东京铁塔

东京铁塔（日文：東京タワー／とうきょうタワー^{Tōkyō tawā}，英语：Tokyo Tower，中文也翻译成东京塔）是勒拉日本东京港区芝公园个一座电波塔。伊拨巴黎埃菲尔铁塔当成范本来建造，高333公尺，比前者高13公尺，封顶以后就变成仔东京著名地标搭观光个景点。正式个名头是日本电波塔（日文：日本電波塔／にっぽんでんぱとう^{Nippon denpatō}），箇個也是箇隻塔个营运机构个名头。

简介

东京铁塔是建筑师內藤多仲搭日建设计株式会社一淘设计个。高332.6米^[1]，搭埃菲尔铁塔相比较（324米）高出8.6米，比东京天空树矮301.4米，比广州塔矮267.4米，是世界第三高个自立式铁塔，重4,000吨，搭重7,300吨个埃菲尔铁塔相比重量大幅减轻，勒1957年6月29号开工，勒1958年10月14号竣工，12月7号正式公开，12月23号举行竣工仪式，开始正式营业。三分之一用来建塔个钢铁，来自韩战个辰光美军坦克个废铁^[2]^[3]。东京铁塔勒150米高个地方设有大瞭望台，249.9米高个地方设有特別瞭望台，好一览東京都内个景色，晴天世界好远望富士山。勒拉铁塔正下方个地方建有四层个东京铁塔楼，除脱设置通到展望台个出入口，还有东京铁塔水族馆搭各式纪念品个小卖店。

东京铁塔个颜色是红白相间，是因为航空交通管制个规定以方便飞机识别。近年来大众个景观要求上升咾，铁塔已经无得颜色限制哉，但是原有个颜色还是箇浪保留下来。灯光照明呢是世界著名个照明设计师石井干子设计主持个，照明时间勒日落到午夜0点（凌晨）之间个辰光。灯光颜色随季节变化，夏天公是白颜色，春、秋、冬是橙颜色。

箇個塔除脫主要用來发送电视、广播搭各种无线电波，还勒大地震发生个辰光发送JR电车搭列车个停止信号，也有航标、风向风速测量、温度测量等功能。由于日本个类比电视播放勒2011年7月24号个辰光终止，畀数字电视取而代之，为仔改善收讯个品质，2013年開始改由勒垃东京墨田区浅草押上、标高634米个东武铁道东京晴空塔取代东京铁塔承担个电视讯号发射个功能。

广播电视信号传送

1. 特別瞭望台
2. 大瞭望台
A: VHF 类比电视信号天线（NHK、民间放送、放送大学）
B: UHF 数字电视信号天线（NHK、民间放送）
C: UHF 东京MX电视信号天线　※类比、数字同个辰光
D: VHF 数码音声信号天线
E: FM放送天线
F: 微波中转设备天线

模拟信号设备

铁塔刚建立个辰光，模拟信号送信所设立勒拉第五层，出于安全个理由，箇里弗对外开放，各电视台信号设备（送信机）概要如下：

**模拟信号设备一览(TV)**
电视台名	呼号	频道	天线功率	有效辐射功率
NHK综合	JOAK-TV	1	图像50kw／音声12.5kw	图像240kw／音声60kw
NHK教育	JOAB-TV	3		图像270kw／音声69kw
日本电视台	JOAX-TV	4		图像370kw／音声94kw
TBS电视台	JORX-TV	6		图像380kw／音声95kw
富士电视台	JOCX-TV	8		图像370kw／音声92kw
朝日电视台	JOEX-TV	10		图像370kw／音声91kw
东京电视台	JOTX-TV	12		图像370kw／音声93kw
东京都会电视台	JOMX-TV	14	图像10kw／音声2.5kw	图像17kw／音声4.2kw
放送大学学园	JOUD-TV	16	图像50kw／音声12.5kw	图像330kw／音声81kw

上头个信号天线侪勒特別展望台上头个最顶浪相，排列顺序如下头：NHK综合、NHK教育（以上两台共用）、朝日电视台、富士电视台、TBS电视台、日本电视台（以上两台并列）、东京电视台、放送大学（以上侪是广域信号，仅NHK教育为全国放送）。MX电视台开设个县内放送，因信号范围限于东京都内，信号天线勒较低个位置。