上海中山公园

拆脱围墙个上海中山公园（2022年11月）

上海中山公园（英语：Zhongshan Park；上海闲话：tson sae kon yoe），一座勒拉上海长宁区内环内个公园。总面积21.42万平方米，箇当中水域面积1.22万平方米。

中山公园老底子叫伊兆丰花园或者极司非而花园（英文：Jessfield Park），本来是英国兆丰洋行行长、地产商霍格（Hogg）勒拉上海西郊个私家花园。1914年，上海公共租界工部局拿伊个一部分改造成公园，叫伊兆丰公园，是越界造路个一部分。1943年，日本占领军拿租界交还畀汪精卫政权，兆丰公园改名成中山公园，箇只名字一直用到现在。

2016年6月30号开始，中山公园变成功24小时开放个公园。2022年9月8号上半天，中山公园万航渡路沿线个围墙拆脱。2023年6月25号，北横通道占用个陈家池、大石桥两处景点恢复开放。2024年10月26号，中山公园发布公告，表示内部调整，公园从2024年10月27号下半天14点钟开始闭园，恢复开放辰光另行通知。