南島民族

来自维基百科
蹦到: 导航搜寻
南島民族現代分佈

南島民族[1]嚜,指大洋洲搭東南亞以南島語系爲語言个族羣。其中包括臺灣東帝汶印度尼西亞馬來西亞菲律賓文萊馬達加斯加密克羅尼西亞聯邦波利尼西亞以及新西蘭夏威夷玻利尼西亞人、巴布亞人个美拉尼西亞人等多個民族。渠場還分佈在泰國北大年地區、新加坡越南搭湛地區(覆蓋越南中部搭南部个占婆王國)、柬埔寨海南些地區統稱爲南島民族地區。

歷史起源[编辑]

對於南島民族个起源搭擴散,學界根據語言學搭考古資料,提出爻幾種假說。

出台灣假說[编辑]

學界認爲,由亞洲大陸移居至臺灣个族群,在臺灣形成爻南島語系,之後沿著島嶼,逐步擴展到太平洋各地。昰個假說嚜,畀稱爲出臺灣(Out of Taiwan)假說。昰個假說頂早由語言學學者提出,遺傳人類學者以粒線體DNA个研究,對昰個假說提供爻更多證據。昰個假說在學界有得交關支持者,但朆得到一致共識。

Shutler and Marck在1975年發表論文,認爲臺灣是南島語頂有可能个發源地以後,國際遺傳學界噶嚜接受佢个研究成果[2]。尤其在1991年在《科學美國人》(Scientific American)雜誌裏向,Peter Bellwood就昰個問題个論文發表以後,「南島語个發源地在台灣」昰個陳述嚜,就幾乎已經是多數學者个共識[3]哉;後首來佢再提出,南島民族由亞洲大陸而來,在公元前8000年左右到達爻臺灣,此後發展出卓越个航海能力,弗斷分批移民至海外島嶼[4];在開始老長一段辰光後,有曾暫止一瑲,然後貤持續移民,而無論是擇住在大島或小島,多遍佈在亞熱帶搭熱帶地區,昰個嚜是渠場个一大特點。

根據Bellwood个研究,操南島語个南島民族是由亞洲大陸而來,可能搭侗傣(Kam-Tai)民族或南亞(Austroasiatic)民族原是一家,分家後到臺灣來,年代大約模是6000年前。大約5000年前,纔開始從臺灣南下擴散到菲律賓群島,主要是北部呂宋一帶。然後到婆羅洲印尼東部,時間大約是在4500年前。然後往東、西兩方擴散,東至馬里亞那群島(關島、塞班島一帶),也到爻南太平洋部份地區,往西到馬來半島蘇門答臘等,辰光約在3200年前。再下一步纔擴散到中太平洋美拉尼西亞區域个加洛林群島一帶。然後往東,到玻里尼西亞壗頭去,約在公元300年左右。乃朝在新西蘭个毛利族(Maori),是頂晏个移民,約在公元800年[5]

昰個散布模型,可以用地瓜个傳播來證明,隨著南島民族往東遷徙,搭南美洲个美洲原住民接觸,擔地瓜由美洲傳播到環太平洋區[6][7]。另一個證明嚜是太平洋構樹。2015年臺灣大學森林環資系搭智利共組研究團隊,分析西太平洋島弧丄个太平洋構樹樣本,發覺各地構樹搭南臺灣構樹全有相同个葉綠體基因單型(haplotype),西太平洋各地个構樹起源在台灣。因爲太平洋構樹嘸沒雄雌異株,無法自然產出種子,需由人類以其根部進行無性生殖來傳播,蓋咾可排除脫是由動物傳播个可能。太平洋構樹个樹皮是南島民族重要个資源,在祭典丄會使用樹皮布。因爲太平洋構樹搭南島民族間个緊密關係,應是隨著南島民族遷徙而傳播。昰個共生關係間接證實爻出臺灣假說[8]

巽他大陸起源說[编辑]

由史蒂芬·歐本海默提出。巽他大陸起源說認爲嚜,冰河期个東南亞由於海平面比乃歇低,爪哇島、蘇門答臘島搭馬來半島連在一淘,形成巽他大陸,爲亞洲个延伸。但在間冰期,海平面上升,淹没脫昰爿區域。昰爿區域个居民被迫離開,形成南島語族。

中國沿海起源說[编辑]

福建發掘个曇石山遺址,漳州東山大帽山遺址,寧德霞浦縣黄瓜山贝丘遗址,泉州晉江庵山沙丘遗址,福州平潭壳丘头遗址,據考證全跟南島語族起源有淵源。在福建出土石锛、石戈以及石叉等物品,在波利尼西亞仍常見。福建个幾大遺址裏向出土个石器、陶制品等文物制作个方法、生産工藝、母語語系等考證:南太平洋、印度洋个南島語族衆多島國居民个祖先,源於中國東南沿海。

中國醫藥大學講座教授葛應欽,利用演化基因學改進方法及技術,分析在馬祖亮島出土个亮島人遺骸,重建遺傳系譜,認爲早期南島民族約8000年前起源於福建沿海地區,反對臺灣或東南亞島嶼是早期南島民族發源地个說法[9],但佢弗以文化爲據及其無法證明亮島人有後代[10]咾啥,令此講法至今尚未得到國際丄个普遍認可。

參見[编辑]

注释[编辑]

  1. According to the anthropologist Wilhelm Solheim II: "I emphasize again, as I have done in many other articles, that 'Austronesian' is a linguistic term and is the name of a super language family. It should never be used as a name for a people, genetically speaking, or a culture. To refer to people who speak an Austronesian language the phrase 'Austronesian speaking people' should be used." Origins of the Filipinos and Their Languages.(January 2006).
  2. Shutler and Marck 1975
  3. Bellwood 1991
  4. Bellwood (1997)
  5. 引自李壬癸 1996,45
  6. Van Tilburg, Jo Anne. 1994. Easter Island: Archaeology, Ecology and Culture. Washington D.C.: Smithsonian Institution Press
  7. Langdon, Robert. The Bamboo Raft as a Key to the Introduction of the Sweet Potato in Prehistoric Polynesia, The Journal of Pacific History', Vol. 36, No. 1, 2001
  8. 吳柏軒 (2015年10月9日). "一顆種子改寫歷史 南島祖先台灣出發" (in zh-tw). 自由時報. http://news.ltn.com.tw/news/life/paper/922083. Retrieved 2015年10月9日. 
  9. "馬祖亮島的「亮島人」經DNA演化基因証實為最古老的南島民族" (in zh-tw). 中央社. 2014年3月31日. http://www.cna.com.tw/postwrite/Detail/145012.aspx#.VhcunyuczF5. Retrieved 2015年10月9日. 
  10. 2014臺灣考古工作會報