四川北路街道

四川北路街道是上海市虹口区一個街道办事处，东到欧阳路、临平北路、四平路、虹口港，南到海宁路，西到河南北路、武进路、罗浮路、轨道交通3号线、宝源路、宝山路、东江湾路，北到四川北路、甜爱支路、山阴路、四达路，面积约2.33平方公里^[1]^[2]。户籍人口12.76万人（2009年）。

历史[编辑]

历史上，箇只街道管个地方是上海公共租界北区搭仔越界筑路区。箇块地方1860年代开始造个，到20世纪初，多伦路、溧阳路、山阴路、黄渡路两面造出来交交关关个花园洋房、公寓、里弄，今朝叫伊拉山阴路历史文化风貌区。四川北路形成繁荣个商业街。

四川北路街道里向个路多数侪呒没拓宽过，还是租界造伊个辰光个路阔，包括南北向贯穿管理范围个四川北路。

20世纪上半叶，曾有多唻吓死人个日本侨民住拉四川北路街道管理区域里向，区域里向出现为伊拉服务个福民医院（今朝个第四人民医院）等。鲁迅、茅盾、郭沫若、丁玲等作家也跑到箇埭来住，开展文学活动。

2018年1月29号，经上海市人民政府批准，四川北路街道海宁路以南个区域同已经撤销脱个提篮桥街道合併出北外滩街道^[3]。