三生三世十里桃花（電視）
《三生三世十里桃花》(英文：Ten great III of peach blossom)是从唐七公子写个同名小说改编个，是一部讲述一场历经三生三世之爱情纠缠情结个古装玄幻爱情仙侠剧。个部电视剧是由上海剧酷文化传播有限公司、海宁嘉行天下影视文化有限公司、上海三味火文化传播有限公司共同出品个，导演是林玉芬，主要演员是杨幂和赵又廷，另外还有张智尧、高伟光、黄梦莹、连亦名、张彬彬、祝绪丹、迪丽热巴等连袂领衔主演。
剧情描述[编辑]
讲个是青丘狐帝君个小女儿白浅特之九重天个太子夜华两家头之间个经过三生三世情缘。
- 第一世：是白浅五万岁个辰光，伊女扮男装，经过折颜上神个引荐，拜天族个头一位战神墨渊为师父，化名叫做「司音」。后来翼族个帝君擎苍想一统天下，就向天族挑起战争，战神墨渊拿自家个元神来生祭东皇钟，再拿擎苍封印到无妄海-东皇钟里厢。翼族个二皇子离镜，勒擎仓畀了封印进东皇钟之后发动宫廷政变，做之翼君，伊个家主婆是玄女。
- 第二世：七万年后擎苍预破出封印，青丘上神白浅想再次拿擎苍封印起来，但自家法力不足不是对手，反而畀擎苍封印脱全身仙力，下凡至东荒俊疾山做凡人。伊特天族太子夜华相遇、相恋，夜华特伊取名叫做「素素」。后来带伊进了天宫，但爱慕夜华个素锦就耍尽心机，挑拨素素与夜华之间个感情，还想办法陷害素素逼夜华挖脱伊两只眼睛，素素绝望锝来纵身跃下诛仙台而死。
- 第三世：因诛仙台个戾气破解封印，恢复之伊个青丘上神白浅身份，为了忘记夜华，白浅吃了忘情水。但三百年后两家头勒东海又重逢，夜华认出白浅就是素素，跟牢陪牢白浅还喊醒了伊个记忆。但白浅想起老早个仇怨，邪气恨夜华冷漠无情挖脱自家个眼睛，就再也不肯原谅夜华。正好个辰光擎苍又醒转来了，夜华来不及解释，亲自特擎苍对战，付出元神封印东皇钟，面对魂飞魄散的夜华，白浅悔恨自责。还好三年之后，夜华苏醒了，两家头终于再续前缘。
演员[编辑]
| 演员 | 角色 | 描述 | |
| 赵又廷 | 夜华/墨渊 | 五万岁，灵魂是父神次子，父神嫡子墨渊的同胞弟弟；托生后成为九重天天君个长孙，五万岁辰光畀封为天族太子。三百年前，爱上之凡人素素，却勿晓得那只是被历劫封去仙力和记忆个自家未婚妻青丘白浅上神，历经三生三世爱恨纠缠，终成眷属。 法器：墨渊：轩辕剑；夜华：青冥剑 | |
| 杨幂 | 白浅/司音/素素 | 十四万岁，是青丘狐族白止帝君个小女儿。年少辰光拜了天族个战神墨渊做伊师傅。后经历劫难变成凡人素素，特之九重天太子夜华生了一个儿子，历经三生三世个纠缠之后，再结成夫妻。 法器：玉清昆仑扇 | |
| 黄梦莹 | 素锦 | 先烈之后，被封做昭仁公主。勒九重天陪伴夜华长大，爱慕夜华，被天君赐畀夜华做侧妃，但伊害之白浅(素素)好几趟，最后被贬下凡，开除脱仙籍，列入六道轮回，去历经百世情劫。 | |
| 张艺瀚 | 阿离(称：团子) | 夜华和白浅的儿子，是九重天上个小天孙。乳名：阿离，是白浅勒化为凡人素素个一世特夜华生个孩子，出生后一直特夜华生活在九重天浪厢。 | |
| 高伟光 | 东华帝君 | 伊呒没爷娘，生勒碧海苍灵，掌管六界生死，为了四海八荒，不近女色，是天地共主，禅位畀现任天君，身分高贵，连天君对伊也蛮尊敬个。是白凤九个心上人，为了还她个情债，下到凡间去历劫，勒凡间个辰光搭凤九(陈贵人)结为夫妻。 | |
| 迪丽热巴 | 白凤九/陈淑妃 | 四海八荒独一无二个九尾红狐，额骨头浪有一朵凤尾花胎记。是白浅二阿哥白奕个女儿，也是白浅唯一个亲侄女，因为出生勒九月，故取名叫凤九。爱慕东华帝君。在凡间报恩时借用陈贵人肉身，后来升作淑妃，助东华帝君历劫。 | |
| 连奕名 | 擎苍 | 翼族个先君。翼族之乱畀墨渊封印勒无妄海-东皇钟里厢。最后死勒夜华手里。 法器：方天画戟 | |
| 杜俊泽 | 离怨 | 本是翼族大皇子。一心继承王位，深切满腹阴谋诡计，热衷于权势，不顾兄弟之间个感情，只可惜机关算尽，还是逃不过命运个安排，让离镜当上了皇位，被关押在老冷个地方，最后畀玄女杀了自己。 | |
| 张彬彬 | 离镜 | 本是翼族二皇子，勒擎苍被封印于东皇钟后，发动宫变成为大紫明宫新任翼君。 风流多情，英气风发、器宇轩昂。曾经搭司音相爱，误会司音欢喜墨渊，所以勒见到特司音长得一样个玄女时，畀玄女勾引，移情玄女，背叛司音。伊后来后悔，但白浅却已经爱上之夜华，终失所爱。 | |
| 祝绪丹 | 玄女 | 白浅大阿嫂个妹妹，外貌搭白浅有眼象。帮助翼族盗取天族个阵法，害得墨渊只好生祭东皇钟。后来嫁畀离镜，又勒素锦个帮助下抢走墨渊仙体，畀白浅重伤，最后伊杀脱离怨，自家死勒离镜怀里厢。 | |
| 代斯 | 胭脂 | 翼族公主，翼君离镜个妹妹。曾经误会司音是男人而喜欢过司音。伊搭子阑有缘无份。 | |
| 张智尧 | 折颜 | 伊是远古个上神。原身是开天辟地以来大洪荒时代孕育出个第一只凤凰，勒个搭伊是十里桃林个主人，与白浅四阿哥白真交关要好。 法器：伏羲琴。 | |
| 于朦胧 | 白真 | 青丘白止帝君第四子，白浅个四阿哥。 | |
| 张宥浩 | 迷谷 | 树精，是青丘个事务管家。 | |
| 安悦溪 | 少辛 | 白浅救过个一条巴蛇，后来搭二殿下桑籍相恋。 法器：破云扇。 | |
| 王骁 | 司命星君 | 东华帝君个下属，主攻八卦、谱世人个命格，搭白凤九友谊关系蛮好。 | |
| 蒋恺 | 天君 | 帝君禅位后继任天族之主。伊个性霸道，总归认为自家所做所为肯定是全部正确个。 | |
| 刘晓晔 | 乐胥仙子 | 央错夫人、夜华个母妃，伊修为一般，地位虽高但智慧勿大高，经常畀素锦挑拨，针对素素及白浅。 | |
| 王若麟 | 桑籍 | 天君二皇子，伊原来是白浅个未婚夫，但勒去探访白浅个辰光看中之少辛，就带勒少辛私奔。天君震怒下拿伊贬作北海水君，伊搭少辛生了一个儿子，一直住勒北海。 | |
| 李东恒 | 连宋 | 天君个三皇子，搭夜华关系极为亲密。 | |
| 王汀 | 成玉元君 | 三皇子连宋个心上人，是从凡界修行有成飞升上天个女仙，被天君封为元君，搭白凤九关系也牢好。 | |
| 李芯逸 | 瑶光上神 | 天族上神，爱慕墨渊，拿府邸搬到昆仑虚。来勒天、翼两族大战辰光，伊献出自家个生命来引开翼族兵力，使得天族大获全胜。 | |
| 王秀竹 | 缪清 | 东海水君个妹妹。伊爱慕夜华，但是进入洗梧宫以后畀素锦利用，在羹汤里厢百春药迷惑夜华，结果是畀赶回东海。 | |
| 杨安琪 | 奈奈 | 素素身边个宫女，对素素是忠心耿耿。 | |
| 张冉丹 | 辛奴 | 素锦个侍女，伊经常帮素锦做坏事体，出谋划策来害白浅(素素)。 | |
| 赖艺 | 迭风上仙 | 墨渊个大弟子、是西海水君个二皇子。 | |
| 宋海颉 | 二师兄 | 墨渊个二弟子。 | |
| 张赫 | 令羽 | 墨渊个九弟子，伊有天分人聪明，交关会讲闲话。来勒天族特翼族个大战当中，被翼君派了做开战的棋子，结果因而阵法被破而战死。 | |
| 刘芮麟 | 子阑上仙 | 墨渊个第十六弟子，特白浅勒同一天拜师。伊特翼族公主有缘无份。 |
电视剧原声带[编辑]
| No. | 歌曲名 | 主唱 | 備註 |
| 1 | 凉凉 | 杨宗纬/张碧晨 | 片尾曲。 |
| 2 | 三生三世 | 张杰 | 片头曲。 |
| 3 | 思慕 | 郁可唯 | 主人公人物曲。 |
| 4 | 繁花 | 董贞 | 插曲。 |
| [5 | 就算没有如果 | 香香 | 桃花插曲。 |
| 6 | 凉凉(伴唱版) | 片尾曲。 | |
| 7 | 三生三世 (伴唱版) | 片头曲。 | |
| 8 | 思慕 (伴唱版) | 插曲。 | |
| 9 | 繁花 (伴唱版) | 插曲。 | |
| 10 | 就算没有如果 (伴唱版) | 插曲。 |