白殕毛

毛黴（Mucor），一種黴菌

白殕毛是非分類學名詞，是吳越一許宕地對時間囥長爻个物事个表面上頭，發起个灰白色个菌絲體發達，但貤弗產生大型肉質子實體个絲狀真菌个泛指俗稱。箇出毛个過程謳作「起白殕」，或者「白殕毛起起」。

伊也可能长出其他颜色来，比方讲红个、绿个，叫红霉菌、青霉菌，起个就是红毛绿毛哉。

種類

培養有青黴菌个標本盤

右圖展示爻毛黴屬真菌產生个一種白殕毛，箇種真菌屬出起个菌絲便是白色至米色或灰色个，會生在一些奶酪搭蔬菜上頭。弗過，白殕毛還好指各許種類个真菌，只要佢符合上頭講著許特徵。

白殕毛也長日因之青黴屬（Penicillium）个真菌生起，一般生在有機物上頭，據研究，是導致食品腐敗个主要原因，特別是青黴亞屬个黴菌。箇物事有時候還會生成出劇毒个黴菌毒素。為之，生出白殕毛个食品會畀掽爻，以防喫落去中毒。