三生三世十里桃花（電影）
《三生三世十里桃花》(英文名字叫Once Upon a Time)个只电影是从唐七公子写个同名小说改编个，里厢个内容是讲天族个太子夜华特之青丘狐帝个小女儿白浅两家头之间个旷世恋情，是一部古装玄幻爱情仙侠剧。 个只电影是阿里影业、儒意影业两家电影公司联合出品。由赵小丁特之一个外国人安东尼．拉默里纳拉联合导演，除脱由杨洋特之刘亦菲演男女主角之外，还有罗晋、严屹宽、李纯、顾璇、彭子苏等领衔演出。
剧情描述[编辑]
电影里讲个是青丘狐帝个小女儿白浅特之九重天太子夜华勒三生三世当中个情缘。
- 第一世：白浅女扮男装，拜之天族个战神墨渊做师父，伊自家化名叫做「司音」。后来鬼君擎苍发动了战争，为了对付伊墨渊用自家个元神生祭东皇钟，再拿擎苍封印勒无妄海里个东皇钟里厢，但伊自家个灵魂也散脱就死脱了。
- 第二世：白浅降到凡间变成之一个勿记得前世个凡人素素，伊碰着了天族太子夜华，两家头生之一个儿子叫阿离(昵称：团子)。后首来因为素锦挑拨伊拉个关系，伊从诛仙台浪跳下去灰飞烟灭，但也就解脱了伊凡人个封印，而恢复原来个青丘白浅个上神身份。她勿想记牢这段情伤，就吃之忘情水来忘记特夜华相爱个过程。
- 第三世：狐族与天族为了结两族之好，拿白浅许配畀九重天太子夜华。两人来勒东海个海宴又碰着，个辰光白浅勿认得夜华了，不过夜华倒认出了伊，以未婚夫个身份对伊，两家头展开了三生三世个十里桃花之恋。
演员[编辑]
| 演員 | 角色 | 简介 |
| 刘亦菲 | 白浅/司音/素素 | 十四万岁，是青丘狐族白止帝君个小女儿。年少辰光拜了天族个战神墨渊做伊师傅。后经历劫难变成凡人素素，特之九重天太子夜华生了一个儿子，历经三生三世个纠缠之后，再结成夫妻。。 |
| 杨洋 | 夜华/墨渊 | 五万岁，是天族个太子，爱上了凡人素素，但勿晓得伊只是被历劫封掉仙力和记忆个本来自家个未婚妻青丘白浅上神，历经三生三世爱恨纠缠，两家头终于结婚了。 |
| 罗晋 | 折颜 | 伊是远古个上神。原身是开天辟地以来大洪荒时代孕育出个第一只凤凰，个搭伊是十里桃林个主人。 |
| 严屹宽 | 擎苍 | 鬼族个天君。伊发动鬼族个叛乱之后打勿过，畀墨渊封印勒无妄海个东皇钟里厢，最后死勒夜华个手里。 |
| 李纯 | 素锦 | 夜华个侧妃。伊害之白浅(素素)好几趟，最后畀勒流放出去看守无妄海。 |
| 顾璇 | 玄女 | 鬼君个女儿。 |
| 彭子苏 | 白辰(小名叫阿离/昵称：团子) | 夜华和白浅的儿子，是九重天上个小天孙。乳名：阿离，是白浅勒化为凡人素素个一世特夜华生个孩子，出生后一直特夜华生活在九重天浪厢。 |
电影个主题曲[编辑]
歌名：《三生三世十里桃花》[1]
作词：丁丁张
作曲：陈光荣
编曲：钱雷
演唱：那英
勒海内外首映个日脚[编辑]
中国大陆2017年8月3日 越南 2017年8月11日 北美 2017年8月11日 马来西亚2017年8月17日
另见[编辑]
三生三世十里桃花(电视)
参考文献[编辑]