江湾五角场

五角场地标

江湾五角场，通称五角场（上海话拼音：hhngokshan，发音：[ɦǹ̩kőʔzã᷆]）,来勒上海市区东北角个杨浦区，是四平路、黄兴路、翔殷路、淞沪路搭邯郸路5条干道个交汇处。因此地原属宝山县江湾乡，故咾叫江湾五角场。

历史

民国初年，五角场一带是上海江湾镇东面个荒野，行政浪是上海县引翔乡、宝山县殷行搭江湾分别管一部分。上海建市以后，伊分别属于引翔区、江湾区、殷行区。

1920年代，复旦大学搬到箇面。

1930年代，上海市政府为了同租界竞争，勒拉黄浦江下游开辟新区，修仔交交关关路，5条干道就是伊个辰光修个，形成交通枢纽。根据孙中山《建国大纲》，上海特别市政府勒拉1929年通过“大上海计划”，拿箇面当新上海市中心区。抗战前勒拉五角场个东北方造出市政府、博物馆、图书馆等中国古典式建筑，搭江湾体育场。

抗战个辰光，日本人勒拉箇面造有恒产株式会社（现南京政治学院分院）等。后些来变成文教区，附近有国防医学院搭继承伊校址个中国人民解放军海军军医大学、复旦大学邯郸校区搭江湾校区、同济大学、上海财经大学、上海体育学院、中国人民解放军南京政治学院分院，加浪长海医院等。

1990年代以后，5条干道交汇处附近陆续开仔一批商店。

现状

现在个杨浦五角场是上海市敲定个上海十大商业中心之一，同徐家汇、四川北路、淮海路、中山公园等商业中心齐名。现在个五角场跟“徐家汇繁华商业副中心”，“浦东花木高尚居住副中心”，“普陀真如交通枢纽副中心”一淘排拉“上海四大城市副中心”里向，提供现代化高端商业服务，是北上海旗舰型高端商业中心。五角场还同复旦大学、同济大学等高校合作，形成校区、知识产业园区、现代生活区同商业区融拉一淘，相互呼应发展个综合模式化城市副中心。

江湾历史文化风貌区

江湾历史文化风貌区规划范围是中原路－虬江－黑山路－政通路－国和路－翔殷路－黄兴路－国权路－邯郸路－淞沪路－闸殷路－世界路－嫩江路圈起来个大幅，总面积有457公顷（当中核心保护范围有63.5公顷）。

参见

• 五角场镇→长海路街道
• 五角场街道

外部链接

• 五角场 档案，存勒互联网档案馆当中。（2011年1月20号）