梅林

来自 吴语维基百科
蹦到: 导航搜寻


梅林(Merlin)
别名 梅林传奇
类型 家庭剧

中世纪魔幻剧

原创 Julian Jones

Jake Michie
Johnny Capps
Julian Murphy

演出 Colin Morgan

Bradley James
Angel Coulby
Katie McGrath
Richard Wilson
Nathaniel Parker
Anthony Head
John Hurt

主题音乐作者 Rob Lane
开场主题 “梅林到卡美洛特”
结局主题 “命运召唤”
原产国 英国
语言 英语
系列数 5
集数 65
制作
执行制片人 Julie Gardner

Bethan Jones

拍片地 威尔士

法国

每集长度 45-50分钟
制作公司 Shine Television
发行商 FremantleMedia
播映
首播频道 BBC壹台

BBC壹台高清(第四、五季)

视频制式 1080i (HDTV)
音频制式 杜比音效5.1
播出日子 2008年9月20号

2012年12月24号

外部链接
官方网站

IMDb介绍

箇篇文章是講梅林电视连续剧,弗包括別墶梅林搭界个信息

梅林,亦叫梅林传奇(英语原名:Merlin),是英国一部魔幻冒险个连续剧,由Julian Jones, Jake Michie, Julian Murphy and Johnny Capps创作。箇部剧勒2008年9月20号到2012年12月24号期间BBC(英国广播公司)壹台放映。箇部剧整体是以阿瑟王传奇(Arthurian legends)里年轻巫师梅林同阿瑟·潘德拉根个故事当蓝本,但是同传统个版本亦有弗同。

箇部剧屡经失败之后,勒2006年通过BBC批准。箇个系列勒2008年首播,评价褒贬弗一,不过评分较高,而且勒BBC个数字追看服务iPlayer里蛮流行。有了第一季个流行,BBC决定接落去拍第二季,同时美国一家广播公司NBC看中箇部剧,后些来因为评价较低搬到了有线网络Syfy。2012年个辰光,箇部剧个制片人宣布第五季是顶后一季,顶末脚两集合起来当结尾。

英國當地外头,本劇版權販卖到海外各地[1],像德國法國加拿大美國澳洲中國土耳其日本香港台灣箇些地方。

情节纲要[编辑]

徕充满魔法个时代里,卡美洛特王国个命运同未来会掌控徕一个年轻魔法师--梅林手里,佢会得辅佐阿瑟王子,好帮佢成为一个伟大个国王,来创造一个新个太平个王国。徕𡍲以前佢会要经历交关考验,顶后梅林会帮阿瑟得到帝王之剑,让阿瑟顺利个登到卡美洛特王国个王位。

第一季
梅林从老家来到宫廷寻盖亞斯学艺,徕望着盖亞斯个时光自家会魔法个秘密畀盖亞斯发觉,后些来盖亞斯告送梅林畀自身个天赋用徕正道。梅林还邂逅了锁徕城堡毛深地个古代巨龙,巨龙告诵佢自家身背宏大个命数,箇艱鉅个任务就是保护阿瑟,让阿瑟当未来个国王。为仔可以徕阿瑟身旁保护佢,当了阿瑟个贴身仆人。但事体勿像梅林想得介顺利,邪恶女巫妮摩薇发现了梅林身背个宏大命数,就施计图谋陷害梅林……
第二季
烏瑟国王个养女儿摩嘉娜逐步发觉自家蕴藏个强大力量,为了逃避烏瑟屠杀魔法师个暴行而私自去寻古老宗教帮忙。因为共娘隔爷个姐姐莫高絲个出现,两人就联手共同打击卡美洛特王国。梅林发现了摩嘉娜个异变,就企图阻止佢个行动,为了拯救王国梅林逼勿得已用毒药害煞摩嘉娜,徕关键时刻,莫高絲畀奄奄一息个摩嘉娜带巴去。多回帮梅林个巨龙来煞勿及要求梅林让佢重得自由,到底梅林还是劈断紧锁巨龙个锁链。巨龙也終究反攻卡美洛特王国,末脚梅林收服巨龙成为了御龙人。
第三季
一年后,烏瑟派阿瑟领军队寻摩嘉娜,畀摩嘉娜带回了卡美洛特王国。箇时光个摩嘉娜已经勿是原先个摩嘉娜了,佢箇毛已经是安排徕卡美洛特王国里个奸細,图谋减弱卡美洛特王国个核心势力再要杀掉烏瑟。摩嘉娜邪恶计划回回向畀梅林破坏,徕无形当中成为梅林个对手。徕一次偶然个事故里晓得佢实际浪是烏瑟个嫡亲女儿,有权推翻烏瑟道阿瑟来继承卡美洛特王国个王位,徕姐姐莫高絲个帮衬之下,摩嘉娜利用各种手段企图陷害阿瑟等人,而阿瑟个未来还有王国个未来会陷进水深火热当中……
第四季
摩嘉娜夺权计划失败后,带领奄奄一息个莫高絲逃出卡美洛特,徕萨温节夜里,摩嘉娜徕莫高絲个要求之下畀她血祭,好打破世界同灵界个隔膜,再创出一个新世界;灵界守门人冬之靈告诵佢,有一个叫艾默瑞斯个人会成为佢个劫数,从今之后摩嘉娜就躲徕树林深地一个黑屋里,并利用阿瑟个舅舅艾格瑞凡计划打击卡美洛特,并寻艾默瑞斯藏所。摩嘉娜个背叛害得乌瑟着底消沉,勿理朝政,末脚徕摩嘉娜个计底下勿幸驾崩,后头阿瑟继承了王位……
第五季
摩嘉娜神秘失踪了两年之后,带领撒克逊人组起个大军再次威胁阿瑟统治个卡美洛特。而箇时光德鲁伊男小鬼莫卷德也再出现徕阿瑟道梅林面前,亦成为了卡美洛特个骑士之一。莫卷德个出现表示阿瑟注定会畀德鲁伊人杀死个预言开始应验,危险正逐步逼近卡美洛特。晓得一切真相个梅林为了阻止预言成真,好两回同摩嘉娜发生冲突,不过勿管怎样去救阿瑟也为时已晚,阿瑟就要徕名叫剑栏个大平原浪迎来佢个末期……

出场角色[编辑]

主要角色[编辑]

梅林(Merlin)/艾默瑞斯(Emrys)
柯林•摩根/中国大陆配音:王磊/台湾配音:孫國卿/日本配音:浪川大輔
卡美洛特王国个年轻魔法师,因受娘个教导来到宫庭投靠蓋亞斯,后畀蓋亞斯收为养子。箇毛是阿瑟个贴身仆人,一切都为了让阿瑟未来可以成为一个伟大国王。由于王国里勿准有人用魔法就朝任何人隐瞒了自家会魔法个事实,盖亞斯除外。由于梅林身背让魔法重回卡美洛特个宏大命数,畀德鲁伊一族叫“艾默瑞斯(Emrys)”。佢背地里帮阿瑟解决了勿少难题,还专门救陷徕水深火热里头个卡美洛特王国,只希望有一日阿瑟能够真正认着真正个佢,还有让佢接受魔法并勿邪恶个事实。故事末脚,反叛个莫卷德畀梅林个真正身份告诵摩嘉娜,摩嘉娜为了消灭阿瑟用计让梅林法力全失。梅林为了救阿瑟,徕水晶洞里通过父親寻回了自家个自信并且再一回擁有魔力,帮阿瑟成功击退摩嘉娜率领个撒克逊军队,虽然是介,佢还是没阻止预言个成真。顶后为了救阿瑟个命,独自家带阿瑟到阿法隆治疗。徕路浪,梅林畀自家个秘密告诵了阿瑟……
故事顶后个镜头里年迈个艾默瑞斯出现徕现代世界里,表示艾默瑞斯讲勿来有长生勿死个本事。
阿瑟•潘德拉根(Arthur Pendragon)
演:布拉德利•詹姆斯/中国大陆配音:孙星/台湾配音:何志威/日本配音:前野智昭
卡美洛特王国个年轻王子。徕没碰到梅林之先性格骄傲亦自大。实际浪佢出生徕女巫妮摩薇个魔法。父王驾崩后继承了王位,并迎讨了格温。佢英勇善战,徕生活高顶佢离勿开梅林,勿管是吃穿居行统要梅林一手包落。佢从来都勿晓得梅林身背个宏大使命,一直以为佢就是一个垯了都勿是个普通仆人。徕登着卡美洛特个王位后,因父王死徕魔法,还是没接受魔法反过来对异教有毛深个想法,因为介受到三相女神顶严厉个审判道诅咒,假使阿瑟勿接受异教,佢就硬会迎来灭亡。共爷隔娘个姐姐摩嘉娜对佢深恶痛绝,三日两头想要阿瑟个命,因梅林阻止,阿瑟才仔难里幸免。故事末脚徕阿瑟勿当个决定底下导致莫卷德造反,并且徕剑栏一战浪丧命徕莫卷德手里。佢个传奇一生就介结束,畀后人赞为“永恒之王”。
格温维尔•潘德拉根(Guinevere Pendragon)
演:安吉儿•库尔比/中国大陆配音:唐烨/台湾配音:傅其慧/日本配音:林真里花
大家吼佢“格温(Gwen)”。佢原是摩嘉娜个贴身侍女,佢皮肤墨黑,性格和善,并对阿瑟有特殊好感。父亲是一个造武器个铁匠,因遭陷害畀乌瑟正法。摩嘉娜背叛卡美洛特之后,预晓格温会登到卡美洛特王座成为王后,所以摩嘉娜畀佢望作眼里钉,打算做掉佢。摩嘉娜计划失败之后,格温答應了阿瑟个求婚,顶后册封為卡美洛特王國个王后。第五季里畀摩嘉娜劫到暗黑塔里黑化成为摩嘉娜个帮凶,企图弄阿瑟到死地,末脚因梅林个帮衬成功摆脱摩嘉娜个控制。阿瑟死后,佢继承卡美洛特个王位。
摩嘉娜•潘德拉根(Morgana Pendragon)
演:凯蒂•麦克格雷斯/中国大陆配音:王俪桦/台湾配音:汪世瑋/日本配音:弓場沙織
烏瑟个养女儿。地位相当于公主。佢一直来认为自家是格洛斯个女儿。并且摩嘉娜生来有先出世个特异功能(可以梦到未来讲勿来会发生个事,所以睏觉一直勿好)。第二季里自家个魔法能力勿当心展现出来,佢发觉自家身带魔法就生出恐惧心理,后头因共娘隔爷个姐姐莫高絲个出现,走进一埭对抗卡美洛特王国个勿归路。实际浪佢是烏瑟同康沃尔公爵格洛斯老娘(薇薇安妮)个私生女儿,徕莫高絲个帮衬之下,佢企图道阿瑟等人对抗,徕晓得自家是烏瑟嫡亲女儿个情况之下受到莫高絲个教唆,萌发出登到卡美洛特王位个野心,但计划总是畀梅林阻止。第三季后头,魔力因莫高絲个影响勿断变强。第四季里继莫高絲后,成为古教个高等女祭司,也是三相女神群族个末裔,带牢强大个魔力回归卡美洛特,佢不只熟悉各种强大个魔法家生,还会用衰老咒长时光老化自家个样貌。佢是女巫个身份曝光后,带身负重伤个莫高絲逃出卡美洛特,后来就一直藏徕树林深地,先后利用艾格瑞凡、海琉斯等人寻艾默瑞斯个真正身份并图谋攻打卡美洛特,但全部以失败告终,顶后奄奄一息个时光,畀名叫“艾苏萨”个白龙救落。徕以后个两年里,摩嘉娜同艾苏萨畀五大王国之一个统治人萨拉姆(Sarrum)囚徕黑没天日个活死人墓里,后来摩嘉娜带艾苏萨成功逃掉,并道撒克逊人联盟攻打卡美洛特,并徕里首寻阿瑟个克星还有查艾默瑞斯个真正身份。莫卷德背叛阿瑟过后,摩嘉娜晓得梅林就是艾默瑞斯,并让梅林法力全没。摩嘉娜就像预言里讲个样要道莫卷德组成黑暗联盟,一道发起剑栏一战。故事顶末脚摩嘉娜徕拦梅林同阿瑟去阿瓦隆个路浪,畀梅林用龙息之剑𧰵杀。
蓋亞斯(Gaius)
演:理查德•威尔森/中国大陆配音:郭政建/台湾配音:徐健春/日本配音:山野史人
卡美洛特王国个宫廷御医,也是梅林个导师,并畀佢当自家个养子。时刻教导梅林畀魔法用徕正道。同时也是个深藏勿漏个老法师,自从魔法遭禁之后,因出卖同道人(妮摩薇等)有功,后免掉死刑反过来加封宫廷御医,从今再勿提起魔法搭界个任何事体,並成为国王边浪顶信任个人之一。
烏瑟•潘德拉根(Uthur Pendragon)
演:安东尼•海德/中国大陆配音:任亚明/台湾配音:孫德成/日本配音:菅生隆之
卡美洛特王国个先代国王。阿瑟个父王。勿惜一切代价要消灭会魔法个人。由于摩嘉娜个背叛,佢一直消极过日子,后头徕保护阿瑟个时光勿当心畀剑𧰵到要害,阿瑟请求老法师(畀梅林感化,为了让阿瑟接受会魔法个人)用魔法畀佢治好,因摩嘉娜从中作梗,乌瑟再没回天之力。

圆桌骑士[编辑]

蘭斯洛特(Lancelot)
演:桑地亚哥•卡布瑞拉/日本配音:宮內敦士
蘭斯洛特是王國个局外人。原道格温维尔相愛,後來成了卡美洛特个騎士。徕第四季里畀譽為顶高貴个騎士,故事開頭勇敢犧牲自家救大家,卻畀摩嘉娜復生了灵魂还加以利用破壞阿瑟同格温个感情,任務完成後受摩嘉娜个命令自杀。
葛文(Gwaine)
演:约恩•麦肯
忠誠个流浪人,常駐徕酒吧騙吃騙喝。多回援手阿瑟與梅林,顶後冊封為卡美洛特个騎士。故事末脚畀摩嘉娜利用纳萨尔蛇穿通灵魂死掉。
珀西瓦尔(Percival)
演:汤姆•霍珀
原是丛林里个流浪人。因帮阿瑟等人从摩嘉娜道莫高絲手里夺转卡美洛特成为圆桌骑士里头一个,徕班圆桌骑士里条干顶长大魁梧。
崔斯坦(Tristan)
演:里克•英格利什/配音-克里斯托夫•費爾班克斯
深愛伊索德,高過一切东西。伊索德死後进到卡美洛特箇班圆桌骑士。
伊利安(Elyan)
演:阿德托迈娃•伊顿
格温个阿哥大。佢徕年輕个時光(系列開始以前)就外出旅游了,格温同佢有好两年沒联系過,勿曉得阿哥是死是活。徕森瑞德國王畀倆兄妹押到年輕个王子阿瑟面前逼佢伏法个時光,伊利安道格温才仔相認。救佢个時光,格温曾今介讲過自家个阿哥,「佢是從来勿考慮安頓落來个人,從勿畀未來著想;一向来自由自便」,而且佢歡喜「徕顶危險个時光蹲徕顶危險个地方」。徕逃脫个路浪,阿瑟對伊利安个用劍技巧印象危险深(也驚当天人),佢相當讚賞伊利安。佢繼承了父親鐵匠个衣缽,並道格温一道蹲徕卡美洛特。徕第五季里为了救出囚徕黑暗塔个格温维尔而畀摩嘉娜放了魔法个剑剢死。
里昂(Leon)
演:鲁伯特•杨/日本配音:菊本平
本来就是跟牢乌瑟道阿瑟个一个骑士。对卡美洛特王国忠心勿二,徕一回大战里勿幸翘辫子,后畀德鲁伊族人用生命之杯个圣水救活。阿瑟继任国王后,成为圆桌骑士成员。故事末脚成为辅佐女王个一个骑士。
莫卷德(Mordred)
演:亚历山大•沃霍斯(大起来)、阿萨•巴特菲尔德(小时光)/台湾配音:李冠洁/日本配音:白石涼子(小时光)
德鲁伊一族个男小鬼,梅林、摩嘉娜、格温、阿瑟同蓋亞斯徕第一季个時光曾瞞牢國王救佢。有勿可思议个奇异本事。摩嘉娜个命运会同佢组成黑暗联盟,注定阿瑟统治个卡美洛特王朝要畀佢毁掉。徕第五季里帮阿瑟成功逃离摩嘉娜个魔爪而册封为圆桌骑士,并立誓效忠卡美洛特。而预言里佢就是𡍲个结果阿瑟性命个人。故事末脚,同莫卷德青梅竹马个德鲁伊女儿子头卡拉出现了,因梅林插手,阿瑟畀卡拉关进卡美洛特地牢里并判死刑,莫卷德从今之后就同阿瑟还有梅林结怨而投靠摩嘉娜。顶后徕剑栏一战里用摩嘉娜赐个龙息剑畀了阿瑟致命一击,佢自家也畀阿瑟个剑剢死。

龙族[编辑]

巨龍(the Great Dragon)/基尔加拉(Kilgharrah)
声:约翰•赫特/中国大陆配音:芒来/台湾配音:陳幼文/日本配音:堀勝之祐
锁徕卡美洛特王国地下个古代巨龙,每回梅林碰到困难,佢总会畀梅林指点迷津。第二季末畀梅林釋放卻破壞卡美洛特,顶後畀梅林收服。箇毛已自由,受梅林召喚出現,答梅林提出个各式難題。
艾蘇薩(Aithusa)
第四季里梅林因受到巨龙委托,道阿瑟等人冒险掸着个一颗龙蛋,也是世界浪顶后一颗。梅林畀佢起名“艾苏萨”,意思“光明个未来”,后头来破壳跳出一条代表奇迹个小白龙,畀巨龙带去。故事末脚再现身,勿明缘故救了奄奄一息个女巫莫嘉娜。徕2年个囚牢里,艾苏萨逐步长大,因活死人墓慢慢较容勿落佢,就发育畸形,导致残疾。直到摩嘉娜逃出来,一直跟牢摩嘉娜。

次要角色[编辑]

莫高絲(Morgause)
演:艾米丽雅•福克斯/中国大陆配音:张欣/台湾配音:?/日本配音:深見梨加
是摩嘉娜共娘隔爷个姐姐,康沃尔公爵同古教女祭司薇薇安妮个女儿。小时光因遭乌瑟个追杀畀蓋亞斯偷偷摸送出宫并畀佢托付畀古宗教个女祭司,后经古代宗教顶高女祭司个培训成为一个法力高强个女巫。佢身穿血红色个裙绸,徕佢畀摩嘉娜个匕首浪刻有古老宗教血卫士个标志。佢个唯一目的是笼络摩嘉娜一道讨伐卡美洛特王国。徕第二季里首回登场,用通灵召唤出阿瑟娘个魂同阿瑟对话,让阿瑟晓得佢出生个秘密,图谋让阿瑟道烏瑟决裂,但是没成功;第二季后期,佢召唤出300年前畀封印个梅迪亚骑士联合摩嘉娜一道攻进卡美洛特城堡,因梅林朝摩嘉娜放毒放弃进攻,并畀摩根娜带去了。第三季同森瑞德国王联盟几回攻占卡美洛特,因梅林插手也没成功;顶后得到生命杯,畀森瑞德个军队变成死亡骑士并永生勿死,成功帮摩嘉娜登基卡美洛特王位,后畀盖亞斯道梅林拦牢,尸首畀摩嘉娜带去。第四季里没因为撞击死掉,只勿过畀撞到右面孔毁容蛮严重;佢道摩嘉娜成功逃出卡美洛特之后,徕萨温节当日夜里来到神佑岛,并把自家个死作为送畀妹妹顶后个礼,让摩嘉娜用自家血祭,来打破世界同灵界个隔膜。
妮摩薇(Nimueh)
演:米歇尔•雷恩/中国大陆配音:杨冬雁/台湾配音:汪世瑋/日本配音:岡寛恵
是用强力邪恶魔法朝卡美洛特报复个年轻美丽女巫,也是生命杯个持有人,实际浪佢是古代宗教个女祭司,并掌控太古辰光大地母神个生死循环个古老魔法,并讲掉转生死硬只有一命掉一命,佢得勿到回报就没法放出逆转死活个本事。而且佢还有造出阿凡克、寻水兽箇样操控生死个魔法活体个强大力量。妮摩薇原先是乌瑟个好朋友,因皇后没法生育,乌瑟去求佢,佢还是用了古老个魔法让阿瑟顺利生落来,代价就是皇后个死,后来陷进悲痛里个乌瑟讲佢用邪恶黑魔法杀佢个爱妻,而把佢送到宗教法庭审判并一次灭掉古代宗教道佢个族人,为箇事体佢一直恨乌瑟入骨,并逃出卡美洛特,蹲徕黑暗个山洞里。几回透过山洞里个水镜,操控邪恶个魔咒朝卡美洛特王城散播瘟疫,放灾出难。徕烏瑟复仇个时光佢发现了梅林身背宏大使命。一回一回朝梅林同阿瑟出手,想弄煞佢垯。徕第一季顶后一集里因梅林求佢利用生命杯个圣水救活畀寻水兽伤到个阿瑟,但是付出代价个却勿是梅林,而是梅林个娘,梅林勿服,愿意用自家个命当代价,后来蓋亞斯主动隑出来愿意代替梅林死,蓋亞斯原先也认着妮摩薇,因老早魔法大清洗,蓋亞斯出卖群族,后畀妮摩薇加了叛徒个罪名而畀妮摩薇夺命,蓋亞斯死掉,梅林怒𡍲起来召来天雷把妮摩薇击毙了。徕第二季同第三季,佢个名字都徕剧里畀提起。
菲蕾雅(Freya)
演:劳拉•唐纳力/日本配音:永田亮子
生徕湖边个德鲁伊女小鬼。首回登场徕第二季。畀魔女猎手扣牢并打算把佢交畀烏瑟,好得赏金,后畀梅林救落,并把佢藏徕卡美洛特城堡个地道里头,两人慢慢较相恋。因畀魔女诅咒,每回深夜里佢会变作一只有翼膀个巨型黑豹袭击老百姓,后畀阿瑟同班骑士杀掉。伤心个梅林带临死个佢来到湖边,菲蕾雅立誓以后硬会报答梅林,后畀梅林火化。徕第三季顶后一集里,因梅林勿当心把装有阿法隆湖水个器皿打破,菲蕾雅现身徕水光里,引导梅林嘦徕阿法隆湖底掸着帝王之剑就可以消灭摩嘉娜个亡灵军。
卡翠娜/蹲洞怪(Catrina / Troll)
演:莎拉•帕里什
蹲徕深山里个女怪。原先是龙族个近亲,法力危险高强。为了贪图卡美洛特王国个地位同庞大财产饮落魔法药水,变作美女公主卡崔娜个样子同侍卫乔纳斯一道来卡美洛特,打算勾引乌瑟,让乌瑟封佢为卡美洛特王后。蹲洞怪乔装是成功,到底也没法子掼掉身浪蹲洞怪个恶习,佢欢喜吃烂个东西,闻臭个气子。后来计划畀梅林望出,现出本相,畀阿瑟一剑剢死。
乔纳斯(Jonas)
演:亚当•戈德利/日本配音:齋藤志郎
蹲洞怪个侍卫兼心腹。衣袍里首囥一条长尾巴。徕里首当蹲洞怪个施加魔法使役人,并时刻拦牢梅林破坏蹲洞怪个计划。后畀梅林用花瓶敲着脑壳头死翘。
巴利諾(Balinor)
演:约翰•林奇
降龍人。梅林个嫡親父親。烏瑟徕国内魔法大清洗个时光,利用佢降服巨龙,并成功畀巨龙囚徕卡美洛特蛮深个地底洞里,没多少时光就遭烏瑟流放,只有背井离乡,离开家小,蹲徕深山洞里过没人晓得个日子。徕第二季顶后一集因保护梅林而畀劫匪杀害。第五季末𡍲现身徕水晶洞里,引导儿子梅林寻回自家个法力。
胡妮絲(Hunith)
演:卡罗琳•法贝/台湾配音:傅其慧/日本配音:寺内よりえ
梅林个娘。是一个温柔善良个农家妇女,也是宫廷御医盖亞斯个故交。从老子巴利诺畀乌瑟流放后,梅林就是佢一手带大。梅林去天佑岛掸生命杯个聖水救危徕旦夕个阿瑟个时光,佢畀妮摩薇诅咒;后来盖亞斯自愿牺牲自家掉来胡妮丝个命。
伊索德(Isolde)
演:米兰达•雷森
走私販崔斯坦个愛人。勇敢勿懼个女戰士,為愛人崔斯坦犧牲奉獻。奮勇殺掉海琉斯救了阿瑟一命,可惜畀海琉斯死前一劍回擊死掉。
艾格瑞凡(Agravaine)
演:納森尼爾•帕克
阿瑟个舅舅,伊格蘭个嫡亲大大。是只差於阿瑟个王位法定繼承人,艾格瑞凡徕皇室里有至高無上个地位。佢支持阿瑟做个全部決定,但是佢对阿瑟个忠心是虛偽个,因為佢心愛个妹子就是因為生落阿瑟死掉。後來佢道摩嘉娜暗地里結成聯盟,把卡美洛特个一切動向朝摩嘉娜汇报,还畀摩嘉娜利用好帮佢奪转王位。顶後晓得梅林真正身份后畀梅林擊倒死坏。

剧里用语[编辑]

剧里个卡美洛特拍景徕法国巴黎皮耶枫城堡(Château de Pierrefonds)。
卡美洛特(Camelot)
五大王国其一,潘德拉根(Pendragon)一族统治。从乌瑟当政开始就弄魔法大清洗,把异教人全部处杀。城堡坚勿可摧,还有毛许多骑士守牢。
天佑岛(Isle of the Blessed)
亦译祈愿岛。汇集古老宗教魔法力量个一个中心地,位置是徕马里加海浪个一座孤岛。岛浪有祭司神殿道花楸树,积惯有飞龙守护。各种勿同个强力法器都是源出箇岛,比方花楸魔杖、生命杯还有卡斯拜德号角等。乌瑟徕魔法大清洗𡍲朞曾进攻过箇地方。
生命杯(Cup of Life)
驾驭徕时空高顶个永生勿灭个法器,亦好用来作善也好用来作恶。1000年前曾落徕大魔法师手里,大魔法师集齐一批大军,并让佢等每个人个血当代价汇进杯里,生命杯个无边法力会让佢等永生勿死,并造成前所未有个大屠杀;嘦把杯里个血倒光,法力就会消掉,亡灵大军个肉体也会畀消灭。生命杯也可以救人,嘦让死人饮落生命杯里头个水,灵魂就会立马入体,让其复生。
制造亡灵大军个咒语:“Gegadre anne here fram þisse bune ond heora blod. Swa þæt hie ne abygð ond ne swilteaþ naht, ac leofaaþ a on ecnesse.”。
阿凡克(Afanc)
妮摩薇捏泥土并利用巫术造出来个大水怪,只有魔力强大个巫师才可把佢变出来。佢有影响人精神同意志个能力,可以通过水源发散瘟疫,让卡梅洛特个百姓喝水后中毒死坏。后畀梅林用火烧杀。
制造阿凡克个咒语:“Ic acennan eowic ac ic hredde eowic.”。
寻水兽(Questing Beast)
树窠里个重毒怪兽。嘦畀佢伤着硬死勿疑。阿瑟因畀它伤着危徕旦夕,后来梅林受巨龙指点,到古老宗教腹地--天佑岛寻妮摩薇帮忙。
莫提斯花(Morteaus Flower)
假使中箇花毒,只好用同种花个茎叶作药引,花毒才可解掉。箇花只生徕巴尔隆森林洞窟里,花朵开徕莫提斯树根那𡍲。剧里妮摩薇为除掉梅林,把利用魔法加了毒个莫提斯花粘徕有酒水个生命杯里,让梅林饮落。
妮摩薇加毒个咒语:“Wē Gār-Dena in geār-dagum, þeod-cyninga, þrym gefrunon, hu ða æþelingas ellen fremedon. Syððan ærest wearð feasceaft funden. Ofer hronrade hyran scolde.”。
盖亞斯加解药个咒语:“Seópan ærest wearð feasceaft funden. Denum æfter dom. Dreamleas gebad he gewann langsum.”。
鸡蛇(Cockatrice)
守护巴尔隆森林个魔法生灵,佢个毒液可以致人死坏。
帝王之剑(Excalibur)
用龙息打造个神剑,原材料是格温家里铸造个顶好个剑。该剑只好畀心怀正义个勇士用,梅林有遭把佢掼徕阿瓦隆湖底,后来为仔消灭摩嘉娜个勿死亡灵,通过菲蕾亚个手从湖底重新捞出,消灭勿死亡灵后梅林畀佢封印徕石头里,等可以运用佢个帝王到来。该剑勿只可以消灭魔法召唤出来个勿死亡灵,还可以消灭有魔力个生灵,是传闻里顶强顶难操控个神器。阿瑟死坏之后,梅林把神剑再掼进阿瓦隆湖里,畀湖面浪一只神秘个手接牢。
第五季末尾,摩嘉娜用艾苏萨个龙息也造了一把同样个剑。徕箇剧里一般畀叫龙息剑(The Sword of Dragon Breath)。
高等女祭司、女教皇(High Priestess)
三相女神一族个后裔,统是法力蛮强个美貌女巫,有逆转生死个太古魔法;勿只箇样,佢等还会操控生命杯介个强力法器,而且平常刀剑也伤勿着女祭司分毫。
剧里就是三相女神决定阿瑟一辈子个命数,还徕里首打算推翻潘德拉根一族个统治,期盼旧教个复兴。剧里登场个第一个女祭司妮摩薇用魔法创造出阿瑟,还一直用强力黑魔法朝卡美洛特带去威吓;第二个女祭司莫高絲是莫嘉娜共娘隔爷个阿姐,亦熟悉阿瑟个母亲同佢个来历,说明莫高絲也是望着阿瑟大起来个;顶后个女祭司就是阿瑟共爷隔娘个阿姐莫嘉娜,从开始个篡夺王位直到毁灭阿瑟统治个卡美洛特王朝。莫高絲原先是小女儿子头个样子出现徕卡美洛特,到第三季里用娘个样子回归,佢也会用易容术变为老太婆个样貌,后头个莫嘉娜也有差勿多个形貌登场,佢等都徕里首扮了阿瑟个创造人、育成人还有毁灭人。
梅迪亚骑士(Knights of Medhir)
受魔女蛊惑变成黑暗骑士,有7人组成。300年前魔女杀掉后,箇7个骑士畀封印徕黑暗城堡里。徕第二季里,莫高絲通过魔咒点着黑暗城堡里个伊迪休拉之火让佢等复活。
点着伊迪休拉之火个咒语:“Cnihtas Medhires, éower sáwla sind min sáwla. Onwác and cóm hér eft. Rid eft ond forsliehð eft. Gehðu, Uther Pendragon.”。
曼转克草(Mandrake)
生得危险像人个魔草,只有精通魔法个人才听得着佢尖叫。勿懂魔法个人会畀佢剢通灵魂顶深地。莫高絲徕第三季第一集里为让烏瑟心智溃散,把曼转克草同烏瑟个眼里水掼到魔法镬子里放法,并让摩嘉娜把曼转克草放徕烏瑟床底下,第二日烏瑟会望着畀佢处死个魔法师还有过背皇后个恐怖幻影。
使用咒语:“Mid þæm wundorcræft þæs ealdan æwþ ic þe hate nime Utheres wopdropan ond þa gemengan mid his blod. Sy he under wittig ond deofol seocnes his heorte afylþ.”。
花楸魔杖(Rowan Staff)
生徕古老宗教腹地--天佑岛个花楸树浪掸落来个树枝制出个魔杖,就大祭司道佢等个血卫士才有幸一睹佢个样貌。佢是一支有灵性个魔杖,可以通过自家魔力引导使用人。剧里莫高絲把魔杖交畀摩嘉娜,摩嘉娜利用佢复活了长睏徕卡美洛特地下墓窖里个骸骨。
尼雅德魔晶(The Crystal of Neahtid)
从魔晶洞窟里挖去个一块特别个魔晶,几百年来有蛮多魔法师都为了保护佢死坏。后来畀烏瑟深锁徕卡美洛特地下宝库里,一个魔法师认为莫卷德可以驾驭尼雅德魔晶个强大法力,佢等就潜进卡美洛特寻着摩嘉娜,利用摩嘉娜成功盗出魔晶。后来阿瑟带领骑士群去讨伐夺转了魔晶,梅林却徕魔晶里望到未来卡美洛特危徕旦夕个吓人影像。
魔晶洞窟(Crystal Cave)
前朝预晓塔利辛守护个洞窟,里首个一切都是魔法个源头,石壁浪生满了闪亮光芒个角锥样水晶,预晓个法力就是箇些预示未来个水晶里来个。箇些有魔性个水晶可以显出未来就要发生个大事个影像,不过能够望透箇些水晶奥妙个人少之亦少。
凤凰眼(Phoenix Eye)
莫高絲让摩嘉娜送畀阿瑟个腕圈,上头镶一颗凤凰眼睛。嘦摩嘉娜做个畀火烧着个巫蛊稻草人就好控制凤凰眼个力道,好让凤凰眼汲吸阿瑟个生命力。
人面狮身蝎尾兽(Manticore)
佢是古老宗教里个一个魔法怪兽。徕现实生活里停勿了太长,佢个命力能源只有依靠鬼魂世界个恶魔,蝎尾滴出个毒液还会致人死翘。佢寄宿个魔盒徕佢还没进去就畀魔咒毁坏个时光,佢道灵界个联系就会畀切断,然后死掉。
Triskele-Symbol1.svg
三旋璧(Triskelion)
德鲁伊个一种标记。有三个漩连徕一道,是预晓个标志象征。三旋璧家生笼总有三部分,囥徕勿同个地方,是开启囥白龙艾苏萨龙蛋个阿什科那古墓(The tomb of Askhannar)大门个钥匙。大多数预晓个身浪都纹有三旋璧标志,摩嘉娜个项链也有箇标志。
七頭蛇(Fomorroh)
利用黑魔法从地狱里召唤出来个魔法生物。传闻古教个大祭司利用佢控制敌人个心智,直到敌人完成任务或者耗燥命为止。剧里摩嘉娜把一只蛇头斫落后,还会再生出另外一只,摩嘉娜把一只蛇头放到梅林身浪,控制梅林让佢帮忙暗杀阿瑟。之后梅林潜进摩嘉娜个黑屋里掸去箇条魔蛇,并把佢烧毁,才仔脱开摩嘉娜个控制。
召唤咒语:“Astige ðu wyrm fah ond geþéowe ðæt mod ðisse þeowes. Hine bind ond ða heold. Awendaþ he ealle.”。
拉米雅(Lamia)
古老宗教女祭司用囡子头个血道蛇用魔法混作一道造出个魔法生物。可以變換出任何樣貌,亦可控制男人个心靈,再吸佢等个精氣,但是對女性没用。劇里拉米雅化作女人控制了卡美洛特騎士群个心靈,让箇班人為了保護佢相互鬥,甚至于同梅林、格温反目。梅林發現後要對付拉米雅,不过畀佢蛇妖个原样反擊,徕危急一際畀阿瑟一劍𧰵死。
迪亚迈尔(Diamair)
一切知识个钥匙。存在徕伊斯梅尔城堡(Ismere)地底下。剧里摩嘉娜打算寻出迪亚迈尔来晓得阿瑟个克星到底是何人。
卡斯拜德号角(The Horn of Cathbhadh)
乌瑟原先进攻天佑岛个时光,有人徕祭司神殿塌掉前把佢掸吧去。有开启灵界大门个强大魔力。每年徕贝尔顿,高等女祭司集总徕奈米顿巨石(Stones of Nemeton)前头吹响号角,召唤佢等先祖个灵魂。假使徕离开前回头去望灵魂,箇灵魂就会畀解放,来人世间;只有召唤灵魂个人再吹响号角打开两界个隔膜,才会把灵魂逼回灵界。古教辰光,女祭司徕进灵界前统要训练交关年数,唯一有件事体是绝对勿好做个,就是徕灵界道现实世界个隔膜关掉个记,勿准回头去望灵魂。剧里一个老女巫徕临终前把号角交畀阿瑟,阿瑟就用号角召唤乌瑟个灵魂,因勿晓得箇情况回过头去望了乌瑟个灵魂,而让乌瑟个灵魂回到了现实世界。
符文币(Runemark)
相当于古老宗教个一份判决书。上头刻徕𡍲个符文预示未来命运个死亡同终场,里首勿只包括受审人个罪孽也包括诸神畀受审人指明个路。剧里三相女神个代言人狄希尔把箇枚符文币交畀阿瑟,如果阿瑟仍还勿肯皈依古教,佢会同卡美洛特一道走进毁灭个路。
三相女神(Triple Goddess)
主宰命运个古老母神个名号。剧里因阿瑟一直回绝古教而受到三相女神个审判道惩罚。
狄希尔(The Disir)
古老宗教个顶高法庭,也是三相女神个代言人。由三个女性从生出开始接受训练成为预言人,唯一个使命就是传达三相女神个神谕。佢等代替三相女神落来个判决,往往没改变个余地。佢等会用古老个水洼来预言,水洼个水来於卡兰里个圣泉(Sacred Spring at Caerlanrigh),圣泉个水源则来於怀特山浪个一片紫杉林。佢等蹲徕布纳维德树林个山洞里,佢等叫𡍲里圣地,古老宗教个腹地。
佢等个名字取材徕北欧神话里主司命运到战争个女神狄丝(Dís[复数形]、狄希尔[dísir])。
黑暗塔(The Dark Tower)
空未一物个平原浪耸立徕𡍲一支黑石塔。黑暗塔本是虚无之地,也是心灵个长眠场所,内心顶深个恐惧,蜂鸟眼里个死寂。
艾瑞霍德圣水(The Cauldron of Arianrhod)
艾瑞霍德圣水有净化个力量。剧里格温维尔个灵魂畀提埃那•迪亚加(Teine Diaga)吞噬,永远囚徕银色轮(Silver Wheel)里,而佢就像行尸走肉一样畀摩嘉娜控制牢,一旦目的达到,仅剩个躯体也会畀消灭。嘦让格温维尔自愿走进圣水里,并且还让伟大个法师集齐所有力量召唤白女神(White Goddess)本尊,才可彻底救回格温维尔。
卡萨祭司(Catha Priest)
卡萨祭司从生出起就受严格训练,并且熟悉所有肉体折磨。卡萨祭司还可以把自家个意念同肉体分离,克服或者抵抗各种肉体折磨,但是难以抵挡精神浪个折磨。
班鲁伊(Bendrui)
由九人组起个一个宗教派系。徕宗教受害以先,囡子头从生出起就畀选去接受祭司训练,佢等离开嫡亲父母,受人托养,以后就成为旧教女弟子。所有班鲁伊都受过严格个魔法训练,佢等不仅要魔法天赋,还必须有超出寻常个魔力,箇样才有希望成为九人团里一员。
纳赛尔蛇(Nathair)
能让人出现危险深重个灵魂之痛个一条黑蛇。摩嘉娜利用佢来让人逼供。
拉盖德(Ragaid)
古教个一种惩罚。由强大个魔力让人面孔皮肤勿断生长,导致窒息而亡。箇也是女祭司徕对敌人宣战先个终极警告。
吉恩卡纳(Gean Canach)
一种吓人个魔法生物。由大地之母尼曼(Nemaine)个眼泪水造出,能吸食别人个魔法,让人法力全失(像大嘴部一样个活体,吸附徕头浪一记功夫魔力就畀吸去了)。第五季里摩嘉娜利用佢夺去了梅林个法力。

各集题目[编辑]

※注:下底按台湾公共電視播映个标题作准来记录。

第一季[编辑]

  1. 巨龍个呼唤
  2. 瓦利安
  3. 女巫个印記
  4. 毒聖杯
  5. 蘭斯洛特騎士
  6. 萬靈丹
  7. 阿法隆之門
  8. 末日开端
  9. 帝王神劍
  10. 進退兩難
  11. 蓋德羅夫迷宮
  12. 殺君大罪
  13. 阿瑟之死

第二季[编辑]

  1. 希根个詛咒
  2. 未來个皇后
  3. 夢魘開始
  4. 蘭斯洛特與格温维尔
  5. 美女與野獸 (上)
  6. 美女與野獸 (下)
  7. 搜巫人
  8. 父之罪
  9. 湖里个女人
  10. 美夢
  11. 女巫甦醒
  12. 伊迪休拉之火
  13. 顶後个降龍人

第三季[编辑]

  1. 烏瑟•潘德拉根个眼淚 (上)
  2. 烏瑟•潘德拉根个眼淚 (下)
  3. 地精个黄金
  4. 葛文
  5. 水晶洞
  6. 調換兒
  7. 費里安城堡
  8. 鳳凰眼
  9. 龍年之愛
  10. 紅心皇后
  11. 巫師个陰影
  12. 阿瑟崛起 (上)
  13. 阿瑟崛起 (下)

第四季[编辑]

  1. 黑暗時光 (上)
  2. 黑暗時光 (下)
  3. 邪魔惡日
  4. 艾蘇薩
  5. 有其父必有其子
  6. 兩個主上
  7. 虐魔師
  8. 拉米雅
  9. 蘭斯洛特
  10. 新紀元
  11. 獵人之心
  12. 石里劍 (上)
  13. 石里劍 (下)

第五季[编辑]

  1. 阿瑟个剋星 (上)
  2. 阿瑟个剋星 (下)
  3. 烏瑟•潘德拉根个死亡悲歌
  4. 别人之慟
  5. 迪希爾
  6. 黑暗塔
  7. 復仇課題
  8. 空心王后
  9. 全心全意
  10. 陌生人个慈悲
  11. 黑暗临近
  12. 光輝降臨 (上)
  13. 光輝降臨 (下)

各地首播情报[编辑]

国家 译名 首播电视台 首播日
英国 英国 Merlin BBC One 第一季:2008年09月20号-2008年12月13号
第二季:2009年09月19号-2009年12月19号
第三季:2010年09月11号-2010年12月04号
第四季:2011年10月01号-2011年12月24号
第五季:2012年10月06号-2012年12月24号
中华民国 中华民国 -{少年魔法師 梅林}- 公共電視 第一季:2009年01月25号-2009年01月31号
第二季:2010年02月13号-2010年02月19号
第三季:2011年02月01号-2011年02月07号
第四季:2012年01月23号-2012年01月28号
第五季:2013年02月09号-2013年02月15号
-{梅林傳奇}- DIVA Universal 第四季:2011年12月12号-2012年0待考察
第五季:2012年11月11号-2013年01月27号
香港 香港 -{魔法穆林}- 亞洲電視國際台 待考察
中华人民共和国 中华人民共和国 -{梅林}-(综合频道版) CCTV-1 第一季:2010年05月30号-2010年07月11号
-{梅林传奇}-(电视剧频道版) CCTV-8 第三季:2013年02月28号-2013年03月6号
第四季:2013年03月6号-2013年03月12号

影视小说[编辑]

中国大陆引进该小说个汉语版制作版权,由陕西出版集团未来出版社联合出版发行。2012年4月1号(前三册发行日)道5月1号(后三册发行日)徕全国各大书店还有网购商城开始销售。全6册发行。

  1. 《-{梅林传奇}-Ⅰ-巨龙召唤》([英]西蒙•弗沃德/著)ISBN 978-7-5417-4544-7
  2. 《-{梅林传奇}-Ⅱ-英勇骑士》([英]迈克•塔克/著)ISBN 978-7-5417-4546-1
  3. 《-{梅林传奇}-Ⅲ-宁薇之记》([英]詹森•劳伯瑞克/著)ISBN 978-7-5417-4547-8
  4. 《-{梅林传奇}-Ⅳ-金杯毒酒》([英]西蒙•弗沃德/著)ISBN 978-7-5417-4561-4
  5. 《-{梅林传奇}-Ⅴ-迷宫考验》([英]迈克•塔克/著)ISBN 978-7-5417-4559-1
  6. 《-{梅林传奇}-Ⅵ-亚瑟之死》([英]詹森•劳伯瑞克/著)ISBN 978-7-5417-4560-7

搭界话题[编辑]

  • 儘管格温维尔是傳闻裡阿瑟王个王后,本劇梅林與阿瑟兩人互動卻遠多於阿瑟與格温维尔。扮演阿瑟个Bradley James曾公開表示阿瑟搭梅林有兄弟情誼Bromance[2],而且本劇兄弟情誼多过羅曼史[3]

參考資料[编辑]

外头链接[编辑]