Columba，聖公會認爲塞爾特人是佢拉教會个先驅。

亨利八世確立

改教運動伊段辰光咾，英國國王是亨利八世（1491-1547，1509年登基）。佢是忠誠天主教徒，1521年重寫《確信七聖事》來反對馬丁路德，教宗良十世（Pope Leo X）封佢爲「信仰个維護者」。當年爲仔搭安妮·博林（Anne Boleyn，1507-1536）結婚，就搭無仔生个老婆阿拉貢个凱瑟琳（Catherine of Aragon，1485-1536）離婚，因爲得弗到教宗克勉七世（Pope Clement VII，1523-1534）个批准，而怪罪當時个大法官兼英國大主教托馬斯·沃爾西（1475-1530）嘸沒盡力疏通，乃末誣告托馬斯·沃爾西謀叛，垃押到倫敦途中病死脫。亨利八世就任命托馬斯·克蘭麥（Thomas Cranmer，1489-1556）做大主教。並垃1534年經過國會宣佈「最高權法案」（Supremacy Act）：

1. 教宗个權弗及英格蘭。
2. 英國國教同教廷分離，國王是英國教會最高領袖。

就昰然英國國教交天主教分離。

亨利八世原本打算維持教義，衹不過分離教廷管制，但已經弗可能哉。繼任个愛德華六世（1537-1553，1547年登基）衹活到15歲，由同父異母家姐瑪麗女王就任（1516-1558，1553年登基）。瑪麗女王讀過天主教學堂，是虔誠天主教徒，佢一上任就開始逼害國教教徒，企圖恢復天主教。交關人乃末就逃亡到日內瓦，學加爾文教派个傳統。

伊利沙伯一世女王（1533-1603，1558年登基）就任之後，先至恢復英國國教。至1559年4月29號，國會再通過一項最高權威法，根據昰個法案，英國完全廢棄脫教廷个權威，弗再畀任何款項到羅馬，同時由伊利沙伯女王任命馬太.柏克做坎特伯里大主教。乃末坎特伯里个蘭柏宮成爲英國國教會个精神中心。

1544年坎特伯里大主教托馬斯·克蘭麥頒布聯禱文（litany）。1549年頒行公禱書，當中嘸沒音樂。至1550年先垃John Merberke（1510-1585）譜曲定名「含譜公禱文」（Book of Common Prayer Noted）。

1. 主教制
2. 用公禱書
3. 1535年起用英文聖經
4. 英國國教

1920年Lambeth（蘭柏）普世主教會議（1867年舉行首屆會議，召集全球各教區个主教，由坎特伯里大主教親自主持會議。10年一次是聖公會最高機制──如同大公會議）確立：

1. 聖經最高權威
2. 兩大禮儀：聖洗禮同聖餐禮
3. 主教制

傳到英國以外个場許

到了17世紀，英國國教會開始垃美國、澳洲、加拿大、紐西蘭搭南非等前英殖民地創立教會。由18世紀開始，由一批聖公宗傳教士響亞洲、非洲同拉丁美洲建立聖公宗教會。到1843年割讓香港島畀英國殖民地後，英國聖公會派仔史丹頓牧師來香港建立聖公會，成爲響中華傳教个開始。

聖公宗裏向个合一

各地聖公宗教會亦先後離開英國聖公會，成立自主个獨立教省，並加入普世聖公宗昰個教會團契，以坎特伯里大主教爲精神領袖。

同天主教个共融

2009年，羅馬教廷製定頒布《宗座憲章》，回應聖公會信友个需求，將設立特別教區，同聖公宗完全共融。同日，坎特伯里大主教搭天主教个威斯敏斯特總教區總主教響倫敦發表聯合聲明，指出《宗座憲章》个發布「打消希望以新方式同天主教共融个聖公會團體个疑慮。」

按立聖品个製度

聖公宗同天主教一樣相信使徒遺傳，特別響按立神職人員个續承到。聖公會實行三品聖職，主教（會督，Bishop，和合本聖經譯成「監督」），牧師（會長，Elder，和合本聖經譯成「長老」）搭會吏（Deacon，和合本聖經譯成「執事」）。

祈禱／禮儀用書

• 公禱書（The Book of Common Prayer）（全球聖公會）
• 1980替用禮文書（Alternative Service Book, 1980）（英國國教會）
• Common Worship（英國國教會）
• 聖餐崇拜禮文（香港聖公會）
• 日常禮讚（香港聖公會）

信條

• 承認普世神聖大公教會个三大信經：尼吉亞信經、使徒信經同阿塔拿修信經。

別樣

• 普世聖公宗
• 英国圣公会

外部鏈接

• 教會歷史