吴语分区
概述
[编辑]吴语南北、东西推为交关路远，相互弗好通话，甚至还当仔对方讲个弗是吴语。北区出生个余杭章太炎先生勒《检论·方言》里向甚至拿温处台方言划到闽语里向去，所以定规要勒内部再行分区。
根据闲话特点搭通话情况，好拿吴语分成三区六片：北区太湖片，南区台州片、东瓯片、婺州片、处衢片，西区宣州片。太湖片顶大，好再分成毗陵、苏沪嘉、苕溪、杭州、临绍、甬江等六个小片。处衢片也蛮大个，好再分为处州、龙衢两个小片。宣州片比较散，好再分成铜泾、太高、石陵三个小片。下底列举各小片分布个县市名字。各县市里向个土话有个只有一种，有个弗罢一种，部分县有两种以上个土话，所以跨片重见，个末县城所在个片加星号“*”为记。此地分区依据《中国语言地图集》“吴语”搭“安徽南部方言”两图。个两图侪是郑张尚芳编绘，依据地图集编委会规定以1984年地名为准。个两年变化蛮多，像无锡县，今为锡山区；吴县，今为吴中区；上海县，今划归闵行区；嘉定、宝山、金山侪已经划成区，川沙县划归浦东新区。凡此，侪弗改动。
| 江苏省 | 上海市 | 浙江省 | 安徽省 | 江西省 | 福建省 | |
| 太湖片 | 有 | 有 | 有 | 有 | ||
| 台州片 | 有 | |||||
| 东瓯片 | 有 | |||||
| 处衢片 | 有 | 有 | 有 | |||
| 婺州片 | 有 | |||||
| 宣州片 | 有 | 有 | 有 |
分片概述
[编辑]北区
[编辑]北部吴语虽分布勒苏沪浙皖四省市，不过内部通话程度较好，个了合成一片。
太湖片67县市，人口4730万人。
毗陵小片
[编辑]15县市，人口800万。
- 江苏 常州市（天宁区、钟楼区、戚墅堰区）、常州武进区、常州新北区(除沿江的圩塘、魏村、孝都、小河等乡)、丹阳、金坛(除漕河以西)、溧阳、宜兴、江阴(除西北角石庄乡及利港乡一部)、张家港西部(西南片江阴话及西北片老沙话)、靖江(除西南角新桥、东兴等乡)、*南通县(县城金沙镇及周围乡村)、海门(北部包场等12乡)、启东(北部吕四等7乡)、高淳(东部顾陇、永宁等7乡)。
- 安徽 郎溪(北部定埠、梅洛等乡，西北部建平、东夏、幸福等乡)、广德(北许下寺乡个庙西，南部芦村乡个甘溪沟及东亭乡部分村)。
苏嘉沪小片
[编辑]30县市，人口2330万。
- 江苏 南通县(东南部通海区9个乡及东北部三余区7个乡)、如东(东南角)、*启东(除北部吕四、三甲等7个乡)、*海门(南部)、张家港东部(东南片常熟话及东北片崇明话)、常熟市、无锡县、苏州市、吴县、吴江、昆山、太仓。
- 上海市 上海市区、上海县、嘉定、宝山、川沙、南汇、奉贤、松江、金山、青浦、崇明(1185万人)。
- 浙江 嘉兴、嘉善、桐乡、平湖、海盐、海宁。
苕溪小片
[编辑]五县市，人口300万。
- 浙江 湖州市、长兴、安吉(以上两县西部边境官话移民区除外)、德清、余杭。
杭州小片
[编辑]一市，人口120万。
- 浙江 杭州市区及近郊，不含下沙，萧山，余杭，三堡，转塘，留下，三墩，九堡，笕桥，丁桥，乔司等。
临绍小片
[编辑]十二县市，人口780万。
- 浙江 临安(旧昌化县昌北区及旧于潜县北部边境除外)、富阳、萧山、桐庐、建德(下包、乾潭以东)、绍兴市、诸暨、嵊县、新昌、上虞、余姚、慈溪。
甬江小片
[编辑]十县市，人口400万。
- 浙江 宁波市、鄞县、奉化、宁海(岔路及其以南除外)，象山、镇海、定海、普陀、岱山、嵊泗。
南区
[编辑]南部吴语四片除处衢片部分外，侪勒浙江境内。尚况分歧交关大，甚至片里向也有部分点弗来事通话。一般来讲台州片婺州片搭北部吴语还有一定程度个通话可能(台州片语音搭北区顶顶接近)，而东瓯、处衢两片搭别个片推板顶结棍，完全弗来事通话。
台州片
[编辑]10县市，人口550万。
- 浙江 椒江、黄岩、路桥三区，临海、温岭二市，玉环、天台、仙居、三门四县，(温州)乐清(清江以北)、(宁波)宁海(岔路以南)。
东瓯片
[编辑]12县市，人口420万。
- 浙江 *乐清(清江以西)、永嘉、温州市、瓯海、瑞安、平阳(闽语区除外)、苍南(闽语区除外)、*文成(除南田区)、泰顺(限万丈区)、洞头(南部洞头、元觉、霓屿三岛东许个闽语区除外)、玉环(西南角)、青田(东部温溪区，搭仔万山区个黄洋、万山等乡)。
婺州片
[编辑]9个县市，人口400万。
本片有星县互相通话困难，要拿金华言话做中介。从通话情况看，金华、兰溪接近，武义、永康接近，东阳、磐安搭义乌接近，浦江外加特殊。
- 浙江 金华市、兰溪、浦江、义乌、东阳、磐安、永康、武义(旧宣平县地区除外)、建德(姚村乡搭旧寿昌县东南唐村、里叶二乡)。
处衢片
[编辑]23县市，分布勒浙西南、赣东北、闽西北，人口650万人。
处州小片
[编辑]9县、人口150万。
- 浙江 丽水、缙云、宣平(今归武义县所辖)、云和、景宁畲族自治县、文成(南田区)、*青田(温溪区搭万山区一部除外)、*泰顺(南部闽语区搭百丈镇除外)、庆元(东部)。
龙衢小片
[编辑]15县市，人口500万。
- 浙江 龙泉、*庆元(东部竹坪、合湖以东除外)、松阳、遂昌、衢州市、龙游、开化、常山、江山。
- 江西 上饶市、上饶县、玉山、广丰、德兴(限陇头)。
- 福建 浦城(南部石陂、水北、临江等五乡个闽语区除外)。
相邻两片当中有星方言带过渡性质，像婺州片个武义也有蛮多处州小片特点，处州小片个缙云又有婺州片特点。交通发达城市搭边浪个乡村也常庄两样，如浙赣线浪个衢州市搭上饶市，市区言话带有较多个北区太湖片特点，搭周围乡间个处衢话弗大一样。
勒东瓯片以南个闽语区中有交关多场哈是双方言区。如平阳水头镇，讲闽南话，也讲吴语东瓯片个水头话。苍南县闽语区中有两个吴语方言岛：一是勒勒蛮话区搭闽南话区隔界头浪个金乡镇，人口约1.6万，是明初金乡卫驻军个子孙，属北吴语太湖片，兼有好星官话特点。一是南端浙闽界上个蒲门城，也是一个古戊所，城内蒲城乡与城东面沿浦乡讲南吴语东瓯片个蒲门话，搿种言话与别个东瓯片各点温州言话弗一样，自有特色，约8000人。蒲门人对外会讲闽南言话，金乡人对外会讲闽南言话、蛮话、平阳当地温州言话。
西区
[编辑]宣州吴语分布勒皖南、江苏西南部搭仔浙江西北一角，内部分三个小片，推板比较结棍。太高小片古全浊声母朆通音化，石陵小片有个点清化，铜泾小片已经侪部通音化哉。
宣州片
[编辑]15县市，308万人(搿里向安徽261万人)。
铜泾小片
[编辑]12县市，230万人。
- 安徽 铜陵、泾县、宁国(青龙、济川、东岸等乡的乡村)、繁昌、南陵(北部西部，及东南角吴滩乡一带)、宣城(限北部西部及南部溪口乡金牌)、芜湖县(万春区除外)、当涂(限东部南部)、青阳(童埠、杜村二乡及酉华乡杨柳地)、贵池(东部)、石台(东部，含旧城关广阳)、太平(已划入黄山市。西部杨家岭一带，北部龙门以北)。
太高小片
[编辑]6县市65万人(安徽18万人，浙江47万人)。
- 安徽 太平(划入黄山市。东部南部)、宁国(限南部南极等乡)、当涂(限东部湖阳乡、博望乡)。
- 江苏 *高淳(西部)、溧水(南部)。
- 浙江 临安(旧昌化县的昌北区)。
石陵小片
[编辑]5县市，13万人。
- 安徽 石台(石埭。中部)、青阳(东南陵阳等乡，含城关旧派)、泾县(限西南厚岸、包合、水东三乡)、太平(划入黄山市。西北三丰地区部分乡村)、贵池(限南部灌口一带)。
宣州吴语拨拉官话严重侵蚀，勒城镇往往对外讲江淮官话，登屋里向讲吴语，要么只有大年纪人搭仔妇女用，勒圩区呢保存相对比较好，称为“此地话、圩巴老话”。有星勒官话包围当中个土著言话已经拨同化到只残存一咪咪几项特征，像芜湖市郊四山乡个褐南村，男人家已经讲市区官话，土话拨当成是妇女闲话，也只剩下来少数几项宣州吴语特征哉，搿星残余点就朆统计勒许。注意太平划到黄山市，但现黄山市驻地屯溪是讲徽语个。
争议问题
[编辑]另见
[编辑]参考文献
[编辑]- 中国语言地图集
- 安徽南部方言