科举

科举，是从隋唐开始发展出来，到明朝、清朝登峰造极个官僚选拔制度。是东亚地区长期遵循个一种制度。迭个制度弗问考生个家庭门第出生，号称一切侪看考试个成绩。科举制度实施之后，门阀贵族逐步衰落，寒门开始成为所谓个士大夫。弗过，立在日本，迭个制度实行老弗成功，反过来被日本武士所代表个地方土豪贵族制取代。因为实行科举，交关读书人搭知识分子拿一辈子放到迭个考试高头去，带来交关社会问题。同时，因为考试内容搭现实脱节，选拔出来个人也弗一定有管理能力。有名个小说《儒林外史》对此有蛮深刻个描绘。