天主敎會

天主敎會（拉丁文：Ecclesia Catholica；希臘語：καθολικην εκκλησίαν；原意爲“大公敎會”），是基督宗敎各宗派裏向人數頂多个敎會，搭東正敎會及新敎爲基督敎三大敎派，以敎宗（即羅馬主敎）爲領袖，告咾又畀稱爲羅馬公敎會、羅馬大公敎會或羅馬天主敎會，對西方文明有重大个影響。截至2013年，全球天主敎會約有12.54億信徒，約佔世界人口个六分之一。

名稱源由

天主敎會一詞頂早出現在公元2世紀初。直譯「至公敎會」。καθολικην隻詞个含義嚜是全體、普世，昰隻詞搭「至一」「至聖」「宗徒」咾啥元素組成功「大公敎會」，用作稱呼正統基督敎會。因常莊用「至公」一詞簡稱，告咾兩者等同。

天主敎會認爲伯多祿（彼得）接受耶穌基督个託付建立敎會，成爲敎會个基石。佢親自建立羅馬敎會，是羅馬敎會个第一位主敎，並在昰隻職位丄向領導各地敎會。朝後沿襲下來个羅馬个主敎乃末也享有各地敎會个領袖地位。因此大公敎會是從伯多祿開始一脈相承，是以羅馬主敎爲領袖个普世真敎會。新敎否認脫其一脈相承个觀點，認爲耶穌基督弗曾委託彼得稱爲敎會个基石，彼得也弗曾建立羅馬敎會，羅馬敎會及其主敎个地位是在後來个歷史發展中逐漸建立起來个。

公元5世紀，羅馬帝國分裂爲東、西兩塊之後，羅馬主敎个地位在西羅馬帝國繼續得到鞏固，但在東羅馬帝國，君士坦丁堡主敎个地位逐漸上升，與羅馬主敎常莊分庭抗禮。11世紀發生東西敎會大分裂後，東方敎會以君士坦丁堡普世牧首爲首，使用正統敎會个名稱，西方敎會以羅馬敎宗爲首，繼續使用大公敎會个名稱。

16世紀出現宗敎改革運動，宗敎改革者常莊使用“羅馬敎會”个名稱來稱呼此天主敎會，「羅馬公敎」、「羅馬天主敎」、「羅馬天主敎會」咾啥个別名由此而來。天主敎自家老少使用昰然个稱呼。

基督敎傳入中國个辰光，天主敎擔大公敎會翻譯成功天主敎會。

組織與信徒

聖職人員

天主敎个聖職人員按神品等級可分成功3類，分別爲主敎、神父（即司鐸）及執事。主敎爲十二門徒个繼承人，通常負責管理一個敎區所有事務。主敎是由敎宗親自任命，合法繼承人嚜會畀授予完滿个神權，有權祝聖新司鐸。主敎是由天主制定繼承宗徒位者，藉賜於佢場个聖神畀立爲敎會裏向个牧人，使之成爲敎義个導師、神聖敬禮个司祭搭治理个服務者。

敎宗，即宗徒之長聖伯多祿个繼承人，也是羅馬主敎，普世敎會个首牧，"爲世界主敎團个首領、基督个代表、普世敎會在現世个牧人；告咾由於此職務，佢在普世敎會裏享有頂高个、完全个、直接个職權，且得經常自由行使之。" "敎宗由於其職位，弗罷享有對普世敎會个權力，而且對所有個別敎會及其信眾擁有職權个首位...羅馬敎宗在盡其普世敎會最高牧人職務辰光，常搭其他主敎淘，而且與普世敎會共融聯合一淘；但佢有權按照敎會个需要，規定執行職務个方式，即由其個人或與主敎淘集體執行。"敎宗可召開，親身或派人主持之，遷移、終止或解散大公會議，也可以批准該會議个法令。乃朝按敎會法，敎宗由合資格(即80歲以下)樞機淘當中選出，像煞早期敎會中聖伯多祿宗徒爲十二門徒之首。神父(司鐸)爲主敎个聖職協助者，可舉行彌撒聖祭，施行聖事(除祝聖司鐸搭施放堅振外)，協助主敎牧養天主个子民（即管理堂區事務與敎導敎友）。執事又爲主敎个世俗事務協助者，主要以服務爲主，也有宣讀聖言 ，協助分送聖體咾啥。執事通常是過渡性質，是司鐸候選人升爲神父个過渡，但也設有可允許已婚者擔任个終身執事，此級神品於梵蒂岡第二次大公會議後恢復。

樞機則爲敎宗个助手搭仔顧問，由敎宗直接任命，大部份樞機由主敎擔任，少有由神父擔任。樞機个職責主要爲輔佐敎宗，負責協助敎宗管理普世敎會个日常事務。譬如各聖部部長皆由樞機出任。1983年頒布个天主敎法典（參照349條及356條）則稱樞機爲特別組成个團體 〔稱爲（樞機團）（College of Cardinals）〕，依法享有選舉敎宗个權利，並以集體方式協助敎宗處理較重要个事項，或個別个協助敎宗處理普世敎會个日常事務。樞機體制是敎會設立个一種職務(敎律)，並非建基於神律，亦弗是神品（聖秩）个一個等級。 樞機个職務，源於羅馬敎區个司鐸團（Presbyterate）。

• 敎宗
  • 樞機
    • 總主敎
      • 主敎
        • 助理主敎
          • 輔理主敎
            • 神父
              • 執事

修士及修女並非聖職人員，而是修道者，即願意以其獨特方式（如按弗同神恩以服務或祈禱个方式）渡奉獻生活个平信徒。

敎會組織

搭聖職人員相對應个嚜，是敎會个組織制度。天主敎會个組織團體分爲依據聖統制建置个敎會科層機構（一般俗稱爲「敎會當局」）、以及自治團體兩大類型。聖統制內各機構个相對關係，類似國家个中央政府與地方政府，衹弗過是運用至全世界各個有敎會个地方。聖公宗等使用主敎制个宗派亦有類似个組織架構。

• 聖座
  • （總敎區）
    • 敎區／宗座代牧區／宗座監牧區／宗座署理區
      • 堂區

天主敎會个自治團體，主要分爲由修道者組成个各種男女修會、以及由平信徒組成个各種善會。在敎會法丄，敎會个自治團體需要獲得敎會當局个批准，纔好算正式个敎會團體。

敎義

天主敎个敎義是以《聖經》爲中心，但敎會當局个敎導（即聖傳）也有一定个地位。天主敎个信仰生活个核心是七樁聖事，即聖洗聖事、堅振聖事、修和聖事、聖體聖事、婚配聖事、聖秩(神品)聖事、病人傅油（基督新敎則僅保留洗禮搭聖體作爲正式个聖禮）。在箇當中，彌撒（聖體聖事爲其主題）是頂重要个。 不過，新敎搭之基於聖經產生極大分歧，雙方敎義好講完全弗同。

日常生活當中中，誦經也是天主敎信徒經常進行个活動。昰些經文全是一些經過編排好个重要經文个連禱，像《天主經》、《宗徒信經》、《聖三光榮頌》、《玫瑰經》、《耶穌救主慈悲串經》

天主敎个節日蠻多，在基督敎三大派別裏向少於東正敎而多於基督新敎。其中比較重要个有耶誕節、復活節、救主慈悲主日、聖神降臨節、聖母升天節、聖體聖血節咾啥。

三位一體

聖經內嘸沒在文字丄明確表示三位一體个信理。但基於一些聖經經文以及根據敎會个聖傳, 在場第一次尼西亞大公會議後, 爲駁斥亞流異端, 在《尼西亞信經》中成爲基本信條。早期敎父特土良是第一位使用「三一」（拉丁文：Trinitas）个神學家。

傳承性

天主敎會由宗徒時代開始由首任敎宗——聖伯多祿宗徒領導，並由伯多祿个繼承人帶領敎會，經歷二千多年，直到現在。是故天主敎會顯示出《尼西亞信經》中“唯一、至聖、至公、從宗徒傳下來个敎會”个特性。

聖事

天主敎相信聖事是由基督耶穌親自建立，透過有形个標記分施無形个恩寵。七樁聖事涵蓋基督徒生命中所有階段，及一切重要時刻。在天主敎裏向，聖事有七件，分別爲:聖洗聖事、堅振聖事、修和聖事、聖體聖事、婚配聖事、聖秩聖事(神品)、病人傅油。 七樁聖事主要分成三類，入門聖事，治療聖事，共融搭服務个聖事。

入門聖事

其中聖洗聖事、堅振聖事搭聖體聖事乃入門聖事，昰些聖事爲人準備入敎奠定基礎。 藉著基督个恩寵，人類分享天主性體，箇與本性生命个肇始、發展搭滋養有類似之處。信徒透過聖洗而重生；藉著堅振而堅強，並在聖體聖事中領受永生之糧。乃末，藉著入門聖事，佢場常能更豐盛地接受天主个生命，並且邁向愛德个成全。領好聖洗聖事，纔好領受其他聖事。

治療个聖事

入門聖事對基督徒嚜衹不過剛剛開始，在人生个旅途上，難免有眼弗足，或有些犯罪之處。在受到痛苦、疾病搭死亡，還有犯罪之後，敎會爲信友提供兩樁聖事治療心靈與肉身丄个疾病或創傷--修和聖事與病人傅油。

爲共融服務个聖事

聖秩聖事搭婚姻聖事—是爲其他人个得救而設立个，通過其爲他人服務而達成个。昰兩樁聖事賦予領受人，在敎會內一項特殊使命，並用來建立天主个子民。透過昰兩樁聖事領仔聖洗搭堅振聖事个人，將接受特殊个祝聖。伊排接受聖秩聖事者蒙受祝聖而成爲牧者，因基督之名，『以天主个聖言搭恩寵牧養敎會』。另一方面，婚姻聖事使基督徒夫婦蒙受祝聖，爲善盡佢場夫妻與爲人父母个職責。

有些聖事是可以重覆領受个，像：修和聖事、聖體聖事搭病人傅油。亦有些聖事一生人衹能領一趟，如:聖洗聖事、堅振聖事、聖秩聖事(神品)，因爲昰些聖事在人身上留下永弗磨滅个神印。

死後个審判

義人在佢犯罪之日，弗能救佢；罪人在佢悔改之日，必受光榮。

對聖母个敬禮

天主敎會強調聖母衹是人--受造物之一，並非神，也弗會有搭天主有同等地位。《敎會憲章》第66條對敬禮聖母有以下个解釋：「瑪利亞，因爲是天主个母親，參與爻基督个奧蹟，由於天主聖寵个舉拔，佢衹在聖子以下，高出一切天神世人之上，所以理當受到敎會特別个崇敬。從老古老个時代，榮福童貞已畀尊爲『天主之母』个榮銜。信友在一切危難急需中，都呼求投奔佢个護佑。尤其自厄弗所會議以來，天主个子民對瑪利亞个敬禮，在敬愛、呼求及效法方面，有仔驚人个發展，恰如佢个預言：『從今以後萬世萬代要稱我有福』（路1:48）。昰項在敎會內經常存在个敬禮，雖具有絕無僅有个特徵，但對降生个聖言，對聖父及聖神个欽崇禮，仍然有本質上个區別，而且特別能促進昰項欽崇禮。原來敎會在健全而正統个敎義範圍內，根據時代搭地區个情況，根據信友个習尚，批准爻對天主之母个若干敬禮形式，其目的是爲敎人在敬禮聖母之際，也更認識、愛慕、光榮基督，並遵行其誡命，因爲一切都是爲祂而存在（參閱哥1:15-16）。」

天主敎會有四個關於聖母个信理，分別爲：天主之母、童貞終身童貞、無染原罪（無玷始胎）搭聖母蒙召升天。

天主之母

「天主之母」之名个榮銜也是因耶穌基督而來。耶穌基督作爲一個真人、真天主，祂个母親瑪利亞故畀稱爲“天主之母”，因爲耶穌基督个人性搭天主性是弗可分開个。在歷史中, 弗乏弗同異端弗承認此項道理。431年个厄弗所大公會議中，敎會爲駁斥異端對基督降生奧蹟个曲解，隆重宣佈爻聖母爲「天主之母」，成爲敎會當信个道理，來表達及維護耶穌个「兩性一位」。當中強調个是耶穌基督是真天主也是真人，由瑪利亞因聖神而降生成人，救贖人類。告咾，敎會在宣告「天主之母」个辰光，其實正是在維護耶穌「兩性一位」个道理－－天主性搭人性同時結合在耶穌昰隻「位格」上。

終身童貞

「終身童貞」个信理指出聖母是百分之百个母親，而且在產辰光童貞正表示出聖母是單靠天主个力量擔聖子帶到人間，佢弗是靠人間任何个力量， 甚至弗是靠人間愛情个力量來完成佢个使命，告咾聖母也是位百分之百「信德个母親」，佢弗僅在領報辰光對天主說「是」搭「願意」，佢還「願意」到底，九個月之後佢仍要昰然「願意」，單靠天主个力量、單靠信仰，在生產過程中擔耶穌帶來世界丄，在昰場我場也可看到「終身童貞」弗僅是做天主个旨意，它另一個意思就是單靠天主。在「終身童貞」所顯示个信德个力量，對每一個信徒都是老重要、老大个啟發。

外部連結

• Vatican.va  – 聖座官方網站
• News.va  – 官方新聞網站
• Vatican YouTube  – 官方YouTube頻道