八股文

八股文，有辰光又畀叫做股赋、四书文、八比文、八章文、时文、时艺、制艺、制义，是大一统帝国明、清皇朝及越南阮朝考试制度当中规定个一种特殊文体。

从隋唐开始，中国才有开科取士个科举制度，迭个制度下头，社会高头本身低下层个知识分子就可以通过做题，获得当上层官僚个途径。弗过，一开始辰光，科举当中写文章个内容（明经）主要是写诗歌，直到明、清两个晚期朝代，才正式转成功为八股文。