乌镇
乌镇勒勒浙江省桐乡市，江南有名古镇。小镇面积71.19 平方公里，里向城区面积2.5平方千米，一龙总6万人，镇区常驻人口1.2万。乌镇景区拨评着国家AAAA级风景区，全国廿个黄金周预报景点之一。
简介
[编辑]
乌镇是典型个江南水乡古镇，乌镇原来以市河（车溪）为分界线，分成功乌青二镇，河西间是乌镇，属于湖州府乌程县；河东间叫青镇，属于嘉兴府桐乡县。解放之后，市河西间搿面个乌镇划拨勒桐乡县，统称乌镇[1]。
街道上民居以清代建筑为主，保存仔交关好。全镇以河成街，桥街相连。各式民居、店铺靠河修房。有大宅、百年老房子，也有过街骑楼，可谓是江南典型个“小桥、流水、人家”。
乌镇是千年文化名镇，勒历史上小镇曾经出过64名进士、161名举人。茅盾、沈泽民、严独鹤等侪是乌镇人。
2014年11月19号到21号，头一届“世界互联网大会”勒拉乌镇举办，此里也成为世界互联网大会个永久会址[2]。
交通
[编辑]乌镇距离桐乡市区13公里，离周围嘉兴、湖州、吴江三市大约匝20-60公里，离杭州、苏州侪大约匝80公里，靠上海140公里。到乌镇有处上沪杭高速公路、320国道、318国道到桐乡，再从桐乡到乌镇，桐乡早起7：00-17：00每隔15分钟就有一班中巴车到乌镇。从浙江省另外一个有名个水乡古镇——湖州南浔镇到濮院镇个中巴车也经过乌镇，大约匝要40分钟，当中经过江苏省苏州市吴江区个桃源镇搭青云镇。江苏省境内路况稍微好点，乌镇镇里向主要是黄包车、出租车为主。
主要建筑
[编辑]茅盾故居
[编辑]
茅盾故居勒勒古镇中心观前街，是著名文学家茅盾（沈雁冰）老祖宗世代住个老宅，最早勒19世纪中叶修建，建筑面积650平方米，属于清代江南民居。 茅盾1896年7月4号生下来，1910年春天离乡求学，在搿墩活仔十三年。1982年，茅盾故居列进浙江省文保单位，1983年8月筹备修复，1985年7月落成开放， 1988年1月公布为全国重点文物保护单位。
立志书院
[编辑]
立志书院也勒勒古镇中心观前街，紧靠茅盾故居东面，目前来讲是是茅盾纪念馆个一部份。伊个前身是江南分水书院，院址勒乌镇北栅分水墩西面间。清咸丰十年，清朝部军搭太平军打仗，分水书院就拨破坏脱。同治四年，严辰重修扩建。同治七年，书院建成功，根据程朱理学家张扬园先生个治学格言“大凡为学尤须立志”当中“立志”二个字作为新书院个名字，严辰做立志书院院长。茅盾小时候辰光在搿墩上学堂。
昭明太子念书场化
[编辑]
昭明太子念书场化勒勒乌镇市河河西。靠南朝梁武帝太子萧统曾经勒搿墩设馆念书而得名，为桐乡市重点文物保护单位。昭明太子名萧统，两岁辰光拨立为皇太子。根据清乾隆《乌青镇志》记载，梁天监二年（503年），萧统跟好仔伊老师沈约来乌镇念书，而且建仔一座书馆。
修真观
[编辑]
修真观勒勒古镇中心观前街，兴华路西面，门面前有一个小广场，对面靠东市河是一个古戏台。北宋咸平元年（998年），道士张洞明勒搿墩结庐， 修真得道，创建“修真观”。解放之后，修真观多星地方坍下来，有段辰光做别样事体，后来拨拆脱。乌镇变成功旅游景点之后，当地政府为仔发展旅游，拨专款，帮修真观按照历史原貌修复。乃歇个修真观设三进，一进是山门，二进是东岳大殿，三进是玉皇阁；两边分设十殿阎王、瘟元帅、财神等配殿。修真观对面个古戏台经常有桐乡花鼓戏演出。
宏源泰染坊
[编辑]中国的蓝印花布世界闻名，乌镇则是蓝印花布的原产地之一。宏源泰染坊始创于宋元年间，原址在南栅，清光绪迁址于此，系蓝印花布制作基地，也是蓝印花布制品集散中心。
木心故居纪念馆
[编辑]东栅财神湾186号个晚晴小筑是作家木心个故居。1999年，乌镇旅游公司着手进行东栅古迹修复搭仔景区开发个辰光拿以修复好。2005年，木心接受老家乌镇个邀请回国定居，2011年10月份因肺部感染住医院，12月21号弗幸故脱。木心故居经历三年个规划，2014年5月25号，以纪念馆个形式正式开放，展出木心个照片、手稿、画搭仔部分遗物。
乌镇还有弗少景点：
- 汇源当铺
- 乌青水龙会
- 香山堂药店
河道
[编辑]- 东市河
- 南北市河
- 财神湾
古桥
[编辑]- 逢源双桥
- 仁义桥
- 永安桥
- 仁寿桥
- 应家桥
- 挹秀桥
- 太平桥
- 仁惠桥
- 福惠桥
- 仁德桥
古街
[编辑]- 东大街
- 观前街
- 常丰街
- 横街
- 茶叶弄
- 染店弄
- 周家弄
- 孔家弄
古镇名人
[编辑]特产
[编辑]友好城市
[编辑]
参考
[编辑]- ↑ 中共嘉兴市委组织部编（2009年12月）．中国共产党浙江省嘉兴市组织史资料 第4卷．杭州：浙江人民出版社，300-301．ISBN 978-7-213-04176-1．
- ↑ 首届世界互联网大会闭幕 永久会址牌匾授予乌镇. 杭州网 (2014-11-22). 原始文档勒2014-11-29存档.
| 中华人民共和国浙江省嘉兴市桐乡市行政区划 | 
| ||||||||
| |||||||||
| 吴越江南名古镇列表 | 
| ||||
| |||||
